Éric Cantona

Saka Wikipédia Jawa, bauwarna bébas abasa Jawa
Eric Cantona
Eric Cantona Cannes 2009.jpg
Katerangan priangga
Jeneng dawa Éric Daniel Pierre Cantona
Dhuwur Cithakan:Convert/LoffAonDbSoff2
Posisi main Striker
Karir nom
1980–1981 SO Les Caillols
1981–1983 Auxerre
Karir sénior*
Taun Tim Main (Gul)
1983–1988 Auxerre 82 (23)
1985–1986 Martigues (pinjaman) 15 (4)
1988–1991 Marseille 40 (13)
1989 Bordeaux (pinjaman) 11 (6)
1989–1990 Montpellier (pinjaman) 33 (10)
1991 Nîmes 16 (2)
1992 Leeds United 28 (9)
1992–1997 Manchester United 143 (64)
Gunggung 368 (131)
Tim nasioanl
1987–1995 Prancis 45 (20)
2005 Prancis (bola pasisir) 1 (1)
Tim dikemunah
2005–2011 Prancis (bola pasisir)
2010– New York Cosmos (Direktur ulah raga)

* Gunggung main lan gul ing klub sénior tumrap liga dhomèstik iki mligi.


Éric Daniel Pierre Cantona utawa kang misuwur kanthi jeneng Éric Cantona (lair 24 Mei 1966; umur 46 taun) iku salah siji artis utawa aktor lan uga mantan pemain bal-balan saka nagara Prancis. Ing babagan bal-balan Eric Cantona wis akèh pengalamane. Tim-tim kang wis tau dibela kayata, Auxerre, Martigues, Marseille, Bordeaux, Montpellier, Nîmes, Leeds United, lan ingkang pungkasan Manchester United F.C.. Dhèwèké uga kapilih dadi pemain ing timnas Perancis. Ing tim nasional Prancis, Eric Cantona wis main kaping 43 lan bisa gawé 19 gol.

Cantona uga dadi salah siji pemain kang gawé kuncara tim Manchester United. Eric misuwur minangka pemain bal-balan kang nggunakake nomer 7 ing seragame, nalika ing MU. Angka 7 ing MUdiangep kramat, amarga jaman biyèn angka 7 iku digunakake déning pemain-pemain kang misuwur, kayata George Best lan Bryan Robson. Sawise digunakake déning Cantona, angka 7 digunakae déning David Beckham lan Cristiano Ronaldo. Ing MU, Cantona éntuk julukan utawa parap King Eric saka para suporter MU. Cantona uga kapilih dadi pemain kang paling apik ing Manchester United miturut kalawarta ing Inggris Inside United.[1]

Cantona saliyane dadi pemain bal uga misuwur minangka aktor. Cantona dadi aktor awit pensiun saka bal-balan. Cantona melu main pilem awit taun 1998 ing film Elizabeth, kang diparagani déning Cate Blanchett. Banjur ing taun 2008 melu soting ing film French Film, lan film Looking for Eric ing taun 2009.

Eric Cantona kagolong pemain kang gampang nesu.[2] Cantona tau gelut karo kancane, kayata nalika dhèwèké mbalang sepatu ing Jean-Claude Lemoult nalika isih ing Montpellier. Prastawa kang paling misuwur ya iku nalika Cantona nendhang gaya kungfu marang Matthew Simmons, salah siji suporte Crystal Palace kang gawé dhèwèké diukum ora éntuk bal-balan wolung sasi, lan didendha 20 ewu poundsterling.

Eric Cantona iku salah siji pemain kang misuwuir nanging durung tau mbela timnas Prancis ing Piala Donya Fifa. Amerga dhèwèké ana perkara karo pelatih timnas Prancis nalika iku Henri Michel. Cantona dicorek saka timnasnalika Piala Donya ing Italia taun 1990 lan ing Amerika Serikat 1994. Ing taun 1998 uga ora isa melu timnas amerga ukuman ora éntuk bal-balan nganti wolung sasi nalika ing MU.

