Bangalore

Saka Wikipédia Jawa, bauwarna bébas abasa Jawa
(Dilih saka Bengaluru)

Cithakan:Kothak info kutha krajan india

Bengaluru (basa Kannada: ಬೆಂಗಳೂರು) (diwaca /'bɛŋgəɫurʊ/ sajeroning basa Kannada lan /'bæŋgəlʊɹ/ sajeroning basa Inggris) iku kutha krajan lan kutha gedhé dhéwé ing Praja India Karnataka. Kutha iki uga disebut "Kutha Taman" amarga taman-taman, kembang, lan wit-witané sing éndah. Bengaluru arupa kutha gedhé dhéwé katelu lan metropolitan gedhé dhéwé kalima, kanthi populasi nalika taun 2001 gunggungé 6,5 yuta. Sadurungé 1 November 2006, jeneng kutha iki ya iku Bangalore.

Sawisé India éntuk kamardikan taun 1947, Bengaluru révolusi dadi sawijining hub prodhuksi kanggo indhustri abot kaya ta Hindustan Aeronautics Limited lan Indian Space Research Organization. Sajeroning dékade pungkasan, pambentukan lan suksès perusahaan tèknologi dhuwur ing Bangaluru wis nyebabaké tuwuhing tèknologi informasi ing India. Perusahaan IT ing Bengaluru makaryakaké watara 30% saka sayuta profésional IT India.

Kutha iki uga arupa pusat pelatihan kanggo Angkatan Udara India, Madras Engineering Group (EMG), lan pulisi militèr pusat, loro sing pungkasan arupa lengen Angkatan Bersenjata India.

Bengaluru arupa pangkalan èlmiah India lan arupa papan universitas risèt tuwa dhéwé India, Indian Institute of Science. Institut risèt liyané kalebu Indian Institute of Astrophysics, the Raman Research Institute, the Jawaharlal Nehru Centre for Advanced Scientific Research, the National Center for Biological Science lan the Indian Statistical Institute.