Surat Asy Syu’araa’

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
asy-Syu'ara
الشّعراء
Informasi
Makna Para Panyair
Klasifikasi Makkiyah
Surat ka 26
Juz Juz 19
Statistik
Gunggung ruku' 11 ruku
Gunggung ayat 227 ayat

Surat Asy-Syu'ara kuwi surat ka-26 jroning Al-Qur'an. Surat iki dumadi saka 227 ayat klebu golongan surat-surat Makkiyyah. Dijenengaké Asy Syu'ara (tembung jamak saka Asy Sya'ir sing tegesé panyair) dijupuk saka tembung Asy Syuara sing ana ing ayat 224, yaiku ing bagéan pungkasan surat iki, nalika Allah s.w.t. sacara khusus nyebutaké kalungguhan para panyair Arab ing jaman jahiliyah. Para panyair-panyair iku nduwèni sifat-sifat sing béda karo para rasul-rasul; para panyair iki diiloni déning wong-wong sing sesat lan seneng mbolak-mbalik ilat lan ora nduwèni pendirian, tindakan ora cocog karo apa sing diucapaké. Sifat-sifat sing kaya mangkono kuwi ora ana ing sifaté para rasul-rasul. Amarga saka kuwi ora patut yèn Nabi Muhammad s.a.w. didakwa minangka panyair, lan Al-Quran dituduh minangka syair, Al-Quran kuwi wahyu Allah, dudu gawéyan manungsa.

Pokok isi[sunting | sunting sumber]

  1. Keimanan: Jaminan Allah tumrap kamenangan perjuangan rasul- rasul lan kaslametané. Al Quran bener- bener wahyu Allah sing diturunaké menyang donya déning Malaikat Jibril a.s. (Ruuhul amiin); mung Gusti Allah sing wajib disembah.
  2. Hukum-hukum: Kewajiban menuhi takeran lan timbangan; larangan ngowahi syair sing isi cacian-cacian, khurafat- khurafat, lan apus-apus.
  3. Kisah-kisah: Kisah-kisah Nabi Musa a.s. karo Fir'aun; kisah Nabi Ibrahim a.s. karo kaumé; kisah Nabi Nuh a.s. karo kaumé; kisah Nabi Shaleh a.s. karo kaumé (Tsamud); kisah Nabi Hud a.s. karo kaumé (Ad), kisah Nabi Luth a.s. karo kaumé; kisah Nabi Syu'aib a.s. karo pedunung Aikah.
  4. Lan liya-liyané: Kabinasan sawijining bangsa utawa umat disebabaké ninggalaké pituduh-pituduh agama; tuwuhan sing manéka warna lan owah-owahané yakuwi bukti anané Gusti Sing Maha Esa; pituduh-pituduh Allah kanggo pamimpin supaya asifat lemah lembut marang para pangikut; turuné kitab Al Quran jroning basa Arab wis disebutaké jroning kitab- kitab suci biyèn.

Referensi[sunting | sunting sumber]

  • Mukaddimah Al Qur'an versi terjemahan Departemen Agama Republik Indonesia