Rabindranath Tagore

Saka Wikipédia Jawa, bauwarna bébas abasa Jawa
Rabindranath Tagore
Rabindranath Tagore in 1909.jpg
Rabindranath Tagore di Kolkata, sekitar tahun 1915 ketika ia mendapat anugrah gelar.
Lair 7 Mei 1861
Kolkata, India
Pati 7 Agustus 1941
Kolkata, India
Pakarya Penyair, filsuf, dramawan, komposer

Rabindranath Tagore (basa Bengali: Rabindranath Thakur; lair ing Jorasanko, Kolkata, India, 7 Mèi 1861 – pati 7 Agustus 1941 ing yuswa 80 taun [γ]) ugi misuwur kanthi nami Gurudev,[δ] inggih punika salah satunggalipun Brahmo Samaj, penyair, dramawan, filsuf, seniman, musikus lan sastrawan Bengali.[1][2] Panjenenganipun lair saking kulawarga Brahmana Bengali, inggih Brahmana ingkang manggenipun ing laladan Bengali, laladan ing anakbawana India antawis India lan Bangladesh.[1] Rabindranath Tagore punika kalebet tiyang ingkang nomer setunggal saking Asia ingkang pikantuk kanugrahan Nobel Sastra ing taun 1913.[1] Panjenenganipun sampun nyerat puisi utawi geguritan wiwit yuswanipun nembe wolung taun.[1] Tagore ngagem nami samaran “Bhanusingho’’ (Singa Srengenge) wonten ing panerbitan karya geguritanipun ingkang sapisanan ing taun 1877, lan wiwit nyerat carita cekak nalika nembe yuswa enem welas taun.[1] Amargi raos kuciwa dhateng British Raj saged damel Tagore maringi dhukungan dhateng Gerakan Kamardikan India lan kekancanan kaliyan Mahatma Gandhi. Lan ugi amargi panjenenganipun sampun kicalan meh sadaya kulawarganipun, lan kirangipun raos ngurmati dhateng karyanipun.[3] Karya-karyanipun Tagore ingkang misuwur kados Gitanjali (Song Offerings), Gora (Fair-Faced), lan Ghare-Baire (The Home and the World), sarta karya geguritan, carita cekak, lan novel.[2]

Wekdal taksih alit (1861 - 1901)[besut | besut sumber]

Tagore tahun 1879, Wekdal Tagore taksih ngudi ilmu ing Inggris.

Tagore nggadhahi asma timur (nama alit) "Rabi", lair ing Jasanko Mansion, panjenenganipun putra saking Debendranath Tagore lan Sarada Devi,[ε] putra pungkasan saking sekawan welas putra.[3] Sasampunipun ndherek upacara Upanayanam ing yuswa enem welas taun,(Upayanam inggih punika upacara kagem lare jaler ingkang badhe mlebet tingkatan Brahmacari tingkat kagem mados ilmu).[3] Tagore sareng kaliyan bapanipun tindak nilaraken Kolkata ing tanggal 14 Februari 1873 kagem nglaksanakaken laku ingkang panjang ing India.[2] Panjenenganipun dhateng Shantiniketan lan Amritsar saderengipun dhateng Dalhousie, salah setunggalipun bukit kagem istirahat ing Himalaya. Wonten ing ngriki, Tagore sinau sejarah, astronomi, ilmu pengetahuan modern lan Basa Sansekerta, lan ugi nyinaoni karya sastra klasik.[1][3]

Cathetan suku[besut | besut sumber]

  1. ^ a b c d e f (en)[ Dutta & Robinson. Rabindranath Tagore: The Myriad-Minded Man 1995]
  2. ^ a b c (id)[Michael H. Hart. 1978. Seratus Tokoh yang Paling Berprabawa dalam Sejarah. Jakarta: Dunia Pustaka Jaya]
  3. ^ a b c d (en)[ Stewart & Twichell. Rabindranath Tagore: Lover of God, Copper Canyon Press 2003]

Pranala njawi[besut | besut sumber]

Biografi
Waosan

| style="width:50%; text-align:left; vertical-align:top;" |

Texts and analyses
Music