Cantona uga tau dadi pelatih ing Timnas Bal-balan pasisir Prancis nalika taun 2005 tekan 2008. Saliyane iku uga dadi Direktur Teknik ing tim New York Cosmos awit taun 2011.

Kaluwarga[besut | besut sumber]

Cantona tau nikah karo Isabelle Ferrer lan nduwèni putra cacahe loro,ya iku Raphael (lair taun 1988) lan Josephine (lair taun 1995). Saiki Cantona nikah karo aktris Rachida Brakni.

Kakange Cantona, Joël, uga pemain bal-balan profesional kang tau main ing Olympique de Marseille, Újpesti TE lan Stockport County. Kayadene Cantona, Joël uga pensiun saka bal-balan lan saiki milih dadi aktor.

Sedulur tunggal simbahe, Sacha Opinel, main ing tim Harlow Town ing Southern League Premier Division.

Wiwitan urip ing bal-balan[besut | besut sumber]

Cantona asale saka kulawarga imigran saka Sardinia, Spanyol. Kulawargane kapeksa metu saka Spanyol nalika jaman Jenderal Franco nguwasani Spanyol.

Dhèwèké seneng dolanan bal, banjur dhèwèké gabung ing SO Caillolais, tim ing dhaerahe kang uga dadi papan latihan pemain-pemain Prancis, kayata Jean Tigana, Roger Jouve, lan Christophe Galtier.

Bapake Cantona uga seneng bal-balan, nanging dadi kiper. Ing tim SO Caillolais Cantona main luwih kaping saka 200 pertandhingan. Amerga dhèwèké nalika main nduwèni semangat lan ora gampang nyerah, Cantona akèh dilirik tim.

Tim propesional pisanan nglirik Cantona ya iku Auxerre. Ing Auxerre Cantona klebu ing tim junior suwene rong taun. Banjur klebu tim senior nalika sasi November 1983.

Sawise iku Cantona miwiti urip ing bal-balan kang profesional, kayata ing Marseille, Bordeaux, Mont- pellier, lan Nimes. Wis dadi watake Cantona sing atos, nalika ing Marseille Cantona asring dadi cadhangan. Kui amerga dhèwèké ora cocog karo Ketua Marseille Bernard Tapie lan pelatih kang dipilih Tapie kanggo nggantekake Franz Beckenbauer, Raymond Goethals.

Banjur Cantona lunga menyang Inggris lan gabung karo Leeds United, kanthi rega transfer 900.000 poundsterling saka Nimes.

Sasuwene main ing Inggris, Cantona disenengi Sir Alex Ferguson, banjur dhèwèké ditarik main ing MU kanthi rega 1,2 juta poundsterling.

Inggris[besut | besut sumber]

Leed United[besut | besut sumber]

Nalika tanggal 6 November 1991, sawise menang saka Liverpool 3-0, saka Auxerre ing Piala UEFA kang kaloro ing Putaran kaloro ing Anfield, manajere Liverpool Graeme Souness ketemu karo Michel Platini ing sabubare bal-balan, lan nakonke yèn Liverpool kepingin tuku Cantona. Nanging Platini, ora nampa tawaran iku.

Ing sasi Januari 1992, Cantona teka ing Inggris. Ing kono Cantona dijajal melu tim Sheffield Wednesday, kang dilatih déning Trevor Francis. Nalika ditawani kontrak anyar, Cantona ora gelem, lan milih melu Yorkshire Leeds United. Ing kono Cantona kasil gawa tim kasebut juwara Football League Divisi Pertama kang pungkasan, banjur diganti Liga Premier minangka liga paling dhuwur ing Inggris. Regane Cantona ing time kang anyar ya iku £ 900,000.[3]

Ing Leeds, Cantona main kaping 15, lan gawé gol cacahe 3. Senajan sithik, nanging dhèwèké akèh mupangate nalika menehi operan supaya dadi gol marang Lee Chapman.

