Thierry Henry

Saka Wikipédia Jawa, bauwarna bébas abasa Jawa
Thierry Henry
Thierry Henry control cropped.jpg
Henry naka main kangge New York Red Bulls
Katerangan priangga
Jeneng dawa Thierry Daniel Henry[1]
Tanggal lair (1977-08-17) 17 Agustus 1977 (umur 39)[1]
Papan lair Les Ulis, Essonne, Perancis
Dhuwur 188 m (616 ft 9.6 in)
Posisi main Penyerang
Katerangan klub
Tim saiki
New York Red Bulls
Angka 14
Karir nom
1983–1989 CO Les Ulis
1989–1990 US Palaiseau
1990–1992 Viry-Châtillon
1992 Clairefontaine
1992–1994 Monaco
Karir sénior*
Taun Tim Main (Gul)
1994–1999 Monaco 105 (20)
1999 Juventus 16 (3)
1999–2007 Arsenal 254 (174)
2007–2010 Barcelona 80 (35)
2010–kini New York Red Bulls 37 (16)
2012 Arsenal (pinjaman) 4 (1)
Tim nasioanl
1997 U-20 Perancis 5 (3)
1997–2010 Perancis 123 (51)

* Gunggung main lan gul ing klub sénior tumrap liga dhomèstik iki mligi lan patitis per pukul 29 Juli 2012, 02.12 (UTC).

‡ Gunggung main lan gul ing tim nasional iki patitis per pukul 11 Februari 2012, 16.56 (UTC)

Thierry Daniel Henry (IPA: [tjɛ'ʀi ɑ̃'ʀi], lair 17 Agustus 1977; umur 39 taun) inggih punika salah satunggaling pemain bal-balan ingkang asalipun saking Perancis ingkang main minangka penyerang kanggé Arsenal (kaampila saking New York Red Bulls).

Henry miyos lan ngrembaka ing kutha Paris lan wiwit timuripun ningalaken bakat ingkang potensial sanget. Piyambakipun kapanggihaken déning AS Monaco nalik taun 1990 lan lajeng kagabung, nindakaken debut profesionalipun taun 1994. Nalika taun 1998 Henry dipundhawuhi saperlu gabung mlebet dhateng tim nasional Perancis, lajeng piyambakipun pindhah dhateng klub Italia Juventus. Nalika taun 1999 Henry gabung kaliyan klub saking Britania Raya Arsenal kanthi regi 10,5 yuta Pound sterling.

Wonten ing Arsenal Henry dados misuwur minangka pemain kelas donya. Éwadéné wiwitanipun ngalami masa ingkang boten gampil wonten ing Liga Inggris, Henry tetep saged medal minangka pencetak gol paling kathah meh saben musimipun. Wonten sangandhapipun mentor lan pelatihipun, Arsène Wenger, Henry dados penyerang ingkang misuwur sanget lan pencetak gol paling kathah ing Arsenal, kanthi 226 gol. Sesarengan kaliyan The Gunners, Henry kaping kalih menangaken Liga Inggris lan tiga Piala FA, kaping kalih dipunnominasikaken minangka Pemain Paling Apik Donya FIFA, kaing kalih dados PFA Players' Player of the Year lan kaping 3 dados Football Writers' Association Footballer of the Year. Henry nelasaken 2 musim pungkasanipun kalih Arsenal minangka kapten, lan kasil mimpin klubipun dhateng final UEFA Champions League. Nalika Juni 2007, sasampunipun 8 taun ing Arsenal, Henry pindhah dhateng FC Barcelona kanthi béa transfer antawis £16,1 yuta.

Henry ugi pikantuk sukses ingkang sami wonten ing tim nasional Perancis, lan menangaken Piala Dunia 1998 lan Euro 2000. Nalika Oktober 2007, Henry nglewati rekor Michel Platini kanthi dados pencetak gol paling kathah ing Perancis. Ing njawi lapangan, dipunlabatrbelakangi déning pengalaman pribadinipun, Henry aktif dados juru wicara anti rasisme ing bal-balan. Kasuksesanipun damel Henry dados salah satunggaling pemain bal-balan ingkang paling laris, Henry asring medal wonten ing iklan kangge Nike, Reebok, Renault, lan Gillette.

Masa Timur[besut | besut sumber]

Henry minangka keturunan Antillen;[2] bapakipun, Antoine, asalipun saking Guadeloupe (pulo La Désirade), lan ibunipun, Maryse, saking Martinique. Henry miyos lan tuwuh ing lingkungan ingkang keras, ing distrik Les Ulis Paris, ingkang kasunyatanipun kagungan fasilitas bal-balan ingkang sae.[3] Wiwit umur 6 taun, Henry sampun nedahaken potensi ingkang sae sanget, ingkang damel piyamakipun dados anggota klub lokal CO Les Ulis déning Claude Chezelle. Bapakipun ingkang nyengkuyung Henry saperlu ndherek gladhen, ewadene Henry alit boten remen sanget kaliyan bal-balan.[1] 5 taun salajengipun, Henry main ing sawijining tetandhingan pisananipun kangge klub kasebut. Henry lajeng kagabung kaliyan US Palaiseau ing taun 1989, ananging sasampunipun 1 taun, bapakipun wonten perkawis kaliyan klub punika, saengga pindhah dhateng klub Viry-Châtillon.[2] Pelatihipun ing US Palaiseau, Jean-Marie Panza, ndherek Henry dhateng klub enggalipun, lajeng ing dinten candhakipun dados mentoripun.[3]

Kontroversi[besut | besut sumber]

Nalika piyambakipun ngontrol bal kanthi astanipun lajeng dipunoperaken dhateng William Gallas lan dipunsundhul, gol, nalika perancis vs irlandia ing kualifikasi piala dunia 2010[3]

Cathetan suku[besut | besut sumber]

  1. ^ a b c "Goal.com Profile: Thierry Henry" (web archive). Goal.com. 25 Juni 2007. Diakses pada 23 September 2007. Cacad sitiran: Invalid <ref> tag; name "goal" defined multiple times with different content
  2. ^ a b Thierry Henry Bio, jockbio.com, accessed 13 Pebruari 2013.
  3. ^ a b c Anthony, Andrew, "Thierry Henry, you're having a laugh", observer.guardian.co.uk, 3 Oktober 2004, accessed 13 Pebruari 2013.
Sumber artikel punika saking kaca situs web: "https://jv.wikipedia.org/w/index.php?title=Thierry_Henry&oldid=1100394"