Winston Churchill

Saka Wikipédia Jawa, bauwarna bébas abasa Jawa
The Right Honourable
 Sir Winston Churchill
KG OM CH TD FRS PC
Winston Churchill

Mangsa jabatan
26 Oktober 1951 – 7 April 1955
Monark George VI
Elizabeth II
Deputi Anthony Eden
Didhisiki déning Clement Attlee
Diganti déning Anthony Eden
Mangsa jabatan
10 Mèi 1940 – 27 Juli 1945
Monark George VI
Deputi Clement Attlee
Didhisiki déning Neville Chamberlain
Diganti déning Clement Attlee

Mangsa jabatan
6 November 1924 – 4 Juni 1929
Perdhana Mentri Stanley Baldwin
Didhisiki déning Philip Snowden
Diganti déning Philip Snowden

Mangsa jabatan
19 Fèbruari 1910 – 24 Oktober 1911
Perdhana Mentri Herbert Henry Asquith
Didhisiki déning Herbert Gladstone
Diganti déning Reginald McKenna

Miyos 30 November 1874
Blenheim, Oxfordshire,
Inggris, Karajan Manunggal
Tilar donya 24 Januari 1965 (yuswa 90)
Hyde Park, London,
Inggris, Karajan Manunggal
Pasaréyan St Martin's Church, Bladon, Inggris, Karajan Manunggal
Kabangsan Karajan Manunggal
Partai pulitik Konservatif
(1900–1904, 1924–1964)
Liberal (1904–1924)
Garwa Clementine Churchill
Rélasi Pamela Harriman, daughter-in-law
Putra/putri Diana Churchill
Randolph Churchill
Sarah Tuchet-Jesson
Marigold Churchill
Mary Soames
Papan dunung 10 Downing Street (resmi)
Chartwell (pribadi)
Almamatèr Harrow School, Royal Military Academy Sandhurst
Profèsi Anggota Parlemen, nagarawan, tentara, wartawan, sejarahwan, penulis, pelukis
Tapak asma Winston Churchill's signature

Sir Winston Leonard Spencer Churchill (lair ing Oxfordshire, Inggris, 30 Novèmber 1874 – pati 24 Januari 1965 ing yuswa 90 taun) punika tokoh pulitik lan pangarang saking Inggris ingkang paling dipuntepangi mianangka Perdhana Mentri Britania Raya nalika Perang Donya II. Peranipun minangka ahli strategi, orator, diplomat lan pulitisi misuwur ndadosaken Churchill salah satunggal saking tokoh paling kagungan prabawa ing sajarah donya. Nalika taun 1953, Churchil dipunanugrahi bebungah Nobèl ing babagan literarur amargi sumbangan ingkang panjenenganipun paringaken salebetipun buku-buku karanganipun perkawis basa inggris lan sajarah donya.

Mangsa timur[besut | besut sumber]

Nami kuluwarga Churchill ingkang sabeneripun inggih punika Spencer-Churchill (amargi panjenenganipun kagungan gayutan getih kaliyan kuluwarga Spencer), nanging dipunmilai kaliyan bapanipun, Lord Randolph Churchill, sadaya kuluwarganipun wiwit ngginakaken nami kuluwarga Churchill.

Winston Churchill punika keturunan saking kuluwarga Churchill sepindhah ingkang dipuntepangi kanthi wiyar, John Churchill, Duke Marlborough sepindhah. Bapanipun Winston, Lord Randolph Churchill, punika tokoh pulitik ingkang ugi arupi putra angka tiga saking John Spencer-Churchill, Duke Marlborough kaping 7. Ibu Winston punika Lady Randolph Churchill (Jennie Jerome), putrinipun jutawan Amérika Leonard Jerome.

Winston Churchill dipunwiyosaken ing Blenheim Palace ing Woodstock, Oxfordshire; panjenenganipun dipunwiyosaken tanpa persiapan nalika ibunipun milai ngalami kontraksi nalika saweg lelampahan kanthi kréta jaran.

Kadosdéné anak jaler sanèsipun ingkang asalipun saking kelas ingggil ing wekdal punika, mangsa alitipun kathahipun dipuntelasaken ing asrama sekolah. Salah satunggil anekdot ingkang kasebar wiyar inggih punika cariyos nalika Churchill nyerat ujian mlebet dhumateng Sekolah Harrow. Nalika ujian basa Latin, panjenenganipun namung nyerat titel, naminipun, nomor 1 lan titik. Sanadyan panjenenganipun dipuntampi mlebet, panjenenganipun dipunparingaken ing kelas kanggé murid ingkang boten kagungan prestasi, wulangan dipunkonsentrasikaken dhumateng basa Inggris, babagan wulangan ingkang dipunkuwaosi kanthi becil sanget déning Churchill. Sapunika, saben taun, sekolah Harrow maringi bebungah Churchill (Churchill essay-prize) kanggé karangan ingkang membahas topik ingkang sampun dipuntemtokaken sadèrèngipun déning kepala pérangan basa Inggris.

