Gerhart Hauptmann

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gerhard Hauptmann tahun 1905. Photo déning Jacob Hilsdorf

Gerhart Hauptmann (15 November 18626 Juni 1946) inggih punika salah satunggaling dramawan Jerman ingkang pikantuk Penghargaan Nobel bidang Sastra nalika taun 1912.[1]

Karier dramawan Hauptmann[sunting | sunting sumber]

Hauptmann miyos wonten ing Obersalzbrunn, sawijining kutha alit wonten ing Silesia, sakmenika Szczawno-Zdrój wonten ing Polandia, minangka Gerhard Johann Robert Hauptmann. Piyambakipun minangka putra satunggaling penjaga hotel Prusia. Saking sekolah desa kalairanipun, piyambakipun mlebet Realschule wonten ing Breslau, lajeng dipunkirim saperlu sinau tetanén wonten ing tetanén pakdhénipun wonten ing Jauer. Ananging, amargi boten betah kaliyan pagesangan desa, piambakipun wangsul malih dhateng Breslau lan mlebet sekolah seni, kanthi ancas dados pemahat. Wonten ing mrika, piyambakipun kapanggih kaliyan kancanipun Josef Block. Lajeng piyambakipun sinau wonten ing Universitas Jena, lan nelasaken sapérangan ageng taun 1883-1884 wonten ing Italia. Nalika wulan Mei taun 1885 Hauptmann palakrama lan dumunung wonten ing kutha Berlin, lan nyurahaken dhiri sedayanipun wonten ing karya sastra, lan langsung pikantuk reputasi minangka salah satunggaling tokoh drama modern.[2]

Nalika taun 1891 piyambakipun ngaso wonten ing Schreiberhau, Silesia. Drama ingkang angka pisan saking Hauptmann, Vor Sonnenaufgang (1889) mbikak gerakan naturalistik wonten ing sastra Jerman modern; kalajengaken kaliyan Das Friedensfest (1890), Einsame Menschen (1891) lan Die Weber (1892), sawijining drama ingkang nyariosaken ngrembakanipun para penganya taun 1844.

Karya-karya Hauptmann salajengipun inggih punika komedi Kollege Crampton (1892), Der Biberpelz (1893) lan Der rote Hahn (1901), sawijining "sajak pangimpén", Hannele (1893), lan drama sajarah Florian Geyer (1895). Piyambakipun ugi nyerat tragedi petani Silesia, Fuhrmann Henschel (1898) lan Rose Bernd (1903), lan dongeng dramatis Die versunkene Glocke (1897) lan Und Pippa tanzt (1905). Masa puncakipun kadadosan rikala taun 1911: piyambakipun nyerat Die Ratten, saéngga pikantuk Penghargaan Nobel bidang Sastra taun 1912.

Sadangunipun PD I, Hauptmann minangka salah satunggaling tokoh perdamaian. Wonten ing masa karieripun punika Hauptmann nyerat sapérangan drama suram lan "mengalegorikan" sajarah, kadosta Der Bogen des Odysseus (1914), Der weisse Heiland (19121917), Winterballade (1917). Sasampunipun perang, kamampuan sastranipun samsaya kirang. Wonten 2 drama panjang ingkang mirip kaliyan kasuksesan awal, anangin kaliyan perasaan realistik ingkang tipis: Dorothea Angermann (1926) lan Vor Sonnenuntergang (1932). Piyambakipun tetep wonten ing Jerman sasampunipun "Machtergreifung" lan slamet saking Pengeboman Dresden nalika Perang Donya II (Dresden Lautan Api)). Karya pungkasanipun inggih punika Atriden-Tetralogie (19421946).[3]

Hauptmann tilar donya wonten ing yuswa 83 taun wonten ing dalemipun ing Agnetendorf (sakmenika Jagniątków, Polandia) taun 1946.

Karya sanés[sunting | sunting sumber]

  • Drama: Elga (1896), Michael Kramer (1900), Schluck und Jau (1900), Der arme Heinrich (1902), Gabriel Schillings Flucht (1906), Die Jungfern von Bischofsberg (1907), Kaiser Karls Geisel (1908), Griselda (1909), Peter Brauer (1912), Festspiel in deutschen Reimen (1913), Magnus Garbe (1914, second version: 1942), Indipohdi (1920), Veland (1925), Herbert Engelmann (19211926), Spuk (two plays: Die schwarze Maske and Hexenritt, 1928), Die goldene Harfe (1933), Hamlet im Wittenberg (1935), Die Finsternisse (1937), Ulrich von Lichtenstein (19361937), Die Tochter der Kathedrale (19351938).
  • Novel: Der Narr in Christo Emanuel Quint (1910), Atlantis (1912), Phantom (1923), Wanda, der Dämon (1926), Die Insel der grossen Mutter (1928), Um Volk und Geist (1932), Im Wirbel der Berufung (1936), Der Abenteuer meiner Jugend (1937) lsp.
  • Novel cekak: Bahnwärter Thiel (1888), Die Ketzer von Soana (1924), Marginalien (selected works, reports: 18871927), Sonnen (1938), Der Schuss im Park (1939)
  • Novel sajak: Promethidenlos (1885), Anna (1921), Die blaue Blume (1924), Till Eulenspiegel (1927), Das Meerwunder (1934), Der grosse Traum (19121942) lsp.

Cathetan Suku[sunting | sunting sumber]

Pranala Njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Gerhart_Hauptmann&oldid=836549"