Pelé

Saka Wikipédia Jawa, bauwarna bébas abasa Jawa
Jump to navigation Jump to search
Pelé
Pelé
Katerangan priangga
Jeneng dawa Edison Arantes do Nascimento
Dhuwur 1.74 m (5 ft 8 12 in)
Posisi main Penyerang
Karir nom
1952-1956 Bauru AC
Karir sénior*
Taun Tim Main (Gul)
1956-1974
1975-1977
Santos
New York Cosmos
1.115 (1.091)
Tim nasional
1957-1971 Brasil 092 0(95)

* Gunggung main lan gul ing klub sénior tumrap liga dhomèstik iki mligi.


Edison Arantes do Nascimento utawi ingkang asring dipuntepungi kanthi nama Pelé (lair 23 Oktober 1940; umur 77 taun) inggih punika minangka legenda bal-balan donya ingkang asalipun saking Brasil. Sadanguning karieripun minangka juru main, Pelé kasil mbekta Brasil dados Juara Donya Bal-balan kaping 3, inggih punika nalika taun 1958 ing Swedia, taun 1962 ing Chili, lan taun 1970 ing Meksiko. Berkat kasuksesanipun mau, Brasil gadhah hak saking Piala Jules Rimet. Pelé pikantuk jejuluk O Rei utawi Sang Raja.[1]

Piyambakipun miyos wonten ing Três Corações, Minas Gerais, Brasil.

Miyos[besut | besut sumber]

Pelé ingkang miyos ing Três Corações inggih punika putra juru main bal-balan ingkang main wonten ing Fluminense, Dodinho kaliyan Dona Celeste Arantes. Wiwitanipun dipunjeluk kanthi nama Dico nanging lajeng dipunjeluk minangka Pelé déning kanca-kancanipun ngrujuk wonten ing nama kiper Vasco da Gama ingkang minangka idolanipun, Bilé. Pelé gesang wonten ing kemiskinan wonten ing Sao Paulo. Piyambakipun pados arta tambahan minangka pelayan ing kedai teh sakitaripun. Piyambakipun lajeng kagabung kaliyan klub lokal Bauru wiwit taun 1952 nanging Pelé boten kiyat mundhut septu bal. Piyambakipun lajeng main kanthi nalikaken koran bekas wonten ing samparanipun minangka sepatu, lan buah jeruk minangka balipun.[2]

Karier Klub[besut | besut sumber]

Santos[besut | besut sumber]

Wonten ing taun 1956, Pelé ndhèrèk seleksi juru main bal-balan saking klub Santos, sawijining klub alit wonten ing njawi Sao Paulo. Pemandu bakat ingkang mirsani lajeng ngendika dhateng Présidhèn klub bilih laré 15 taun ingkang nama Pelé bakal dados juru main paling apik donya. Pelé lajeng miwiti debutipun wonten ing Santos tanggal 7 September 1957 damel 1 gol wonten ing kamenangan 7-1 nglawan Corinthians wonten ing tetandhingan eksebisi.[3] Nalika liga dipunwiwiti, Pelé sampun pikantuk papan utama wonten ing tim senior Santos. Wonten ing akir mangsa kompetisi Pelé medal minangka top scorer liga nalika umur 16 taun. Namung wonten ing wekdal ingkang singkat, Pelé lajeng dipundangu saperlu kagabung wonten ing skuat tim nasional Brasil. Sasampuning penampilanipun wonten ing Piala Dunia 1962, tim raksasa eropa kados Real Madrid, Manchester United lan Juventus wiwit ngincer piyambakipun. Nanging bab punika dipuncegah déning pamaréntah Brasil kanthi ngendika bilih Pelé minangka baegyan saking harta karun nagara lan boten dipunkeparengaken main bal-balan wonten ing njawi Brasil.[4]

Cathetan suku[besut | besut sumber]

Pranala njaba[besut | besut sumber]