Kasti

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Kasti iku dolanan tradhisional kanggo bocah cilik mèmper karo dolanan utawa olahraga bisbol (basa Inggris:baseball). Piranti sing diperlokaké arupa bal karèt sing gedhéné saukuran bal tènis nanging ora ana wuluné. Saliyané bal uga diperlokaké piranti arupa teken sing digawé saka kayu, padha karo bat ing olahraga bisbol sing gunané kanggo namplèk bal. Ana manèh piranti sing diarani "hong", arupa telu cagak wesi apa kayu utawa pring minangka base-é. Hong sepisanan dipasang cedhak karo papan namplèk bal, déné hong kapindho lan katelu dipasang ing pojok sing dunungé adoh ing sisih kiwa lan tengen.

Tatacara[sunting | sunting sumber]

Mèh padha karo bisbol utawa sofbol]] dolanan kasti dumadi saka rong klompok. Klompok sing siji namplèk terus mlayu ngubengi lapangan lan bisa terus mlebu "omah" (kaya homerun). Klompok sijiné njaga lan nyegat playuné klompok mungsuhé. Bédané karo baseball yakuwi yèn ing baseball mungsuhé mung dicegat terus ditèmpèli bal, nanging jroning kasti pamain jaga olèh mbalang (ngempuk) mungsuhé saka kadohan. Yèn ana pamain sing namplèk banjur mlayu utawa pamain liya sing mlayu saka hong siji menyang hong liyané kena empuk, klompoké banjur ganti klompok jaga, lan klompok sing jaga ganti mlebu omah lan namplèk bal mbaka siji. Saben pamain sing bisa mlebu omah antuk biji siji, mangkono saterusé sing antuk biji paling akèh ing pungkasan dolanan menang.

Deleng uga[sunting | sunting sumber]

Pranala jaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kasti&oldid=815509"