Futsal

Saka Wikipédia Jawa, bauwarna bébas abasa Jawa
Futsal

Futsal ya iku ulah raga kang migunakaké bal kang dimainaké tim kang cacahé loro.[1] Saben tim futsal cacahé lima juru main.[1] Futsal ancasé nglebokaké bal ing gawang lawan main kanthi manipulasi lan mainaké bal nganggo sikil. Saliyané juru main utama, saben regu uga nduwé juru main cadhangan.[1] Lapangan futsal diwatesi garis, dudu nét utawa papan.[1]

Istilah futsal iku kalebu istilah internasional.[1] Futsal asalé saka basa Spanyol utawa Portugis ya iku futbol lan sala.[1] Futsal kalebu ulah raga indoor tegesé ing njero ruangan.[1]

Futsal dadi idola tumrap wong kang seneng ulah raga mligi bocah enom.[2] Saliyané iku futsal uga wis dadi gaya urip (lifestyle) kanggoné wong-wong saka pejabat, pekerja kantoran, karyawan, guru, mahasiswa, bocah SMA, nganti tukang ojek. Akèh juru main bal kang misuwur ing dunya kang mauné uga seneng futsal, kaya ta Pele, Maradona, Romario, Zico.[2] Saiki lapangan futsal uga kena kanggo bisnis.[2] Carané nyéwakaké lapangan futsal karo wong-wong kang arep main futsal.[2]

Sajarah[besut | besut sumber]

Futsal diciptakaké ing Montevideo, Uruguay taun 1930.[3] Déné kang nyiptaakae futsal jenenge Juan Carlos Ceriani.[3] Futsal kang unik iki olèh kawigatèn saka Amérika Kidul khususé Brasil dadi pusat futsal sadonya.[3] Futsal saiki dimainake lan éntuk saka pangayoman saka Fédération Internationale de Football Association ing donya, saka Éropah nganti Amérika Tengah lan Amérika Lor lan Afrika, Asia, lan Oséania.[3]

Tetandhingan internasional kang sepisanan dianakaké ing taun 1965.[3] Nalika semana Paraguay kang dadi juwara ing Piala Amérika Selatan kang sepisanan.[3] Enem tetandhingan sawisé iku kang diadani nganti taun 1979 uga dimenangaké Brasil.[3] Brasil uga menangaké Piala Pan Amérika kang sepisanan ing taun 1980 lan tetep dadi juara ing taun 1984.[3]

Cathetan suku[besut | besut sumber]

  1. ^ a b c d e f g holisticsoccer.com(dipunundhuh tanggal 1 Juni 2011)
  2. ^ a b c d raga.com/futsal/sejarah-futsal.ari guruulah raga.com(dipunundhuh tanggal 1 Juni 2011)
  3. ^ a b c d e f g h gressports.com(dipunundhuh tanggal 1 Juni 2011)