David Beckham
 Beckham nalika nonton ing tetandhingan tenis Wimbledon 2015 | |||
| Katerangan priangga | |||
|---|---|---|---|
| Jeneng dawa | David Robert Joseph Beckham | ||
| Dhuwur | 1.83 m (6 ft 0 in)[1] | ||
| Posisi main |
Sayap Kanan Glandhang Tengah | ||
| Katerangan klub | |||
Tim saiki | Pensiun | ||
| Angka | 32 | ||
| Karir nom | |||
| 1991–1993 | Manchester United | ||
| Karir sénior* | |||
| Taun | Tim | Main (Gul) | |
| 1993–2003 1995 2003–2007 2007 2008,2009 2012 |
Manchester United → Preston North End (disilihaké) Real Madrid Los Angeles Galaxy AC Milan (disilihaké) Paris Saint German |
265 (61) 5 (2) 116 (13) 5 (1) | |
| Tim nasional‡ | |||
| 1994–1996 1996–2009 |
Inggris U21 Inggris |
9 (0) 107 (17) | |
|
* Gunggung main lan gul ing klub sénior tumrap liga dhomèstik iki mligi lan patitis per pukul 22:12, 26 Oktober 2008 (UTC). | |||
David Beckham ingkang ngadhahi nama jangkep David Robert Joseph Beckham (lair ing Leytonstone, London, 2 Mèi 1975; umur 48 taun) inggih punika satunggal juru main pemain bal-balan Inggris.[2] Wiwit taun 1 Juli 2007 Beckham main wonten LA Galaxy ing Major League Soccer Amérika Sarékat.[3] Sadèrèngipun wonten ing LA Galaxy Beckham main wonten ing tim Manchester United lan Real Madrid.[4] Beckham miwiti karier bal-balane wonten ing akademi bal-balan kagunganipun Manchester United.[3] Beckham gadhah kemampuan ingkang saé babagan umpan silang lan tendangan bébas melengkung.[4] Kemampuan ingkang sami kaliyan kancanipun wonten AC Milan, Andrea Pirlo.[4] Garwanipun Victoria Beckham, minangka mantan personil grup musik Spice Girls.[5]
Karier[besut | besut sumber]
Wonten ing 1994/1995 David Beckham mlebet ing skuad senior Manchester United.[6] Mlebetipun Beckhan wonten ing tim senior angsal tentangan saking kathah pihak.[6] Tentangan-tentangan punika amarga nalika jaman samanten yuswanipun Beckham taksih enem sanget.[6] Nanging wonten ing pungkasan mangsa, Beckham saged mbuktikaken manawi pilihan pelatihipun inggih punika Sir Alex Ferguson boten lepat.[6] Beckham lan Manchester United saged menangaken liga inggris lan FA Cup. Sasi Agustus 1996 David Beckham damel gol ingkang spektakuler tumuju gawangipun Wimbledon ingkang nalika samanten dipunjagi déning Neil Sullivan.[6] Beckham damel gol ingkang jarakipun saking tengah lapangan. Beckham nglakokaken debutipun kanggé tim nasional Inggris nalika tanggal 1 September 1996 wonten ing tetandhingan kualifikasi Piala Dunia ngadepi Moldova.[6] Wonten Piala Dunia 1998, Beckham boten main wonten ing kalih tetandhingan awal nanging main wonten ing tetandhingan kaping tiga nalika Inggris ngadepi Kolombia lan Beckham saged damel 1 gol wonten ing tetandhingan punika.[6] Nalika nglawan Argentina Beckham angsal kartu abrit sasampunipun nendang Diego Simeone kanthi sengaja.[6] Tetandhingan punika dipunmenangaken Argentina nganggé adu penalti.[6] Masarakat Inggris nganggep kegagalan Inggris menangaken Piala Dunia dipunsebabaken déning Beckham.[3]
Ing taun 1998 utawi1999, Manchester United saged ngraih tiga gelar: Premiership, FA Cup, lan Liga Champions.[2] Ngantos gelar Liga Champions saged dipunraih kanthi spektakuler.[5] Wonten ing tetandhingan final Liga Champions, Manchester United kalah 0-1 ngantos menit ke-89.[2] Teddy Sheringham sasampunipun saged kasil manfaataken umpan saking tendanganipun penjuru Beckham.[2] Kirang langkung 30 detik sasampunipun kick-off, Manchester United pikanthuk tendangan saking penjuru malih.[2] David Beckham ingkang mendhet tendangan sudut lan umpanipun Beckham saged dipunmanfaataken Ole Gunnar Solskjær dados gol.[2] Beckham dados kapten tim inggris nalika tanggal 15 November 2000 wonten ing kualifikasi Piala Dunia.[2] Beckham uga dadi kapten nalika nglawan Jerman wonten ing Muenchen.[4] Nalika taun 2000 Beckham dados BBC Sports Personality of the Year lan dados nomer 2 Pemain Terbaik Dunia, namung kalah saking Luis Figo.[4]
Tanggal 10 April 2002 piyambakipun gerah metatarsal sasampunipun dipuntekel pemain Deportivo La Coruna, Aldo Duscher.[5] Beckham divonis boten saged main malih ngantos akir mangsa, Prakawis punika gawé publik Inggris kawatir, amarga wekdal punika nembé wonten ing pucuk penampilanipun lan dipunkhawatiraken Beckham boten saged main ing Piala Dunia.[6]
