Surat An Naas

Saka Wikipédia Jawa, bauwarna mardika basa Jawa
سورۃ ٱلنَّاس

Surat An-Naas punika surat ingkang pungkasan (surat kaping 114) wonten ing Al Qur'an. Nami An-Naas dipunpendhet saking tembung An-Naas ingkang kasebat wola-wali wonten ing surat punika. "An Naas" piyambak suraosipun "manungsa." Tembung "manungsa" ing basa Arab bènten-bènten. Ing tembung "An Naas", tembung punika ngrujuk kaliyan artos "manungsa" kanthi wadhag. Tembung manungsa bèntenipun ingggih punika "insan" ingkang ngrujuk manungsa saking péranganipun ing batos. Mula, ing surat punika An-Naas (manungsa) kasandingan kaliyan jin ingkang sami-sami saged dados sétan.

Surat punika kalebet golongan surat Makkiyah. Surat punika nganjuraken supados manungsa pados pangayoman dhumateng Allah lan sétan punika saged saking bangsanipun manungsa lan sétan.

Tèks[besut | besut sumber]

قُلْ أَعُوذُ بِرَبِّ النَّاسِ مَلِكِ النَّاسِ إِلَهِ النَّاسِ مِنْ شَرِّ الْوَسْوَاسِ الْخَنَّاسِ الَّذِي يُوَسْوِسُ فِي صُدُورِ النَّاسِ مِنَ الْجِنَّةِ وَالنَّاسِ

Alih aksara[besut | besut sumber]

Bismi A l-lahi al-r-Rahmani-al-r- Rahimi

  1. Qul a’udhu birabbi al -n-nasi
  2. Maliki al-n-nasi
  3. Ilahi al-n-nasi
  4. Min sharri a l-waswasi al-khannasi
  5. Al-ladhi yuwaswisu fi suduri al-n-nasi
  6. Mina a l-jinnati wa-al-n-nasi

Cathetan: Aksara ingkang kacithak warni abrit boten dipunswantenaken.

Jarwanipun[besut | besut sumber]

  1. Dhawuha,"Kawula nyuwun pangayoman dhumateng Pangeraning manungsa."
  2. Rajanipun manungsa
  3. Sesembahanipun manungsa
  4. Mugi dipunkalisaken saking pihalaning setan ingkang anggodha
  5. ingkang ambisik-bisiki ing manahing manungsa
  6. saking golonganipun jin lan manungsa.[1]

Cathetan sikil[besut | besut sumber]

  1. Kajarwakaken kanthi midhangetaken Tapsir Al-Quran Suci Basa Jawi anggitanipun Profesor K.H.R Muhammad Adnan.


Surat Sadurungė:
Surat Al Falaq
Al-Qur'an Surat Sabanjurė:
-
Surat 114