Paolo Maldini

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Paolo Maldini
Maldini2008.JPG
Informasi pribadi
Jeneng pepak Paolo Cesare Maldini
Tanggal lair 26 Juni 1968 (umur 47)
Papan lair Milan, Italia
Dhuwur 186 m (Cithakan:Convert/rand in)
Posisi pamain Pemain bertahan
Karir remaja
1978–1985 Milan
Karir senior*
Taun Tim Apps (Gls)
1984–2009 Milan 647 (29)
Tim nasional
1986–1988 Italia U-21 12 (5)
1988–2002 Italia 126 (7)
* Senior club appearances and goals counted for the domestic league only.
† Appearances (Goals).


Paolo Maldini (dipunlairaken ing Milan, Italia, 26 Juni 1968; umur 47 taun) inggih punika salah satunggaling pamain bal-balan saka nagara Italia. Sadangunipun kariripun, piyambakipun namung mapan wonten ing klub AC Milan. Jroning klub punika, piyambakipun tansah dipunpanggènaken minangka bèk kiwa utawi bèk tengah. Inggilipun piyambakipun antawis 188 cm. Maldini punika salah satunggaling lègèndaning bal-balan Italia ingkang dipunajèni. Ewadéné sapunika yuswanipun sampun ngancik 40an, kaprigelanipun piyambakipun panggah ajeg. Wonten ing Milan, piyambakipun kapasangaken kaliyan Alessandro Nesta nalika main dados bek tengah.[1]

Wonten ing kridha Sèri A, Paolo Maldini widada ngimbangi rèkor tampilipun Dino Zoff kanthi angka kaping 570 nalika tandhing lawan Sampdoria surya18 September 2005. Tetandhingan punika ugi mracihnani tampilipun piyambakipun ingkang kaping 800 sadangunipun karieripun wonten AC Milan. Kontrakipun Maldini sajatosipun telas nalika pungkasing mangsa 2007-08, nanging lajeng dipunénggalaken dumugi mangsa 2008-09. Kanggé ngajèni dèdikasinipun wonten AC Milan, sragam kanthi angka 3 badhé dipunturunaken dhateng putranipun, Christian, ingkang mlebet skuad utami AC Milan.[2]

Karir klub[sunting | Owah sumber]

Debut Maldini jroning Sèri A kadadosan ing taun 1985 nalika tandhing lawan Udinésé. Kala samanten yuswanipun taksih 16 taun. Wiwit wekdal punika piyambakipun kagungan karir padhang, mimpangi kathah trofi kaliyan Milan (dumugi 2007: 7 gelar Seri A lan 5 gelar Liga Champions). Maldini saged dipunsebutaken minangka bek paling apik ing donya wonten ing puncak karieripun. Bab punika dipuntandhani kanth kasuksesanipun Maldini ngrebut peringkat tiga ing Ballon d'Or versi majalah France Football nalika taun 1994 lan 2003.

Wonten ing debutipun, Maldini kapasang dening pelatih Nils Liedholm minangka bek tengen. Musim candhakipun, posisi Maldini dipunewahi dados bek kiwa, kanthi kemampuanipun migunakaken kekalih samparanipun. Ing posisi punika Maldini melegenda dumugi taun-taun candhakipun minangka bek kiwa. Nalika taun 1997, sasampunipun Franco Baresi (kapten lan bek tengah Milan) pensiun, Maldini wiwit dipuncoba posisi minangka bek sentral. Peran punika dipunlakoni kanthi sae, dumugi wekdal punika Paolo Maldini ugi misuwur minangka bek sentral. Maldini ugi dipunkenal minangka kepemimpinanipun ingkang kagungan pangaruh, temperamenipun ingkang anteng lan pertahananipun tanpa cacat.[3]

Maldini minangka tiyang angka 5 ingkang tampil kaping 100 ing Liga Champions sadanguning sajarah sesarengan kaliyan penampilanipun nglawan Glasgow Celtic ing babak angka 2 Liga Champions Eropa 2006/2007. Sasampunipun 25 taun mbela Milan, Maldini medalaken pernyataan babagan kemungkinan piyambakipun bandhe pensiun ing pungkasaning musim 2007/2008, kanthi telasipun kontrak piyambakipun kaliyan Milan. Ananging, ngancik yuswa angka 40 ing wulan Juni 2008, Maldini taksih badhe main kangge Milan ing musim 2008/2009. Maldini bener-bener pensiun ing musim 2009, piyambakipun sampun milih kangge pensiun saking AC milan, klub ingkang sampun ngagengaken namanipun.

Pagesangan Pribadi[sunting | Owah sumber]

Paolo Maldini miyos saking kulawarga pemain bal-balan. Bapakipun, Cesare, minangka kapten AC Milan nalika taun 1960-an ingkang ndherek njuwarani Piala Champions nalika taun 1963. Generasi angka 3 Maldini ingkang minangka putra mbarep Paolo kanthi model asal Venezuela Adriana Fossa, Christian Maldini, sakmenika ugi mlebet ing klub AC Milan kangge kategori tim enem.

Cathetan Suku[sunting | Owah sumber]

Sumber artikel punika saking kaca situs web: "https://jv.wikipedia.org/w/index.php?title=Paolo_Maldini&oldid=936851"