Cantona pindhah menyang Manchester United kanthi rega £ 1.200.000 nalika tanggal 26 November 1992.[4]

Manchester United[besut | besut sumber]

Musim 1992-1993[besut | besut sumber]

Cantona pisanan bela MU nalika mungsuh Benfica ing Lisbon nalika mengeti tanggap warsa kaping-50 mark Eusebio, nggunakake kaos nomer 10. Ing Inggris, Cantona miwiti bela MU nalika mungsuh Manchester City ing Old Trafford nalika tanggal 6 Desember 1992, nggunakake kaos nomer 12. Nalika iku MU menang 2-1.

Nalika liga Inggris dadi Premier Leage, Cantona durung isa gawé MU dadi juwara. Ing taun iku MU kangelan mungsuh Aston Villa lan Blackburn Rovers, lan Norwich City sarta Queens Park Rangers, senajan loro iku mau tim kang nembe munggah ing Liga Premier.

Nalika Dion Dublin sikile cuklek, Cantona isa dadi pemain kang isa gawé gol lan asring menehi operan kang dadi gol. Gole kang pisanan ya iku nalika imbang 1-1 mungsuh Chelsea ing Stamford Bridge nalika 19 Desember 1992, lan kang sabanjure nalika Boxing Day kanthi asil imbang 3-3 mungsuh Sheffield Wednesday ing Hillsborough. Nalika Cantona main ing Elland Road mungsuh Leeds dhèwèké ngidoni suporter banjur didhendha £ 1.000 oleh FA.

Ing taun pisanan Cantona ing Old Trafford, United menang éntuk 10 point ing Liga Premier- lan menangke gelar wiwit taun 1967. Kanthi mengkono, Cantona dadi wong kang mbela 2 tim kang menangake Liga Inngis.

Musim 1993-1994[besut | besut sumber]

Ing musim 1993-1994, MU ngalahake Chelsea 4-0 lan Cantona ngegolke 2 saka pinalti. MU dadi juwara 2 ing piala liga kalah 3-1 saka Aston Villa. Ing taun iki Cantona kapilih dadi Player of the Year.

Eric Cantona asring gawé reribut, ing taun iki uga. Cantona éntuk kartu abang nalika ing Liga Champions mungsuh Galatasaray, lan kartu abang kaping pindho ing Liga Premier, nalika m,ungsuh Swindon Town lan mungsuh Arsenal. Awit saka iku Cantona ora éntuk melu bal-balan kaping lima bela MU. Ngepasi nalika semifinal FA mungsuh Oldham Athletic, imbang 1-1. Banjur main manèh Cantona isa melu lan MU menang 4-1.

Musim 1993-94 dadi musim pisanan Cantona nggunakake nomer 7. Nanging nalika ing liga Champions Cantona nggunakake kaos nomer 9.

Musim 1994-95[besut | besut sumber]

Ing taun 1994, United menangi liga Inggris kaping telu. Ing taun iku MU miwiti musim kanthi menang 2-0 saka Blackburn Rovers ing Charity Shield, ing kono Cantona nyetak gol saka pinalti.

Cantona asring gawé gol ing musim 94-95. Tim kang dadi korban goe Cantona ya iku Blackburn Rovers kanthi menang 4-2 ing Ewood Park ing sasi Oktober. Saliyane iku uga nalika MU menang 5-0 nalika mungsuh Manchester City, ing tanggal 22 Januari.

Nanging nalika tanggal 25 Januari 1995 Cantona dadi sumber pawarta kang gawé geger donya bal-balan. Nalika mungsuh Crystal Palace, Cantona ditundhung wasit amerga dhèwèké ndhupak beke Crystal Palace Richard Shaw sawise Shaw mbatek kaose Cantona. Nalika Cantona mlaku tumuju kamar salin, Cantona nyadhuk kanthi gaya kungfu marang suporter Crystal Palace, Matthew Simmons, lan jotosan.

Amerga perkara iku Cantona diukum ing kunjara suwene rong minggu. Ing bandhing Cantona diukum 120 jam pelayanan masyarakat.

Cantona uga diukum MU kanthi dhendha £ 20.000, lan ukuman 4 sasi ora melu tim MU ing taun 1994-95. FA nambahi ukuman nganti wolung sasi (nganti tanggal 30 September 1995) lan didhendha £ 10.000. Pimpinan FA Graham Kelly nggambarake kedaden iku minangka rereged ing bal-balan lan gawé isin donya.

