Arsenal Football Club (dikenal uga minangka Arsenal utawa The Gunners) yaiku kelompok bal-balan saka Inggris kang ana ing tlatah London sisih lor. Arsenal main ing Liga Utama Inggris lan kagolong tim bal-balan kang gedhé ing Inggris. Arsenal uga dadi anggota kelompok G-14, yaiku wadhahing klub-klub bal-balan gedhé ing Éropah. Arsenal awit taun 2007 duwé kandhang ing Stadion Emirates.
Ing taun 1886 Arsenal madeg ing kutha Woolwich, pérangan kidul wétan kutha London. Taun 1913, Arsenal banjur pindhah ngalor menyang Stadion Highbury, kang dadi markasé nganti wulan Mèi 2006. Amarga cedhak kaliyan markas Tottenham Hotspur, mulané saben tetandhingan Arsenal lawan Tottenham diarani "North London derby". Arsenal ngrembaka lan misuwur punika kawiwitan saking pelatih Herbert Chapman kang nglatih ing taun 1925-1935 lan mgasilake juwara liga.
Déné ing Éropah, Arsenal misuwur wiwit taun 1971, ing kejuwaraan Fairs Cup (sapunika dados Piala UEFA). Arsenal dados juwara sawisé ngalahaké Anderlecht kanthi gol 4-3. Wanci punika Arsenal dilatih déning Bertie Mee. Sajeroning taun 1980an Arsenal kasil nambah sawatara gelar domestik.
Ing warsa 1991, Arsenal dadi juwara bebarengan karo Tottenham ing Community Shield kanthi skor imbang. Lajeng ing warsa 1994, nalika dilatih déning George Graham, Arsenal dados juwara manèh ing Éropah bakda ngalahaké Parma kanthi gol 1-0. Arsenal mlebu final ing taun 1995, nanging dikalahaké déning Real Zaragoza kanthi gol 2-1.
Pelatih Arsène Wenger ing warsa 1996 kasil ndadèkaké Arsenal tim kang gedhé manèh. Arsenal uga kasil ngalahake Manchester United ing Liga Utama Inggris wektu semana. Arsenal dadi juwara loro (runner-up) ing Piala UEFA taun 2000 bubar nglawan Galatasaray kanthi adu penalti 4-1. Ing taun 2003-2004 lan 2004-2005, Arsenal kasil nyétak rekor 49 tetandhingan ora tau kalah lan medhotaké rekor Nottingham Forest (42 kali) kang dadi rekor paling suwé sajeroning sujarah bal-balan Inggris.
Nalika taun 2005-2006, Arsenal kasil nggayuh bebungah manèh ing Liga Éropah, yaiku dadi finalis Liga Champions nanging dikalahaké déning FC Barcelona 2-1 ing Stade de France, Paris.
Wiwit ngadeg, Arsenal bola bali pindhah stadion. Wiwit saka lapangan ing Woolwich, terus pindhah menyang London Lor lan yasa Stadion Highbury, kang dianggo pisanan ing taun 1913. Mulai sasi Juli 2006, klub iki ngenggoni markas anyaré ing Stadion Emirates kang duwé kapasitas 60.500 kursi lan dumunung ing Ashburton Grove sawisé udakara 93 taun manggon ing Stadion Highbury. Peresmian nggunakaké Stadion Emirates kanthi nganakaké tetandhingan persahabatan kanggo perpisahan David Bergkamp, sawijining mantan juru main penyerang Arsenal.
Patrick Viera ngangkat tropi Liga Inggris 2003/2004.Arsenal's players and fans celebrate their 2004 League title win with an open-top bus parade