Wonten ing Piala Dunia 2002, piyambakipun main wonten ing sadaya tetandhingan.[6] Beckham uga damel gol ing gawangipun Argentina nganggé tendangan penalti, uga bales dendam dhumateng Argentina.[6] Amargi gol Beckham, Argentina saged sumingkir saking Piala Dunia 2002.[6] Langkahipun Inggris mandheg ing babak 8 sasampunipun kalah 2-1 kaliyan Brasil.[6]
Ing taun 2002 hubunganipun Beckham kaliyan pelatihipun Sir Alex Ferguson dados boten saé sasampunipun Ferguson ngamuk nalika Manchester United kalah saking Arsenal.[6]
Tanggal 12 Juni 2002 Beckham pikantuk gelar OBE saking Ratu Inggris.[6] OBE punika singkatan saking order of the british empire.[6]
Real Madrid, Euro 2004, LA Galaxy[besut | besut sumber]
Taun 2003/2004 Beckham dipunsadé ing Réal Madrid kanthi rega 35 Yuta Euro.[6] Ing mrika piyambakipun ngagem kaos nomer 23.[6] Wonten Réal Madrid Beckham kanthi cepat dados idola penggemar Réal Madrid.[5] Ing Euro 2004 piyambakipun main ing kabèh tetandhingan, nanging damel kuciwa lan boten kasil mengeksekusi penalti kang jumlahipun 2, inggih punika nalika ngadepi Prancis ing penyisihan grup lan ing babak 8 besar nalika menghadapi Portugal nganggé adu penalti.[5][6]
11 Januari 2007, Beckham nyaguhi kontrak lima taun ingkang dipuntawakaké klub Amérika Sarékat LA Galaxy lan badhé gabung ing wulan Agustus sasampunipun kontrakipun ing Madrid sampun rampung.[5] Amargi legawa lan kersa usaha nampilaken kang saé sanged,piyambakipun balik malih dados starter sasampunipun naté dipunbuang déning Capello.[5] Pelatih Steve Mc Claren balik nimbali malih supados gabung ing skuad tim nasional.[5] Amargi saged main kanthi saé, Beckham kasil mboyong Réal Madrid dados juara La Liga 2006/2007.[5]
Beckham ing Milan[besut | besut sumber]
Tanggal 22 Oktober 2008, AC Milan ngumumaken kepéngin supados Beckham gabung malih ing wulan Januari 2009.[7] Nanging Beckham boten badhé nilaraken MLS lan badhé balik ing Galaxy nalika awal kompetisi MLS 2009.[7] Tanggal 30 Oktober 2008, Milan saged ngampil Beckham lan Beckham bakal gabung kaliyan tim ing tanggal 7 Maret 2009.[7]
Piala Dunia 2006[besut | besut sumber]
Wonten piala donya 2006, Inggris mbekta kathah pemain ném ingkang potensial.[7] Ing babak penyisihan, grup Inggris menang 1-0 kaliyan Paraguay, salajengipun menang 2-0 kaliyan Trinidad lan Tobago kanthi gol Peter Crouch ingkang dipunmanfaataken déning Beckham lan maringi umpan sanèsipun kanggé Steven Gerrard, sarta main sami 2-2 kaliyan Swèdhen.[7] Ing babak 16 besar piyambakipun dados pahlawan sasampunipun dados tiyang ingkang saged ngasilaken gol ing tetandhingan kaliyan Ekuador nganggéé tendangan bébas.[7] Sadèrèngipun tetandhingan, Beckham gerah lan sasampunipun saged nyetak gol piyambakipun kénging déhidrasi lan muntah ing pinggir lapangan.[7] Inggris kalah kaliyan Portugal kanthi adu penalti 3-1.[7] Sedinten sasampunipun dipunsingkiraken, Beckham pènsiyun saking jabatanipun dados kapten timnas Inggris, nanging taksih péngin main kanggé timnas Inggris.[7] Pelatih Steve McClaren ingkang dipun-gantos damelaket Beckham boten dipuntimbali malih ing timnas ngantos wulan Méi 2007.[7]
Beckham ing Saben Dinané[besut | besut sumber]
Taun 1997 Beckham duwé gayutan kaliyan Victoria Adams, ingkang misuwur dados anggota band Spicé Girls.[5] Taun 1999 piyambakipun palakrama kaliyan Victoria wonten ing Irlandia nalika tanggal 4 Juli 1999.[5] Beckham gadhah 3 putra jaler ing dipunparingi nama Brokklyn Joséph (lair 4 Maret 1999), Romeo Jamés (lair 1 September 2002), lan Cruz David (20 Fèbruari 2005).[5] Piyambakipun tumbas omah.[5] Amargi omah punika saé sanget, dados misuwur kanthi nama Beckingham Palacé lan dados anekdot saking Buckingham Palace, ingkang wonten lebetipun omah punika wonten tiyang ingkang dipunutus kanggé ngurusi omah punika cacahé kirang langkung 400 tiyang.[5] Januari 2005, Beckham dados ikon organisasi anak donya, UNICEF.[5] Piyambakipun ugi gadhah kanca artis-artis ingkang misuwur, ingggih punika Robbié Williams, Snoop Dogg, lan Tom Cruise.[5]
Pranala njawi[besut | besut sumber]
Cathetan suku[besut | besut sumber]
- ↑ Profil David Beckham di Soccerbase.com
- ↑ a b c d e f g selebriti.kapanlagi.com
- ↑ a b c http://bola.kompas.com
- ↑ a b c d e http://id.omg.yahoo.com
- ↑ a b c d e f g h i j k l m n o p www.dailymail.co.uk
- ↑ a b c d e f g h i j k l m n o p q r s t www.anneahira.com
- ↑ a b c d e f g h i j http://www.soccerbase.com