Ora mung iku, Cantona uga diukum FIFA, ora dintukake pindhah saka MU. Dhèwèké uga dicopot jabatan kaptene ing timnas Prancis. Saliyane iku, Mu uga kelangan gelas Liga Premier, kang dimenangke déning Blackburn Rovers.

Sawise ukuman wis entek, ana kabar Cantona arep metu saka MU, nanging Alex Ferguson ngrayu Cantona supaya tetep ing MU. Cantona nalika iku ditawani pindhah ing Inter Milan.

Cantona mutusake tetep ing MU, lan nandhaatangani kontrak anyare. Tanggal 8 Agustus, Cantona jaluk mandheg saka kontrake, amerga dhèwèké wis ora gelem main ing Inggris. Nanging panjalukane Cantona ora disetujoni, lan Cantona tetep ing MU.

Musim 1995-96[besut | besut sumber]

Nalika mungsuhan karo Liverpool Cantona mbalik manèh mbela MU lan gawé gol saka pinalti amarga Ryan Giggs dilanggar.

Nalika iku cacahe biji MU karo Newcastle kacek 10. Nanging sithik mbaka sithik MU isa nututi Newcastle lan nyalip Newcastle. MU dadi pimpinan Liga Inggris kanthi unggul cacahe gol karo Newcastle. Ing kono Cantona asring gawé gol. Ing minggu pungkasan MU mungsuh Middlesbrough. Nalika iku MU menang 3-0 ing Stadion Riverside, lan dadi juwara liga ing taun iku.

Manchester United uga dadi juwara Piala FA. Ing pinal MU mungsuh Liverpool. Ing kono Cantona dadi kapten ngganteni Steve Bruce kang ora melu amerga lara. Ing kono Cantona gawé gol kang gawa MU menang 1-0. Cantona dadi wong pisanan saka sajabane nagara Inggris kang njunjung piala FA minangka kapten tim MU. Nalika iku MU dadi tim kang pisanan menangake Piala FA lan Liga Ingris bebarengan kaping pindho.

Musim 1996-97[besut | besut sumber]

Ing musim 1996-97 Cantona dadi kaptene Manchester United amarga Steve Bruce pindah ing Birmingham City. Ing taun iki United uga dadi juwara liga. Cantona kasil menangake patang gelar sasuwene limang taun bareng MU. Ing musim iki Cantona ngumumake yèn pensiun saka bal-balan amerga umure wis 30 taun. Pungkasane dhèwèké bela MU nalika mungsuh West Ham ing tanggal 11 Mei 1997 lan ing tanggal 16 Mei Cantona pensiun.

Cantona gawé 64 gol bareng MU, 11 ing liga domestik, lan 5 gol ing Liga Champion, cacahe dadi ana 80 gol ing 5 taun mbela MU.

Nyalon Presidhèn[besut | besut sumber]

Pemain bal-balan saka Prancis lan kang dadi salah siji pemain kang misuwur nalika main ing MU iki gawé pawarta kang nggegerke, Eric Cantona melu nyalon dadi Prèsidhèn Prancis ing taun 2012. Cantona kudu nglumpukake 500 tandha tangan saka para pejabat kanggo bukti dhukungan marang awake.[5]

Cantona melu nyalon presidhèn amarga dhèwèké rumangsa kuciwa marang pamarentahan. Cantona ngrasa mesake marang warga Prancis. Ing kalawarti Liberation ing situse, Senin (9/1), ngemot setumpuk salinan surat Cantona kang dikirim marang kabèh wali kota ing Perancis. Ing sajerone surat kasebut, Cantona nerangake yèn dhèwèké arep gawé kahanan kang ora imbang ing babagan sosial warga Prancis digawé imbang.

Ing sajerone surat kang ditulis Cantona ngemot babagan perumahan lan kemlaratan. Rong perkara kasebut kang ndadekake pikiran warga Prancis.

