Novèl

Saka Wikipédia Jawa, bauwarna bébas abasa Jawa
Novèl

Novèl ya iku salah sawijiné karya fiksi prosa kang ditulis.[1] Novèl sifaté naratif utawa wujudé arupa carita.[1] Wong kang nulis novèl diarani novelis.[1] Tembung novèl asalé saka basa Italia novella kang tegesé "sebuah kisah, sepotong berita".[1]

Novèl luwih dawa lan luwih jangkep manawi dibandingaké karo cerkak utawa cerita cekak. Novèl saora-orané kasusun déning 40.000 tembung.[1] Novèl uga ora diwatesi karo struktural lan metrikal sandiwara utawa sajak.[1] Lumrahé novèl nyritakaké ngenani lakon-lakon lan watake lakon ing njero carita.[1] Novèl nitikaké caritané ing pérangan-pérangan kang anéh saka naratif utawa carita iku.[1]

Novèl ing basa Indonèsia uga dibedakake karo roman.[1] Roman alur caritané luwih kompleks lan cacahé tokoh kang dadi paraga ing carita roman uga luwih akèh tinimbang novèl.[1] Novèl lumrahé ditulis lan dicithak dadi wujud buku.[1]

Novèl asalé saka basa Italia ya iku saka tembung novella, basa Jerman saka tembung Novelle, lan basa Yunani ya iku novellus.[1]

Novèl sujarah[besut | besut sumber]

Novèl sujarah ya iku genre kang wigati kang akèh ditulis ing nagara-nagara Barat, kang duwé katresnan tumprap sajarah.[2] Kanthi novèl iki nagara-nagara iku nanduraké katresnan tumprap sajarah lan nuduhaké pentingé sajarah tumprap pandhidhikan.[2] Novèl sajarah mbiyantu ngakrabaké masarakat jaman saiki karo masarakat jaman mbiyèn kang ngenggoni bangsané.[2] Kang dadi pelopor nulis novèl sajarah ya iku Walter Scott.[2] Dhèwèké salah sijiné pengarang Inggris saka abad kaping 19.[2] Nagara Inggris ndeleng sajarah minangka unsur kang wigati kanggo yasa bangsané.[2]

Cathetan suku[besut | besut sumber]

  1. ^ a b c d e f g h i j k l [Sumarlam.2004.Analisis Wacana.Surakarta:Pakarraya]
  2. ^ a b c d e f journal.ui.ac.id(dipunundhuh tanggal 5 Juli 2011)