Bal-balan
Bal-balan iku dolanan bal kang dimainaké déning rong tim, lan saben tim dumadi saka 11 juru main. Lumebu ing abad 21, ulah raga iki wis dimainaké punjul 250 yuta wong ing 200 nagara, lan ndadèkaké ulah raga paling kondhang ing donya.[1][2][3][4] Bal-balan iku tujuané nyithak gol sakakèh-akèhé kanthi nganggo bal saka kulit ing gawang mungsuh. Bal-balan dimainaké ing njero lapangan kang dhapuré pesagi dawa, ing dhuwur suket utawa suket sintètis.
Lumrahé kang tukang jaga gawang kang duwé hak démok bal nganggo tangan utawa lengen ing njero laladan gawangé, nanging 10 (sepuluh) juru main saliyané amung diidinaké nggunakaké kabèh awaké saliyané tangan, lumrahé nganggo sikil kanggo nendhang, dhadha kanggo ngontrol, lan sirah kanggo nyundhul bal. Tim kang nyithak gol luwih akèh ing akir iku dadi kang menang. Nanging angger nganti wektu entèk isih imbang, bisa dianakaké undhian, ndawakaké wektu utawa adu penalti, iku manut karo format kang gawé kejuwaran.[5]
Aturan permainan/tetandhingan lumrahé dianyaraké saben taun déning indhuk organisasi bal-balan internasional (FIFA), kang uga nindakaké Piala Donya saben patang taun sapisan.[6]
Sajarah
[besut | besut sumber]Sajarahé ulah raga bal-balan diwiwiti awit abad angka 2 lan angka 3 sadurungé Masèhi ing Cina.[7] Ing jaman Dinasti Han mau, masarakat nggiring bal asalé saka kulit lan nendhang tumuju jaring kang cilik.[7] Dolanan mèh padha uga dimainaké ing Jepang kanthi sinebut Kemari.[8] Ing Italia, dolanan nendhang lan nggawa bal uga disenengi wiwit abad angka 16.[8]
Bal-balan modhèren wiwit ngrembaka ing Inggris lan dadi banget disenengi.[7] Ing sapérangan kompetisi, permainan iki nimbulaké akèh kekerasan suwéné tetandhingan saéngga akiré Raja Edward III nglarang ulah raga iki dimainké nalika taun 1365.[7] Raja James I saka Sekotlan uga njurung larangan kanggo main bal-balan.[7] Nalika taun 1815, sawijining pakembangan gedhé njalari bal-balan dadi kondhang ing lingkungan universitas lan sekolah.[7] Lair bal-balan modhèren dumadi ing Freemasons Tavern taun 1863 nalika 11 sekolah lan klub kumpul lan ngrumusaké aturan baku kanggo permainan mau.[8] Bebarengan karo iku, dumadi pamisahan kang cetha antarané ulah raga rugby karo bal-balan (soccer).[8] Nalika taun 1869, nggawa bal nganggo tangan wiwit dilarang sajeroning bal-balan.[7] Sakwéné taun 1800-an, ulah raga mau digawa déning pelaut, pedagang, lan bala Inggris menyang manéka wilahan donya.[7] Nalika taun 1904, asosiasi paling dhuwur bal-balan donya (FIFA) diwangun lan ing awal taun 1900-an, manéka kompetisi dimainké ing manéka nagara.[7]
Peraturan bal-balan
[besut | besut sumber]Peraturan resmi permainan bal-balan (Laws of the Game) ya iku:
- Peraturan 1: Lapangan bal-balan
- Peraturan 2: Bal
- Peraturan 3: Gunggung Pamain
- Peraturan 4: Piranti Pamain
- Peraturan 5: Wasit kang ngatur tetandhingan
- Peraturan 6: Asisten wasit
- Peraturan 7: Wektu Permainan
- Peraturan 8: Bal metu lan ing njero lapangan
- Peraturan 9: Cara olèh angka
- Peraturan 10: Offside
- Peraturan 11: Pelanggaran
- Peraturan 12: Tendhangan bébas
- Peraturan 13: Tendhangan
- Peraturan 14: Lemparan jero
- Peraturan 15: Tendhangan gawang
Organisasi
[besut | besut sumber]- Fédération Internationale de Football Association (FIFA) (donya)
- UEFA (eropah)
- CONMEBOL (Amérika Latin)
- CONCACAF (Amérika)
- AFC (Asia)
- CAF (Afrika)
- OFC (Oséania)
- PSSI (Indonésia)
Jinis liyané
[besut | besut sumber]- Bal-balan wanita
- Bal-balan Paralimpik (kanggo wong cacad)
- Bal-balan ruwangan (indoor): five a side football, futsal lan indoor soccer
- Futsal
- Sepak takraw
Èlemèn permainan
[besut | besut sumber]- Peraturan gol tandang (away goals)
- Adu penalti, racaké diwakili déning 5 juru main saka saben tim.
