Patrick White

Saka Wikipédia Jawa, bauwarna mardika basa Jawa
Jump to navigation Jump to search

Patrick Victor Martindale White utawa Patrick White ya iku novelis, dramawan Australia.[1][2] Lair ana London, Inggris, tanggal 28 Mèi 1912.[1] Séda ana Sydney, New South Wales, Australia, tanggal 30 September 1990.[1] Dhèwèké éntuk pahargyan Nobel Sastra taun 1973.[1][2]

Dhèwèké sinau basa modern ana King's College, Cambridge.[1] Dhèwèké nerbitake pakaryan, dolan, lan mèlu teater, saliyané nyambi ana Royal Air Force nalika Perang Donya 2.[1] Lebar 1945, dhèwèké bali ing Australia, nanging kala-kala uga ana Inggris lan Amérika Sarékat.[1]

Happy Valley, novèl sepisanane taun 1939, dicritakake ana New South Wales lan nudhuhake pengaruhe D. H. Lawrence lan Thomas Hardy.[1] Sabanjure, isi novèlé carita Australia, nanging olahane ora kebatesan sak nagara utawa sak jaman baé.[1] Dhèwèké mandheng Australia minangka nagara kang rikat ngrembakake dhiri, lan novèl-novèlé njajahi kemungkinan laku biadab ana manéka konteks.[1] Konsepsine ngenani Australia ana ing The Tree of Man taun 1955, Voss taun 1957, Riders in the Chariot taun 1961. The Solid Mandala taun 1966, lan The Twyborn Affair taun 1979, ya iku produk individual, kritis, lan imajinasi puitik.[1] Gayane carita kebak mitos, simbol, lan alegori.[1] Pokok kang paling ditemeni ya iku rasa isolasi manungsa lan panggolekane ngenani sajatining urip.[1]

Cathetan suku[besut | besut sumber]

  1. ^ a b c d e f g h i j k l m The Editors of Encyclopædia Britannica. "Patrick White AUSTRALIAN AUTHOR". britannica.com. Dijupuk 11 September 2016. 
  2. ^ a b Nobel Media AB (2014). "Nobel Prize in Literature 1973 - Press Release". Nobelprize.org. Dijupuk 11 September 2016. 

Pranala njaba[besut | besut sumber]