Anatole France

Saka Wikipédia Jawa, bauwarna mardika basa Jawa
Anatole France
Lair(1844-04-16)16 April 1844
Paris, France
Pati12 Oktober 1924(1924-10-12) (umur 80)
Tours, France
PakaryaJuru romant
BangsaFrench
Bebungah utamaNobel Prize in Literature
1921

Tandha tangan
Lukisan Anatole France déning Leroux.

Anatole France (lair ing Paris, 16 April 1844 – pati ing Tours, 12 Oktober 1924 ing umur 80 taun) yaiku juru nulis, kritikus wewengkon kutha, salah siji tuladha paraga baku ana ing sastra Prancis pungkasan abad ping 19 lan wiwitan abad angka 20, kang kanugrahan Bebungah Nobel babagan Sastra taun 1921.[1] Skèptisisme sing digilut France katon ing karya-karya pisanané, nanging masalah mungsuhan karo kaum borjuis nyebababaké dhèwèké njurung Parté Kuminis Prancis.[2] Nalika taun 1920 tulisan-tulisané kapratélakaké ana ing Indhèks Buku kang dilarang déning Gréja Katulik Roma. Jeneng asliné yaiku Jacques Anatole François Thibault.[2] Bapaké France yaiku bakul buku lan njenengi tokoné 'Librarie de France' – saka kéné iki dhèwèké njupuk jeneng kanggo jeneng margané.[2] Wiwit cilik France wis kapéncut kanggo maca buku.[1] France sekolah ana ing Collége Stanislas, ana ing sekolahé dhèwèké duwé panemu anti-pandhita[1]. Sawisé gagal ana ing ujian sarjana mudha, France banjur bisa lulus nalika umuré 20 taun. Nalika taun 1860-an dhèwèké dadi asistèn kanggo bapaké, sawisé iku dhèwèké banjur dadi kataloger lan asistèn pangecapan ana ing Bacheline-Deflorenne lan ing Lemerre, dhèwèké uga makarya dadi guru. Nalika bapaké pènsiyun, France banjur makarya dadi asistèn pambesut.[2] Dhèwèké dadi anggota kelompok juru gurit Parnassian, Gautier, Catulle, Mendes, lsp, lan yasa réputasi dhuwur ana ing babagan sastra.[1] Sadawané ana ing Perang Prancis-Prusia, France duwé tugas ana ing wadyabala iku, lan kaget karo perang kang ana ing Komune Paris taun 1871.[2]

Cathetan suku[besut | besut sumber]

  1. a b c d nobelprize.org
  2. a b c d e "kirjasto.sci.fi". Diarsip saka sing asli ing 2011-08-05. Dibukak ing 2011-08-06.