Ibunda Churchill (dipuntepangi ing wekdal punika minangka Lady Randolph) arang ngunjungi putranipun, sanadyan makaten Churchill tresna sanget lan kagum dhumateng ibunipun. Churchill asring nyerat layang, nyuwun dhumateng ibunnipun supados rawuh tilik utawi nyuwun dhumateng bapanipun supados ngidinaken panjenenganipun wangsul dhumateng griya. Sasampunipun Winston diwasa, gayutan antawisipun Winston lan ibunnipun dados langkung caket, saéngga gayutan kekalihipun langkung mèmper gayutan mbakyu kaliyan rayinipun lan rerèncangan ingkang kenceng.

Hubungan antawisipun Churchill lan bapanipun boten caket, sanadyan makaten panjenenganipun mesthi nggatosaken karir bapanipun. Nalika taun 1816, panjenenganipun mroklamiraken, "Bapa kula punika kanselir kauangan (Chancellor of the Exchequer) lan satunggal dinten samangké, kula ugi bakal nglampahaken perkawis ingkang sami." Panjenenganipun boten kagungan kathah rèncang nalika timur lan perkawis punika tansal dipunéling-éling. Churchill caket sanget kaliyan pangasuhipun, Elizabeth Anne Everest, lan sedhih sanget nalika Elisabeth tilar donya tanggal 3 Juli, 1895. Churchill mbayar biaya panguburanipun ing City of London Cemetery and Crematorium.

Prestasinipun ing Harrow boten saé, Churchill asring dipunukum amargi bijinipun ingkang ala lan dipunanggep boten ngupados sinau langkung becik. Prilakunipun ingkang indhepèndhen lan sipatipun ingkang asring mbaléla dados alangan kanggé nyinaoni mata wulangan klasik kados déné basa Latin lan sajarah Yunani kuna. Sanadyan makaten panjenenganipun nedahaken bakat agengipun ing mata wulangan sanès, kados déné sajarah, ing pundi panjenenganipun asring pikantuk biji paling saé. Churchill asring dipunanggep, utamaminipun amargi panjenenganipun piyambak kagungan anggepan makaten, gagal kanggé pikantuk prestasi ing sekolah. Nanging panjenenganipun naté kagungan prestasi kanthi dados jawara tetandhingan anggar ing sekolah.

Churchill naté dados anggota freemason watawis taun 1895, sapérangan wekdal sasampunipun bapanipun tilar donya dumugi watawis taun 1912.

Dinas Militèr[besut | besut sumber]

Churchill tumut akadhemi militèr ing Sandhurst. Sasampunipun lulus nalika yuswa 20 taun, Churchill nggabung kaliyan tentara minangka Subaltern (mèmper kaliyan pangkat letnan) ing regimen kavaleri Hussar IV (kanthi nami regimen Queen's Own). Regimen punika dipuntugasaken ing Bengaluru, India. Sasampunipun panjenenganipun dugi ing India, Churchill ngalami cidra ing pundhakipun.

Ing India, Churchill nelasaken sapérangan ageng wekdalipun dolanan polo. Situasi punika boten damel remen Churchill ingkang taksih anèm lan ngelak pangalaman militèr. Panjenenganipun wiwit pados kesempatan kanggé saged nggabung salebeting perang. Taun 1895, Churchill lan Reggie Barnes pikantuk idin tindak dhumateng Kuba kanggé dados pangamat perang antawisipun prajurit Spanyol lan gerilyawan Kuba. Churchill ugi pikantuk komisi kanggé dados korèspondhèn koran Daily Graphic. Churchill gambira sanget nalika panjenenganipun kalibat salebeting baku témbak sepindhahipun nalika ambal warsanipun ingkang kaping 21. Nalika salebeting lelampahan dhumateng Kuba, panjenenganipun sempat ngunjungi Amérika Sarékat sepindhahipun lan dipuntepangaken dhumateng komunitas New York déning rèncang caket ibunipun, Bourke Cockran.

Pranala njaba[besut | besut sumber]


Didhisiki déning:
Arthur Neville Chamberlain
{{{jabatan}}}
1940–1945
Diganti déning:
Clement Attlee
Didhisiki déning:
Clement Attlee
{{{jabatan}}}
1951–1955
Diganti déning:
Sir Anthony Eden

Cithakan:Bebungah Nobèl Sastra 1951-1975 Cithakan:Nobèl Sastra