PSSI

Saka Wikipédia Jawa, bauwarna bébas abasa Jawa
Jump to navigation Jump to search

Persatuan Sepak Bola Seluruh Indonésia, kang disingkat PSSI, ya iku punjere organisasi kang ngurusi babagan ulah raga bal-balan ing Indonésia.[1] PSSI diresmikake nalika tanggal 19 April 1930 kangthi jeneng Persatuan Sepak Raga Seluruh Indonésia. Ketuwa umum kang pisannan ya iku Ir. Soeratin Sosrosoegondo.[1] PSSI dadi siji karo FIFA nalika taun 1952, banjur mlebu ing AFC nalika taun 1954.[1] PSSI miwiti kompetisi Liga Indonésia wiwit taun 2005, PSSI uga nganakake Piala Indonésia. Ketuwa Umum PSSI wiwit tanggal 9 Juli 2011 ya iku Djohar Arifin Husin.[1]

Sajarah[besut | besut sumber]

Ana ing pungkasan taun 1920, tetandhingan voetbal utawa bal-balan sok kali dianakake kanggo ngramekake pasar malem.[2] Tetandhingan dilakokake nalika dina wis mlebu wayah sore.[2] Sebenare saliyané bal-balan, bangsa eropah uga kalebu bangsa Walanda uga manuhaké ulah raga liya kaya kasti, bal tangan, renang, tenis, lan hoki.[2] Nanging, kabèh jinis ulah raga mau dibatesi kanggo kalangan Éropah, Walanda, lan Indo.[2] Alhasil bal-balan kang paling disenengi amarga ora mbutuhake panggon kang mirunggan lan wong-wong pribumi uga olèh main bal-balan.[2] Lapangan Singa (Lapangan Banteng) dadi seksi nalika wong Walanda nganakake tetandhingan panca lomba (vijfkam) lan tienkam (dasa lomba).[2] Khusus kanggo bal-balan, serdadu ana ing tangsi-tangsi militèr kang asring tanding.[2]

Cathetan suku[besut | besut sumber]