Kabupatèn Lamongan

Lamongan كَبُڤَتَينْ لَمَوڠَنْ ꦏꦧꦸꦥꦠꦺꦤ꧀ꦭꦩꦺꦴꦔꦤ꧀
Kabupatèn
Lambang
Sesanti: Memayu Raharjaning Praja ꦩꦼꦩꦪꦸꦫꦲꦂꦗꦤꦶꦁꦥꦿꦗ
Pernahé Lamongan ing Jawa Wétan
Nagara	Indonésia
Provinsi	Jawa Wétan
Kutha krajan	Lamongan
Pamaréntahan
• Bupati	vacant
• Wakil Bupati	Dra. Hj. Kartika Hidayati, M.M, MHP.
Laladan
• Gunggung	1,812,80 km2 (0,69.993 sq mi)
Cacah warga (Sènsus 2015)
• Gunggung	1,187,795
• Pepadhet	0,65/km2 (1,7/sq mi)
Bebrayan
• Wong	Jawa, Madura, Arab, Cina dll.
• Basa	Jawa, Madura lan Indonesia
• Kepercayan	Islam 99.12% Kristen Protestan 0.48 % Hindu 0.27% Katulik0.09% Buddha 0.04%
Zona wektu	WIK (UTC+7)
Kodhe laladan	(+62) 322
Plat montor	S
Situs wèb	www.lamongankab.go.id (ing basa Indonésia)

Kabupatèn Lamongan (Carakan: ꦏꦧꦸꦥꦠꦺꦤ꧀ꦭꦩꦺꦴꦔꦤ꧀, Pegon: كَبُڤَتَينْ لَامَوڠَنْ), mujudaken satunggaling kabupatèn ingkang dumunung wonten Provinsi Jawi Wétan, Indonésia. Ibukithanipun inggih punika Lamongan. Kabupatèn punika ugi wewatesan kaliyan Seganten Jawi wonten sisih lèr, Kabupatèn Gresik wonten sisih wétan, Kabupatèn Majakerta kaliyan Kabupatèn Jombang wonten sisih kidul, Kabupatèn Bojanegara kaliyan Kabupatèn Tuban wonten sisih kilèn.

Géografi

Lamongan mujudaken satunggaling Kabupatèn ingkang dumunung wonten pasisir lèr Jawi Wétan. Sapérangan wewengkon pasisir minangka wewengkon pagunungan. Wewengkon punika amujutaken rerangkenipun pagunungan kapur lèr. Wonten pérangan tengah minangka dataran andap ingkang sitinipun boten roto, lan sapérangan malih minangka siti bono rowo. Wonten pérangan sisih kidul wonten pagunungan ingkang mujudaken pungkasanipun rerangken Pegunungan Kendeng wonten iring wétan, Bengawan Sala mili wonten pérangan sisih lèr.

Kanthi géografis, Kabupaten Lamongan dunungipun wonten 6° 51’ 54’’ kanthi 7° 23’ 6’’ garis lintang kidul lan antaranipun garis bujur wetan 112° 4’ 41’’ kanthi 112° 33’ 12’’ bujur wetan.

Papréntahan

Kabupatèn Lamongan kapérang dados 27 kacamatan, ugi kapérang malih dados pinten-pinten désa lan kalurahan. Punjering papréntahan wonten ing kacamatan Lamongan.

1. Babat
2. Bluluk
3. Brondong
4. Deket
5. Glagah
6. Kalitengah
7. Karangbinangun
8. Karanggeneng
9. Kedungpring
10. Kembangbahu
11. Lamongan
12. Laren
13. Maduran
14. Mantub
15. Modo
16. Ngimbang
17. Paciran
18. Pucuk
19. Sambeng
20. Sarirejo
21. Sekaran
22. Selokuro
23. Sugio
24. Sukodadi
25. Sukorame
26. Tikung
27. Turi

Perékonomian

Tetanèn mujudaken satunggaling sèktor perékonomian ingkang wigati sanget wonten Kabupatèn Lamongan. Wewengkon pasisir mujudaken wewengkon perkembangan GERBANGKERTOSUSILA (singkatan saking nama kitha-kitha GRESIK, BANGKALAN, MOJOKERTO, SURABAYA, SIDOARJO lan LAMONGAN).

Angkudan

Kabupatèn Lamongan dipunlangkungi margi ageng Pantura ingkang saged nggubungaken kitha Jakarta – Surabaya, ingkang nglangkungi saurutipun pasisir seganten lèr. Margi punika ugi nglangkungi Wewengkon Kec.Paciran ingkang gadhah kathah panggènan pariwisata. Kitha Lamongan ugi dipunlangkungi margi ageng Surabaya – Cepu – Semarang. Kitha Babat mujudaken persimpangan margi antawis Surabaya-Semarang kaliyan margi Malang-Jombang-Tuban. Lamongan ugi dipunlangkungi margi kereta api jalur lèr Pulo Jawa.

Plesir

Lamongan gadhah panggènan damel rekreasi ingkang saé tur edi. Ing wewengkon pasisir wonten panggènan wisata ingkang minangka Monumen Van der Wicjk, Waduk Gondang Pasisir Tanjung Kodok lan Wisata Bahari Lamongan utawa Jatim Park-2. Guwa Maharani wonten ing Paciran, wonten pinggirane jalur utomo pantura (margi dalan Daendels ingkang mau dalan Anyer-Panarukan), ya iku guwa kapur ingkang saé. boten tebih saking Guwa Maharani, wonten Makam Sunan Drajat lan Makam Sunan Sendang Duwur, ya iku wali ingkang nyebar agama Islam wonten Pulo Jawa. Kekalih pasaréan punika gadhah kagunan arsitèktur ingkang sanget acorak Majapahit, sacelakipun pasaréan wonten Museum Sunan Drajat.

Rupa–rupa

Lamongan kawentar gadhah dhedaharan ingkang kas ingkang cekap dipuntepangi lan saged kapanggih wonten saindewnging tlatah ing Jawi Wétan, upaminipun soto Lamongan, sekul boranan, tahu campur Lamongan. Wingko Babat mujudaken Jajanan kas saking kitho Babat. Salintunipun punika ugi wonten jajanan kas saking wewengkon Kec.Paciran ingkang kasebat Jumbreg. Salintunipun jumbreg ,Paciran ugi mujudaken wewengkon ingkang ngasilaken who siwalan enem ingkang biyasa dipunsebat ental.

Uga delengen

• Pratélan kabupatèn lan kutha ing Jawa Wétan

Pranala njaba

• Situs Web Resmi
• Situs Web Resmi Archived 2007-10-08 at the Wayback Machine.[nganggé basa inggris]
• Datae lamongan Archived 2010-03-12 at the Wayback Machine.