Kabupatèn Jombang

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Jombang
كَبُڤَتَينْ جَومْبَڠْ
ꦏꦧꦸꦥꦠꦺꦤ꧀ꦗꦺꦴꦩ꧀ꦧꦁ
Kabupatèn
Logo Jombang.png
Lambang
Sesanti: Jombang Beriman (Bersih, Indah, dan Nyaman)
Locator kabupaten jombang.png
Pernahé Jombang ing Jawa Wétan
Nagara Indonésia
Provinsi Jawa Wétan
Dina Dadi 1910 (asli)
1950 (ukum)
Kutha krajan Jombang
Pamaréntahan
 • Bupati Dr. Ec. H. Nyono Suharli Wihandoko
 • Wakil Bupati Hj. Mundjidah Wahab, B.A.
Laladan
 • Gunggung 1.159,50 km2 (0.44.769 sq mi)
Cacah warga (Sènsus 2015)
 • Gunggung 1.240.985
 • Pepadhet 1.1/km2 (2.8/sq mi)
Bebrayan
 • Wong Jawa, Madura, Arab, Cina dll.
 • Basa Jawa, Madura lan Indonesia
 • Kepercayan Islam 97.35%
Kristen Protestan 1.63%
Katulik0.53%
Hindu 0.33%
Buddha 0.09%
Konghucu 0.07%
Zona wektu WIK (UTC+7)
Kodhe pos 61400
Kodhe laladan (+62) 321
Plat montor S
Situs wèb www.jombangkab.go.id
(ing basa Indonésia)

Kabupatèn Jombang (Carakan: ꦏꦧꦸꦥꦠꦺꦤ꧀ꦗꦺꦴꦩ꧀ꦧꦁ, Pegon: كَبُڤَتَينْ جَومْبَڠْ), iku kabupatèn ing Provinsi Jawa Wétan. Kutha krajané Jombang. Jembar wewengkon kabupatèn iki 1.150 km². Jombang iku ana ing tengah-tengah wewengkoné Provinsi Jawa Wétan, kira-kira 80 km saka Surabaya. Jombang misuwur diarani Kutha Santri, amarga akèh pondhok pasantrèn ana ing kutha iki.

Akèh wong misuwur Indonésia asalé saka Jombang, antarané manten Présidhèn Indonésia K.H. Abdurrahman Wahid (Gus Dur), pahlawan nasional K.H. Hasyim Asy'ari lan KH Wahid Hasyim, Nurcholis Madjid (Cak Nur), Emha Ainun Najib (Cak Nun), Kapolri Timur Pradopo, Mantri Perindustrian M.S. Hidayat, karo Muhaimin Iskandar.

Sajarah[besut | besut sumber]

Pas jamané Karajan Majapahit, Jombang dadi bates sisih kulon kraton iki. Amarga iku, saiki akèh sisa-sisa tilas Karajan Majapahit ana ing Jombang, salah sawijining ya iku Candhi Ngrimbi. Nganti saiki, ana puluhan panggonan ing Jombang sing nganggo tembung Maja-. Taun 1811, diwangun Kabupatèn Mojokerto, lha Jombang kalebu salah sawijining kawedanan. Taun 1910, Jombang ngadeg dadi kabupatèn dhéwé. Bupati kapisan ya iku Radèn Adipati Arya Soeroadiningrat.

Géografi[besut | besut sumber]

Ana ing lor kewatesan karo Kabupatèn Lamongan, wétan karo Kabupatèn Mojokerto, kidul karo Kabupatèn Kadhiri lan Kabupatèn Malang, lan kulon karo Kabupatèn Nganjuk. Kira-kira 70% wewengkon Kabupatèn Jombang duwi dhataran cendhèk, sing kasebar ana ing sisih tengah. Ana ing sisih lor, ana perbukitan sing ora sepira dhuwur. Ana sing sisih kidul-wétan, ana pagunungan. Kabupatèn Jombang diliwati Kali Brantas ing sisih lor.

Pamaréntahan[besut | besut sumber]

Kabupatèn Jombang ketata saking 21 kacamatan, 302 kalurahan lan 4 désa. Kacamatan-Kacamatan ing kabupatèn iki ya iku:

Bupati Jombang saiki ya iku Drs. Ec. H. Nyono Suharli W.. Pamaréntah Kabupatèn Jombang iku ana Sekretariat Laladan, Sekretariat DPRD, 13 Dinas Laladan, lan 11 Lembaga Teknis Laladan.

Uga delengen[besut | besut sumber]

Pranala njaba[besut | besut sumber]

Jawa Wétan