- Formasi-posisi tim ing lapangan
- Hattrick, yèn sajeroning siji tetandhingan siji juru main bisa nyithak 3 gol.
- Taktik lan kemampuan individual-cathetan ngenani cara main bal-balan
- Posisi-posisi juru main
- quattrick, yèn siji juru main bisa nyithak 4 gol sajeroning 1 tetandhingan.
Paribasan
[besut | besut sumber]Aku dinggo bal-balan, tegesé aku didadèkaké sasaran, utawa kanggo uncal-uncalan.
Réferènsi
[besut | besut sumber]- ↑ "Overview of Soccer". Encyclopædia Britannica. Dibukak ing 4 Juni 2008.
- ↑ Guttman, Allen (1993). "The Diffusion of Sports and the Problem of Cultural Imperialism". Ing Eric Dunning, Joseph A. Maguire, Robert E. Pearton (èd.). The Sports Process: A Comparative and Developmental Approach. Champaign: Human Kinetics. kc. 129. ISBN 0-88011-624-2. Dibukak ing 26 Januari 2008.
the game is complex enough not to be invented independently by many preliterate cultures and yet simple enough to become the world's most popular team sport
{{cite book}}: CS1 maint: multiple names: editors list (link) - ↑ Dunning, Eric (1999). "The development of soccer as a world game". Sport Matters: Sociological Studies of Sport, Violence and Civilisation. London: Routledge. kc. 103. ISBN 0-415-06413-9. Dibukak ing 26 Januari 2008.
During the twentieth century, soccer emerged as the world's most popular team sport
- ↑ Mueller, Frederick; Cantu, Robert; Van Camp, Steven (1996). "Team Sports". Catastrophic Injuries in High School and College Sports. Champaign: Human Kinetics. kc. 57. ISBN 0-87322-674-7. Dibukak ing 26 Januari 2008.
Soccer is the most popular sport in the world and is an industry worth over US$400 billion world wide. 80% of this is generated in Europe, though its popularity is growing in the United States. It has been estimated that there were 22 million soccer players in the world in the early 1980s, and that number is increasing. In the United States soccer is now a major sport at both the high school and college levels
- ↑ Sports-information.org Soccer. Diaksès tanggal 9 Agustus 2011.
- ↑ "2002 FIFA World Cup TV Coverage". FIFA. 5 Dhésèmber 2006. Diarsip saka asliné ing 2006-12-30. Dibukak ing 6 Januari 2008.
- ↑ a b c d e f g h i Historyofsoccer.info History Of Soccer! 2006. Geno Jezek. Diaksès tanggal 8 Agustus 2011.
- ↑ a b c d Sportsknowhow.com Archived 2013-05-02 at the Wayback Machine., HISTORY OF SOCCER. Page 1-3. Diakses pada 9 Agustus 2011.
Uga delengen
[besut | besut sumber]Pranala njaba
[besut | besut sumber] |
Wikimedia Commons duwé médhia ngenani Football (Soccer). |