Pamilihan presidhèn Prancis dilakokake ing sasi April 2012.

Statistik Pagawéyan[besut | besut sumber]

Statistik Main ing Tim[besut | besut sumber]

Ing ngisor iki kapacak statistik uripe Cantona ing bal-balan, awit ing Liga Prancis nganti Liga Inggris. [6][7][8][9]

Club Musim Liga Cup Liga Cup Continental Liyane[nb 1] Total
Main Gol Main Gol Main Gol Main Gol Main Gol Main Gol
Perancis Liga Coupe de France Coupe de la Ligue Europe Liyane Total
Auxerre 19831984 2 0 0 0 2 0
19841985 5 2 0 0 0 0 5 2
19851986 7 0 0 0 1 0 8 0
Martigues (loan) 19851986 15 4 0 0 15 4
Auxerre 19861987 36 13 4 4 40 17
19871988 32 8 5 1 2 1 39 10
Marseille 19881989 22 5 0 0 22 5
Bordeaux (loan) 1988–89 11 6 1 0 0 0 12 6
Montpellier (loan) 19891990 33 10 6 4 39 14
Marseille 19901991 18 8 0 0 3 1 21 9
Nîmes 19911992 17 2 0 0 17 2
Inggris Liga FA Cup Liga Cup Europe Liyane Total
Leeds United 19911992 15 3 0 0 0 0 15 3
19921993 13 6 0 0 1 0 5 2 1 3 20 11
Manchester United 19921993 22 9 1 0 0 0 0 0 23 9
19931994 34 18 5 4 5 1 4 2 1 0 49 25
19941995 21 12 1 1 0 0 2 0 1 1 25 14
19951996 30 14 7 5 1 0 0 0 38 19
199697 36 11 3 0 0 0 10 3 1 1 50 15
Perancis 198 58 16 9 6 2 220 69
Inggris 171 73 17 10 7 1 21 7 4 5 220 96
Total Karir 369 131 33 19 7 1 27 9 4 5 440 165

Internasional[besut | besut sumber]

Ing ngisor iki dituduhake grafik anggone Cantona main bal-balan lan cacahe gol kang wis digawé.[9][10]

Timnas Perancis
Taun Main Gol
1987 3 1
1988 2 0
1989 4 3
1990 7 6
1991 4 2
1992 9 2
1993 7 5
1994 8 1
1995 1 0
Total 45 20

Pranala luar[besut | besut sumber]

Cathetan Sikil[besut | besut sumber]

  1. ^ (en)Ganguly, Aubrey (March 2001). Ganguly, Aubrey. ed. "Eric and us". United (Manchester: Future Publishing) (100): 42–48
  2. ^ (id)Profil Eric Cantona (diundhuh tanggal 8 April 2013)
  3. ^ Lovejoy, Joe (15 August 1992). "Football: Kick-off 92–93". The Independent. 
  4. ^ Wilson, Steve (4 March 2011). "Eric Cantona: kung-fu kick on hooligan was like a dream for some fans". Daily Telegraph (London). Dijupuk 4 March 2011. 
  5. ^ (id)Cantona ke Presidhèn (diundhuh tanggal 9 April 2013)
  6. ^ "Cantona career stats". Football Database.eu. Dijupuk 17 July 2012. 
  7. ^ "Cantona UEFA profile". UEFA.com. Dijupuk 2 February 2013. 
  8. ^ "Cantona Manchester United stats". Stretfordend.co.uk. Dijupuk 2 February 2013. 
  9. ^ a b "Éric Cantona". National Football Teams.com. Retrieved 17 July 2012.
  10. ^ "Eric Cantona – International Matches". RSSSF. Retrieved 2 February 2013.




Cacad sitiran: Tag <ref> ditemokaké kanggo paguyuban ajeneng "nb", nanging tag <references group="nb"/> sing ana kaitané ora ditemokaké, utawa tag panutup </ref> ora diwénéhi

Sumber artikel punika saking kaca situs web: "https://jv.wikipedia.org/w/index.php?title=Éric_Cantona&oldid=1087030"