Masjid Agung Syuhada Pelaihari
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Masjid Agung Syuhada Pelaihar inggih punika salah satunggaling masjid paling ageng saha paling sepuh ingkang madeg ing Kabupatèn Tanah Laut, Kalimantan Selatan, Indonésia saha dados karemenanipun masarakat Pelaihari.[1]
Sujarahipun
[besut | besut sumber]Ing wekdal rumiyin, ing kampong Pelaihari, sampun madeg satunggaling papan ngibadah ingkang boten dipunmangertosi kapan yasan punika sepisanan dipunyasa. Wangunan punika mapan wonten ing pinggiring dano ingkang mapan wonten ing Jalan Pusaka Pelaihari. Wangunan punika dipunyasa kanthi kontruksi kayu ulin, papan, saha kanthi atap sirap kanthi ukuran 7 x 7 mèter. Papan kanggé ngibadah punika ingkang asring dipunsebat masjid ingkang ugi dados papan kempalipun para pejuang kamardikan Indonésia, kanggé papan ngibadah saha ngatur strategi perjuangan. Pamarentah Walanda boten naté curiga bilih ing salebeting yasan punika wonten sakempalan rakyat Pelaihari ingkang nembé ngatur siyasat perang nglawan Walanda. Ngantos perang kaping kathah yasan masjid punika boten naté kebikak kedhokipun kanggé papan ngatur serangan dhateng bètèng Walanda. Sasampunipun jaman kamardikan, peran masjid ngalami éwah-éwahan inggih kanggé papan sarana ngibadah jamaahipun. Jamaah MAsjid Agung Syuhada ingkang tambah terus langkung kathah dadosaken masjid punika dipundandosi dipundamel langkung ageng.
Arsitektur
[besut | besut sumber]Arsitektur masjid syuhada Pelaihari punika éndah sanget amargi kathah ukiran khas Kalimantan saha kaligrafi Arab ingkang ngiasi meh sadaya yasan utama masjid. MAsjid Agung Syuhada Pelaihari ingkang dados kebangganipun masarakat Tanah Laut punika mapan ing Jalan Taqwa.[2] Saking arsitèktur bangunanipun Masjid Agung Syuhada punika kénging pangaribawa saking gaya arsitèktur Masjid Agung Demak, mliginipun saking wujud payon (atapipun) ingkang tumpuk 3. Ing masjid punika ugi wonten tigang kubah wonten ing sak nginggiling mihrab, srambi masjid pérangan ngajeng, saha kubah nginggil ing nginggiling atap yasan masjid. Namanipun Masjid Syuhada Pelaihari punika dipunpendhet saking jaman perjuangan. Nalika periode yasa masjid punika ingkang dipunpandhegani déning H. Abdullah Sani ing taun 2001, masjid punika badhé naté dipundandosi kanthi gaya ingkang modern, nanging boten siyos lajeng panitianipun bubar. Nanging ing wekdal sapunika MAsjid Agung Syuhada Pelaihari punika teep saged madeg kukuh saha langkung ramé jamaahipun. Ing pérangan ruang induk masjid ngantos plasa masjid kebak jamaah terus punapa malih nalika wonten penagosan.