William Faulkner
| William Faulkner | |
|---|---|
| Lair |
William Cuthbert Faulkner 25 September 1897 New Albany, Mississippi, Amérika Sarékat |
| Pati |
6 Juli 1962 Byhalia, Mississippi |
| Pakaryan | Sastrawan |
| Wong tuwa | Murry Cuthbert lan Maud Butler Falkner |
William Faulkner ya iku sastrawan, juru tulis novèl Amérika.[1] Dhèwèké lair ana New Albany, Mississippi, Amérika Sarékat, tanggal 25 September 1897.[2] Séda ana Byhalia, Mississippi, tanggal 6 Juli 1962.[2] Pakaryane kang kondhang ya iku The Sound of Fury lan As I Lay Dying.[1][2] Dhèwèké éntuk pahargyan Nobel Sastra taun 1949.[1][2]
Dhèwèké anak mbarepe Murry Cuthbert lan Maud Butler Falkner.[2] Dhèwèké ngerti latar wuri kulawargané, mligi mbah buyute, Kolonel William Clark Falkner.[2]
Padha karo mbah kakunge mènèhi kesan ing dhekne, mbah putrine uga ngono.[1] Simbah putri buyute, Lelia Butler ya iku wong kang seneng maca, uga seneng lukisan, dhèwèké diajari kaendahaning garis lan warna.[1]
Nalika nom-nomane, Faulkner seneng nggambar.[1] Dhèwèké uga seneng maca lan nulis geguritan.[1] Umur rolas taun, dhèwèké wiwit niru juru tulis romantik Sekotlan, mligi Robert Burns, uga Inggris, A. E. Housman lan A. c. Swinburne.[1] Amarga kapinterane, dhèwèké bosen sekolah lan ora ngentukake diploma.[1] Sawisé metu dhèwèké makarya tukang kayu lan dadi klerk ana bank-e simbahe.[1]
