Surat Al Furqaan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
al-Furqan
الفرقان
Informasi
Makna Pambéda
Klasifikasi Makkiyah
Surat ka 25
Juz Juz 18 (ayat 1-20)
Juz 19 (ayat 21-77)
Statistik
Gunggung ruku' 6 ruku
Gunggung ayat 77 ayat
Ayat Sajdah Ayat 60

Surah Al-Furqan (basa Arab:الفرقان) kuwi surat ka-25 jroning al-Qur'an. Surat iki dumadi saka 77 ayat lan kagolong surah-surah Makkiyah utawa surat sing tumurun ing Mekkah. Dijenengaké Al-Furqan sing maknané pambéda, dijupuk saka tembung al-Furqan sing ana ing ayat pisanan surat iki. Sing dimaksud Al-Furqan jroning ayat iki yakuwi Al-Quran (delengen Jeneng liya Al-Qur'an). Al-Quran dijenengaké Al-Furqan amarga kanggo mbédakaké sing haq karo sing batil. Mula ing surat iki ana ayat-ayat sing mbédakan antara beneré ka-esaan Allah s.w.t. karo kebatilan kapercayan syirik.

Pokok-pokok isi[sunting | sunting sumber]

  1. Kaimanan: Allah Maha Agung berkah lan kebaikan-Nya; mung Allah waé sing nguwasani langit lan bumi; Allah ora duwé putra lan ora ana sing ngembari; Al-Quran bener-bener diudhunaké saka Allah; ilmu Allah ngliputi samubarang kalir; Allah semayam ing dhuwur Arsy; Nabi Muhammad kuwi hamba Allah sing diutus menyang kabèh alam; rasul- rasul iku manungsa biasa sing éntuk wahyu saka Allah; ing dina kiamat bakal kadadéyan prastawa-prastawa ngédab-édabi kaya pecahing langit, mudhuné malaikat menyang bumi, wong-wong dosa digusak menyang neraka kanthi mlaku nganggo rainé.
  2. Hukum-hukum: Ora olèh nglirwakaké Al-Quran; larangan nafkahaké harta sacara boros utawa cethil; larangan matêni utawa zina; kuwajiban mbrantas kakafiran kanthi migunakaké alesan Al-Quran; larangan mènèhi paseksèn palsu.
  3. Kisah-kisah: Kisah-kisah Musa, Nuh, kaum Tsamud lan kaum Syu'aib.
  4. Liya-liya: Panacat wong-wong kafir marang Al Quran; kedadéyan-kedadéyan alamiyah minangka bukti ka-esaan lan kakuwasan Allah; hikmah Al-Quran diudhunaké sacara sethithik mbaka sethithik; sifat-sifat wong musyrik antara liya nuhanaké hawa nepsu; ora migunakaké akal; sifat-sifat hamba Allah sing sakbeneré.

Referensi[sunting | sunting sumber]

  • Mukaddimah Al Qur'an versi terjemahan Departemen Agama Republik Indonesia
Sumber artikel punika saking kaca situs web: "http://jv.wikipedia.org/w/index.php?title=Surat_Al_Furqaan&oldid=815105"