Masjid At-Tin

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Masjid At-Tin iku siji saka loro masjid megah ing kawasan Taman Mini Indonésia Indah, Jakarta, Indonésia. Masjid liyané ya iku Masjid Diponegoro. Masjid sing wiwit diyasa tanggal April 1997 iki manggon ing palemahan sing jembaré 70.000 mèter pasagi kanthi kapasitas watara 9.000 wong ing sajeroning masjid lan 1.850 wong ing selasar katutup lan plaza. Pangyasa Masjid At-Tin rampung ing taun 1999 lan dibuka kanggo umum ing tanggal 26 November 1999.

Jeneng At-Tin[besut | besut sumber]

Jeneng At-Tin dijupuk saka salah siji surat sajeroning Kuran wahyu angka 27 sing ditampa déning Muhammad, utawa surat angka 95 sajeroning urutan penulisan Al-Qur‘an. Jeneng surat iku At-Tin sing tegesé sajinis woh sing legi rasané, énak, lan kebak gizi. Woh iki dipercaya duwé manfaat sing akèh, nalika isih mentah utawa wis mateng.

Saliyané diinspirasi saka surat Al-Qur‘an, pawèwèh jeneng At-Tin sabeneré uga minangka upaya kanggo ngenang jasa-jasa garwa mantan Présidhèn Soeharto sing asmané Ibu Tien utawa pepaké Hj. Fatimah Siti Hartinah Soeharto. Pancèn madegé Masjid At-Tin minangka usaha anak-putu Présidhèn Soeharto kanggo mèngeti ibu/éyangé.

Pranala njaba[besut | besut sumber]