A.C. Milan

Saka Wikipédia Jawa, bauwarna bébas abasa Jawa
A.C. Milan
logo
Jeneng jangkep Associazione Calcio Milan
Peparab Rossoneri (Abang-Ireng)
Il Diavolo Rosso (Sétan Abang)
Diadegaké 16 Dhésèmber 1899
Lapangan San Siro,
Milan, Itali
Kapasitas 80.018
Ketua Itali Silvio Berlusconi
Manajer Itali Vincenzo Montella
Liga Seri A
2015-16 Seri A (7)
Seragam kandang
Seragam tandang

Associazione Calcio Milan (dicekak AC Milan utawa Milan waé) ya iku sawijining klub bal-balan utawa sepak bola Italia kang basisé ana ing kutha Milan. Milan main nganggo seragam garis abang-ireng lan clana ireng, saéngga dijuluki rossoneri ("abang-ireng"). Milan dadi tim paling sukses kapindho sajeroning sajarah bal-balan Italia, dadi juara Seri A kaping 18 lan Piala Italia ping lima.

Klub iki diadegaké taun 1899 kanthi jeneng Klub Kriket lan Sepak bola Milan (Milan Cricket and Football Club) déning Alfred Edwards, sawijining ekspatriat saka Inggris. Minangka pakurmatan marang asal-usulé, Milan tetep ggunaaké ejaan basa Inggris jeneng kuthané (Milan) tinimbang nganggo ejaan basa Italia Milano.

Stadion lan basis pendukung[besut | besut sumber]

Stadion tim wektu iki ya iku Stadion Giuseppe Meazza kang kapasitasé 85.000 pemirsa. Stadion iki juga kaloka kanthi jeneng San Siro. Stadion iki dipigunaaké bebarengan karo Internazionale ("Inter"), klub gedhé liyané ing Milan. Suporter AC Milan nggunakaké "San Siro" kanggo nyebut stadion iku amarga mbiyèné Giuseppe Meazza dadi pemain bintang ing Inter. Nanging, mengkoné, ana wacana kanggo mindahaké homebase Milan menyang stadion anyar, kaya sing diungkapaké déning wakil présidhèn Adriano Galliani ana ing taun 2006.

Miturut sajarah, AC Milan (Ning Italia diarani "Milan" waé) didukung déning kaum punggawa lan kelas buruh ing Milan (lumrahé para migran saka laladan Italia sisih kidul), déné Inter luwih éntuk dukungan saka wong-wong sugih. Sanajan kaya mangkono, ana ing taun-taun pungkasan, basis pendukungé wis akèh owah-owahan.. Milan saiki diduwèni déning ratu médhia lan mantan Perdana Menteri Italia, Silvio Berlusconi, déné Inter diduwèni déning pebisnis garis tengah-kiwa, Massimo Moratti. Sanajan ngono, basis pendukung Milan mayoritas duwé haluan pulitik sayap kiwa, sebrang-sebrangan karo Inter kang didominasi déning pendukung kang kanthi tradisional duwé haluan sayap tengen. Grup pendukung (ultras) kang misuwur saka Milan ya iku Fossa Dei Leoni kang duwé ilèn ekstrim kiri, lan Brigate Rossoneri ilèn ekstrim kanan. Sawisé keributan karo suporter Inter ana ing derby musim kompetisi 2005/2006, Fossa Dei Leoni mbubaraké diri kanthi organisasi. Sanajan mangkono, massané isih setia njurung Milan ing tribun mirunggan pérangan kidul stadion San Siro bebarengan karo golongan liya, kanthi sebutan Curva Sud.

Sajarah (1990-an nganti saiki)[besut | besut sumber]

Mangsa kejayaan Milan ing era sepakbola modhèren ya iku awal dekade 90-an nalika mendominasi Liga Italia nalika diasuh déning Arrigo Sacchi, lan diterusaké déning Fabio Capello. Puncaké, Milan ngrebut trofi Liga Champions ing taun 1994 ngalahaké Barcelona ing babakfinal. Sakpungkuré Capello (kang nyebrang menyang Spanyol kanggo nglatih Real Madrid), Milan terus mlorot lan lagi bisa ngraih gelar juara Liga Italia ing musim kompetisi 1998/1999 nalika diasuh déning pelatih Alberto Zaccheroni. Amarga surut gelar, Zaccheroni nuli diganti déning mantan pemain Milan, Carlo Ancelotti. Ancelotti kasil nggawa Milan ngraih gelar juara Liga Champions ing musim 2002/2003 nalika ngalahaké Juventus liwat drama adu pinalti ing Manchester, Inggris. Milan ngraih gelar prestisus pungkasan kanthi ngrebut juara Liga Italia ing musim kompetisi 2003/2004 sisan ndadèkaké penyerang Andriy Shevchenko minangka pencetak gol paling akèh ing Liga Italia.

