Surat Al Mu’min

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
al-Mu'min
المؤمن
Gambar:Gafir.png
Informasi
Makna Wong sing iman
Nami sanès Ghafir
At-Tawl utawa Zit Tawl
Ha Mim al-Mu'min
Klasifikasi Makkiyah
Surat ka 40
Juz Juz 24
Statistik
Gunggung ruku' 9 ruku
Gunggung ayat 85 ayat

Surat Al-Mu'min (Arab: المؤمن ,"Wong sing iman") utawa Surat Ghafir (Arab: غافر ) iku surat ka-40 jroning Al-Qur'an. Surat iki dumadi saka 85 ayat, klebu golongan surat-surat Makkiyah. Surat iki diturunaké sawisé surat Az Zumar lan nduwèni 3 jeneng yaiku Al Mu'min, Ghafir, lan At Tawl.

Jeneng[sunting | sunting sumber]

Surat iki nduwèni 3 jeneng. Jeneng sing kerep dianggo ya iku Al-Mu'min. Déné 2 jeneng liyané ya iku Ghafir lan At-Tawl utawa Zit Tawl. Katelu jeneng surat iki minangka jeneng resmi lan nduwèni kaitan karo surat iki.

Jeneng Al-Mu'min (Arab:المؤمن ) dijupuk saka hadits nabi[1] sing nyebutaké minangka surat Ha Mim Al-Mu'min karo diawali aksara Ha Mim. Bab iki dianggo mbédakaké karo surat liya sing diwiwiti nganggo ayat Mutasyabihat Ha Mim sing padha kaya surat As-Sajdah sing uga disebut Ha Mim As-Sadjah. Saliyané iku, tembung Al-Mu'min sing tegesé "Lanang sing iman" ngarujuk marang kisah sawijining wong lanang iman sing ana ing jero ayat 28 surat iki. Wong iki minangka pengikut Fir'aun lan wong Qibti. Nanging, wong iki ndhelikaké kaimanané. Nganti sawijining dina nampa dhakwah saka Musa lan mbélani. Wong iki diprtélakaké ing Al-Quran minangka wong sing mbéla dhakwah. Ana sawetara panemu ngenani sapa jeneng wong iki. Jroning Tafsir Ibnu Katsir, wong iki ya iku "Habib".[2] At-Tabari berpendapat yèn ia ya iku "Khair". Déné Ibnu Abbas duwé panemu yèn wong iki ya iku "Hazbil" utawa "Hazfil". Lan ana uga sing nyebutaké "Syam'an"[3].

Jeneng Ghafir (Arab:غافر) dijupuk saka ayat ka-3 surat iki sing ing jeroné ana tembung Ghafir. Tembung Ghafir uga minangka salah siji sifat Allah sing maknané "Ngampuni". Déné jeneng At-Tawl uga dijupuk saka ayat ka-3 saka tembung Zit Tawl sing ana ing pungkasan ayat. At-Tawl nduwèni makna "Kagungan karunia sing ora pedhot."[4]

Pokok-pokok isi[sunting | sunting sumber]

  1. Kaimanan: Sipat-sipat malaikat sing mikul 'Arsy lan sing ana ing saubengé; dalil-dalil sing nuduhaké kakuwasan Allah, sipat-sipat Allah sing nuduhaké gedhé lan kaagungan-Né; èlmu Allah nyakup sakabèhané; bukti-bukti sing nuduhaké anané dina bangkit.
  2. Kisah: Kisah Musa karo Fir'aun.
  3. Liya-liya: Al Quran lan sikap wong-wong mukmin lan wong-wong kafir; panyuwunan wong-wong kafir supaya diwetokaké saka neraka; pepènget marang wong-wong musyrik ngenani kedahsyatan dina kiamat; anjuran sabar jroning ngadhepi kaum musyrikin; nikmat-nikmat Allah sing ana ing dharatan lan segara; janji Rasulullah yèn wong-wong mukmin bakal menang marang musuhé.

.

Referensi[sunting | sunting sumber]

  1. ^ Saka Abu Hurairah yèn Rasulullah medhar sabdha, "Wong sing maca ayat Kursi lan wiwitan ayat surat Ha Mim Al-Mu'min, dilindhungi ing dina kiamat saka pitakonan. (HR At-Tirmizi, Al-Baihaqi lan Ad-Darimi)
  2. ^ Al-Mawardi. Kitab An-Nakt wal 'Uyun. Jilid 5, hal 152.
  3. ^ Kitab At-Ta'rif wal i'lam. hal. 131 lan 151.
  4. ^ EraMuslim. Ust. H. Ahmad Sarwat - Perbedaan jeneng surat dalam Al-Qur'an


Surat Sadurungė:
Surat Az Zumar
Al-Qur'an Surat Sabanjurė:
Surat Fushshilat
Surat 40
Sumber artikel punika saking kaca situs web: "http://jv.wikipedia.org/w/index.php?title=Surat_Al_Mu’min&oldid=827067"