Imre Kertész
| Imre Kertész | |
|---|---|
.jpg) | |
| Pakarya | Novelis |
| Bebungah utama | Penghargaan Nobel dalam Sastra taun 2002 |
Imre Kertész (lair 9 Novèmber 1929; umur 95 taun) yaiku sastrawan Yahudi Honggari.
Lair ing Budapest saka kulawarga Yahudi, Kertész dideportasi ing Auschwitz ing 1944 lan candhaké ing Buchenwald. Dhèwèké dibebasake saka kamp ing taun 1945. Sawisé perang, dhèwèké kerja ing ariwarta Budapest, Vilagossag, nanging ing 1951 dhèwèké dipeksa mundhur amarga pengambilalihan déning kuminis. Kertész gabung karo militèr nganti 2 taun lan wiwit iku gawé pertalan tulisan saka basa Jerman ing basa Honggari.
Karya-karyané yaiku novèl taun 1975 kanthi irah-irahan Sortanslanság, dhedhasar pengalamane ing kamp konsèntrasi Nazi. Disusul Fiasco ing 1988. Jilid ka-3 saka Kaddis a meg nem született gyermekért, dicetak ing 1997. (Kaddish yaiku donga Yudaisme kang diucapake kanggo ngelingake wong mati). Paraga mligi novèl yaiku Gyorge Koves, ora gelem duwé anak ing dunya kang ngakoni anané Auschwitz.
Karya liyané kalebu A nyomkereső (1977), Az angol lobogó (1991), lan Gályanapló (1992). Dhèwèké uga mènèhi kuliah sawisé sirnane kuminisme ing Éropa Timur taun 1989, lan kuliah-kuliahe wis dikumpulake lan diterbitake. Kertész menang Penghargaan Nobel ing Sastra taun 2002. Akèh novèle kang nyritakake 'Holocaust'. Saliyané éntuk Bebungah Nobel, dhèwèké tau menang sapérangan bebungah liyané kalebu Brandenburger Literaturpreis ing 1995 lan Leipziger Buchpreis zur Europaischen Verstandigung ing taun 1997.
Amarga getih Yahudine, Kertész njlentrehake ing sawijining wawancara ing El Pais, sawijing ariwarti Spanyol: "Aku dudu wong Yahudi kang iman. nanging amarga minangka wong Yahudi aku digawa ing Auschwitz, minangka Yahudi aku ana ing kamp kematian lan minangka Yahudi aku ing lingkungan kang ora seneng marang Yahudi. Aku tansah rumangsa yèn aku wajib dadi Yahudi. Aku Yahudi, aku trima, nanging ing tingkat kang luwih jembar uga bener yèn aku dipeksa babagan iku." (The Jerusalem Report, 4 November 2002).