Ana ing musim kompetisi Liga Italia Seri A 2006/2007, Milan kesangkut skandal calciopoli kang ndadèkaké klub iku kudu wiwit kompetisi kanthi pengurangan 8 poin. Sanajan mangkono, publik Italia tetep bangga amarga ing tengah rusaké citra sepak bola Italia akibat calciopoli, Milan kasil njuarai kompetisi sepakbola kang paling gengsi sadonya, Liga Champions. Prestasi mau direngkuh sawisé Milan naklukaké Liverpool 2-1 liwat loro gol-é Filippo Inzaghi. Gelar iku nuntasaké dendam Milan kang kalah nalika adu penalti karo Liverpool rong taun sadurungé. Gelar pencetak gol paling akèh disabet déning pemain jenius Milan, Kaká kanthi 10 gol. Ana ing pertengahan musim, Milan ngundang mantan pemain paling apik sadonya, Ronaldo saka Real Madrid kanggo nguataké armada penyerang sawisé penyerang anom Marco Borriello diukum amarga konangan nganggo doping. Sawisé musim kompetisi 2006/2007 bubar, santer dikabaraké yèn Milan bakal kélangan Kaká kang diburu déning Real Madrid. Trequartista asal Brasil iki pancèn wis dadi buronané Madrid kang wis suwé péngin nuku. Madrid nawaraké dhuwit 80 yuta euro utawa setara karo 980 miliar rupiah kanggo transfer Kaká. Kaká ditawari gaji resik 12 juta euro per musim, sarta 100% kasil dodolan "merchandise"é. Gaji iki nilainé lipat 2,5 saka gajiné ing Milan. Yèn Kaká nampa tawaran Madrid mau, dhèwèké bakal dadi pebola paling larang sepanjang jaman, ngluwihi rekor Zinedine Zidane kang mung 47 yuta euro. Bapak sisan agen Kaká, Bosco Leite uga sempat mabur menyang Madrid kanggo rundinganmasalah Kaká. Milan mesthi waé ora setuju nglepasaké kanthi rega pira waé. Madrid sidané nyerah. Amarga kasetiaané mau, Milan janji bakal ngunggahaké gaji Kaká.

Pemain kondhang[besut | besut sumber]

 

Skuad musim 2014/2015[besut | besut sumber]

Catatan: Data ing ngisor iki bener nganti 26 Agustus 2014.[1]

Kiper
1 Italia Michael Agazzi
23 Spanyol Diego López
32 Italia Christian Abbiati
59 Brazil Gabriel
Bek
20 Italia Ignazio Abate
27 Kolombia Pablo Armero (silihan saka Udinese)
14 Italia Michelangelo Albertazzi
25 Italia Daniele Bonera
33 Brazil Alex
2 Italia Mattia De Sciglio
5 Prancis Philippe Mexès
13 Prancis Adil Rami
81 Italia Cristian Zaccardo
17 Kolombia Cristián Zapata
Gelandang
24 Italia Bryan Cristante
34 Belanda Nigel de Jong
15 Ghana Michael Essien
34 Italia Riccardo Montolivo (kapten)[2]
4 Ghana Sulley Muntari
16 Italia Andrea Poli
8 Italia Riccardo Saponara
Penyerang
92 Italia Stephan El Shaarawy
11 Italia Giampaolo Pazzini
10 Jepang Keisuke Honda
19 Prancis M'Baye Niang
7 Prancis Jérémy Ménez
98 Italia Hachim Mastour
Pelatih
Italia Filippo Inzaghi

Prestasi[besut | besut sumber]

  • Seri A: 18
    • 1901, 1906, 1907, 1950-51, 1954-55, 1956-57, 1958-59, 1961-62, 1967-68, 1978-79, 1987-88, 1991-92, 1992-93, 1993-94, 1995-96, 1998-99, 2003-2004, 2010-11
  • Piala/Liga Champions: 7
    • 1962-63, 1968-69, 1988-89, 1989-90, 1993-94, 2002-03, 2006-07
  • Piala Italia: 5
    • 1966-67, 1971-72, 1972-73, 1976-77. 2002-03
  • Piala Super Italia: 5
    • 1988, 1992, 1993, 1994, 2004
  • Piala Interkontinental: 3
    • 1969, 1989, 1990
  • Piala Super Éropah: 5
    • 1989, 1990, 1994, 2003, 2007
  • Piala Winners: 2
    • 1967-68, 1972-73
  • Piala Latin (Piala kang paling wigati kanggoné klub-klub Éropah ana ing taun 40-an lan 50-an. Diselenggarakan wiwit 1949 nganti 1957 antara juara-juara Prancis, Italia, Portugal lan Spanyol. Kejuaraan iki ilang sawisé dimulai Piala Champions.)
    • 1951, 1956
  • Piala Mitropa
    • 1981/82

Babak Final

  • Piala/Liga Champions
    • 1957/58, 1992/93, 1994/95, 2004/5, 2006/7
  • Piala Winners
    • 1973/74
  • Piala Interkontinental
    • 1963, 1993, 1994, 2003
  • Piala Super Éropah
    • 1973, 1993
  • Piala Latin
    • 1953
  • Piala Italia
    • 1941/42, 1967/68, 1970/71, 1974/75, 1984/85, 1989/90, 1997/98

Pratélan Présidhèn AC Milan[besut | besut sumber]

Rujukan[besut | besut sumber]

  1. ^ "Squad season 2014/2015". acmilan.com. Associazione Calcio Milan. Dijupuk 26 August 2014. 
  2. ^ "Galliani: "Montolivo will be our captain"". acmilan.com (Associazione Calcio Milan). 24 June 2013. Dijupuk 1 July 2013. 

Pranala njaba[besut | besut sumber]


Liga Italia Seri A 2014/2015
Atalanta | Cagliari | Cesena | Chievo | Empoli | Fiorentina | Genoa | Inter Milan | Juventus | Lazio
| A.C. Milan | Napoli | Palermo | Parma | A.S. Roma | Sampdoria | Sassuolo | Torino | Udinese | Verona
Anggota G-14

Nèderlan Ajax | Inggris Arsenal | Sepanyol FC Barcelona | Jerman Bayer Leverkusen | Jerman Bayern Munich

Jerman Borussia Dortmund | Nèderlan PSV Eindhoven | Itali Internazionale | Itali Juventus

Inggris Liverpool | Inggris Manchester United | Itali AC Milan | Prancis Lyon | Prancis Marseille

Prancis Paris Saint-Germain | Portugal FC Porto | Sepanyol Real Madrid | Sepanyol Valencia