Günter Grass

Saka Wikipédia Jawa, bauwarna mardika basa Jawa
Jump to navigation Jump to search
Günter Grass taun 2006

Günter Wilhelm Grass[1] utawa nalika lair ditulis Günter Wilhelm Graß[2] (lair ing Danzig, 16 Oktober 1927 – tilar donya ing Lübeck, 13 April 2015) iku siji seniman lan pangripta Jerman. Dhèwèké olèh Bebungah Sastra Nobel taun 1999.

Günter Grass iku wong Jerman katurunan Kasyubia. Kasyubia iku siji sukubangsa sing manggon ing pasisir lor Polen, sing nalika iku dikuwasani Jerman. Nalika ing taun 1944, Günter mèlu wajib militèr nalika Perang Donya II minangka anggota Waffen-SS.

Günter Grass kawentar olèhé nulis romané sing kapisan: Die Blechtrommel ('Drum blèk') taun 1959. Roman iki siji tulisan magis-réalisme lan pérangan kapisan saka Trilogi Danzig. Buku kapindhoné saka trilogi iki ya iku Katz und Maus ('Kucing lan Tikus') lan Hundejahre ('Taun-taun Asu'). karya-karyané dianggep ndarbèni ciri pulitik kiwa. Günter Grass dhéwé dadi anggota Partai Sosial-Démokrat Jerman (SPD utawa Sozialdemokratische Partei Deutschland).

Babad slira[besut | besut sumber]

Grass lair ing Kutha Bébas Danzig tanggal 16 Oktober 1927, minangka putrané Wilhelm Grass (1899–1979), wong Protèstan turunan Jerman lan Helene Grass-Knoff (1898–1954), wong Katulik turunan Kasyubia-Polen.[3][4] Günter Grass dhéwé nganggep awaké wong Kasyubia.[5][6][7] Günter didhidhik minangka bocah Katulik lan tau dadi putra altar.[8] Wong tuwané nduwé warung sembako lan ing cedhaké omah apartemèn ing Danzig-Langfuhr (saiki Gdańsk-Wrzeszcz). Günter nduwé adhi wadon siji, Waltraud, lair taun 1930.[9]

Grass olèhé sekolah ana ing Gymnasium Conradinum ing Danzig. Ing taun 1943, kanthi umur 16 taun, dhèwèké dadi asistèn Angkatan Udara (Luftwaffenhelfer). Ora suwé manèh, dhèwèké diwajibaké mlebu Dines Pakaryan Nasional (Reichsarbeitsdienst). Ing sasi November 1944, ora suwé sawisé ambal warsané sing kaping 17, Grass banjur sukalila mèlu kapal silem Nazi Jerman. Déné dhèwèké krasa terkengkang déning omahé wong tuwané lan budaya Katulik kalangan ngisor sing dianggepé apeg.

Réferènsi[besut | besut sumber]

  1. Woods, Tim (2008). "Grass, Günter". Who's Who of Twentieth Century Novelists. Routledge. 
  2. "Zunge heraus". Der Spiegel. 4 September 1963. (...) wurde Günter Wilhelm Graß am 16. Oktober 1927 geboren. 
  3. Garland, The Oxford Companion to German Literature, p. 302.
  4. "The Literary Encyclopedia", Günter Grass (b. 1927). Retrieved on 16 August 2006.
  5. "Günter Grass nie żyje. Noblista miał 87 lat". Gazeta Wyborcza. 13 April 2015. Dijupuk 13 April 2014. Pytany o tożsamość narodową, mówił, że jest Kaszubą. (Asking about his ethnicity, he always said that he's Kashubian) 
  6. "Porträt: Der unbequeme Nationaldichter". Focus. 13 April 2015. Dijupuk 13 April 2014. Aber wenige haben auch soviel einstecken müssen wie der Kaschube aus Danzig. (But, just few people had to take flak like the mustachioed Kashubian from Danzig  (now Gdańsk, Poland)
  7. "Polnische Ostseeküste, Danzig, Masuren". Klaus Klöppel, Olaf Matthei. Er bezeichnet sich selbst gerne als Kaschube 
  8. "Wer ist Günter Grass?". Der Tagesspiegel. 
  9. Mayer, Claudia (2002). Günter Grass. Deutscher Taschenbuch Verlag. k. 16. 

Pranala njaba[besut | besut sumber]