Kutha Kedhiri

Saka Wikipédia Jawa, bauwarna bébas abasa Jawa
Kutha Kedhiri
Lambang Kota Kediri.jpg
Lambang Kutha Kediri
Motto: "Djojo ing Bojo"
Locator kota kediri.png
Dina Dadi:
Walikutha: Abdullah Abu Bakar, S.E
Wakil Walikutha:
Jembar
 - Total:

63,40 km²
Kacamatan
 - Cacahe:

3 Kacamatan
Padunung
 - Total:
 - Kapadhetan:

+/- 252.000 (2003)
+/- 3.975 jiwa/km²
Suku Bangsa: wong Jawa
Agama: Kajawèn, Islam, Protestan, Katolik, Hindu lan Buddha
Basa: Basa Jawa lan Basa Indonésia

Kutha Kedhiri iku kutha ing Jawa Wétan, jembar wewengkon kutha iki ± 63,40 km².

Sajarah[besut | besut sumber]

Kutha Kedhiri duwéni sejarah kang mulya. Kedhiri ing jaman biyèn dadi laladan wigati ing nusantara. Pusating kerajaan ing nusantara pas wektuné. Kedhiri uga dadi laladan cikal bakal lairé kerajaan-kerajaan gedhé kang minayungi kerajaan-kerajaan liya.

Artine Lambang Kutha Kedhiri[besut | besut sumber]

  1. Buta Lacaya: Buta Lacaya ya iku jeneng patih ing pamarintahan Sri Aji Jayabaya kang setia, labuh nagari utawa adaté kasebut Ki Ageng Dhoho. Penjaga Kedhiri kang teguh, lamba.
  2. Perisai: Lambang pertahanan
  3. Macan Putih: diibaratké Sri Aji Joyoboyo mumpuni nujum ing Kedhiri, lambang waspada
  4. Kembang Melati: kembang nasional (Kembang Pusaka Indonésia,) duwéni godhong lima ya iku ing lambang Pancasila
  5. Beras lan Kapas: lambang kamakmuran
  6. Dewi Kilisuci: lambang wong kang ora mentingaké dhéwéké dhéwé. Labuh marang nagara lan rakyat
  7. Pitah, ana tulisan "Djojo ing Bojo": piranti kang dadi panyambung, lambang nyarujuk dadi siji
  8. Suwiwi ana wuluné, cacahé 17 lan 8, buntut ana wulu 4 lan 5: lambang Proklamasi Kamardhékaan Bangsa Indonésia [1]

Geografis[besut | besut sumber]

Kedhiri kuta kang ana ing pèrènging Kali Brantas. Wates-wates Kutha Kedhiri ya iku; wates lor ana Kabupatèn Kedhiri, wates Kidul ana Blitar-Tulungagung, wates wétan ana Malang, wates kulon ana Nganjuk. Kedhiri iku kutha kang ngapit Kali Brantas, mula diarani kaya duwé rong pérangan ya iku Kediri Kulon Kali lan Kedhiri Wétan Kali. Yén miturut pétungan geografis, Kediri dumunung ing 111,05°-112,03° Bujur wetan lan 7,45°-7,55° Lintang kidul

Pamarêntahan[besut | besut sumber]

Tujuwan lan Cara[besut | besut sumber]

Tujuwan pamarintah Kutha Kedhiri ya iku; "Mbangun Kutha Kedhiri dadi Luwih Apik ing Ngarsa"

Kanggo ngawujudake tujuan kang kasebut ing duwur, ana peranganing cara kang dari titiane pamarintahan, kayata:

  1. Ngawujudaké kutha kang resik, lan warga takwa nganggo kemanusiaan uga pangaturan kang efektif, irit, lan terus-terusan.
  2. Ngawujudaké kutha lan warga kang sugeng ngangggo pangaturan lan olah laladan (pabrik usaha, dagang, jasa, papan, lan prangkat kanggo wong akèh) uga ningkataké kasejahteraan.
  3. Ngawujudaké kutha lan warga kang narik, aman, lan tentrem ing warga kutha, donyo usaha, uga laladan liyané.
  4. Ngawujudaké kutha lan warga kang mandiri, apik, duwèni akal kang anyar, nganggo mberdoyo warga uga ningkataké kerja wong pamarintahan.

Kutha Kediri katata saka 3 kacamatan, 46 kalurahan. Kacamatan-Kacamatan ing kutha Kediri ya iku:

Ekonomi & Sosial[besut | besut sumber]

Kutha iki ngembangaké kualitas ing péranganing aspek. Saka pagulawentahan, sarana rekréasi, pamarintahan, nganti ulah raga.

Ing sarana wisata, kutha iki duwé akèh papan wisata kayata blumbang (patirtan), Gua, Taman Sekartaji nganti musèum. Kejaba iku, kutha Kedhiri uga nawarké dalan kang mligi kanggo rékréasi kayata dalan Dhoho, dalan Pattimura (punjering olèh-olèh), dalan Taman Sekartaji lan dalan Lèdjén Soeprapto (dalanan stadion Brawijaya).

Dalan Dhoho iku salah sajining dalan pusat ékonomi kutha Kediri. Ning kana ana atusan toko kang nawarké rena-renane klambi, tas, sepatu, jinising toko kaca mripat, obat-obat nganti piranti mangsak. Anggoné buka toko saka jam 08.00 isuk nganti jam 21.00 bengi. Bubar toko-tokoné tutup, dalan Dhoho ora banjur sepi, merga èmpèran toko wiwit dibuka kanggo dhasaran wong bakul pecel tumpang (panganan kas Kedhiri). Yèn diitung-itung, cacahé warung pecel tumpang sing ana ing Dalam Dhoho nganti atusan. Biasané warung-warung iku tutup jam 24.00 nganti 02.00 isuk, gumantung entèk durungé dhagangan. Sakliyané iku, dalan Dhoho uga dipepaki karo papan panginepan (hotèl), cacahé hotèl ing dalanan kang ora patia dawa iku nganti ana telu (3). Yèn Yogyakarta duwé dalan Malioboro, semana uga Kedhiri sing duwé dalan Dhoho. Kaya mengkana, kahanané dalan Dhoho kang ora tau turu, mesthi ramé lan digawé jujugan wisatawan saka kutha liyan.

Dalan Pattimura dalan kang diarani punjering olèh-olèh kas Kedhiri. Dalan iki dikebaki karo bakul Gethuk Gedhang, Tahu Takwa (Tahu Kuning), Stik Tahu, lan liya-liyané. Dalanan iki uga ora tau sepi, masia ora ramé banget kaya dalan Dhoho. Wong kang nguasai toko-toko ing Pattimura akèh saka turunané Cina. Bangunan-bangunan tokoné uga isih kaya bangunan kuno Cina.

Dalan Lètjén Soeprapto (dalanan Stadion Brawijaya). Dalan iki dadi punjering suporter PERSIK (Persatuan Sepak Bola Kediri) Kediri. Pèrènging dalan iki dikebaki toko, sekolahan, rumah toko lapangan bal-balan, partirtan Tirtoyoso, lan partirtan Kowak. Dalan iki ora tau sepi, uga merga kanggo dalan nyambungké Kedhiri Kutha lan kabupatèn.

Dalan Taman Sekartaji ya iku dalan senengané bocah nom-noman. Dalan iki gawé kepénak wong nongkrong, merga ora patia ramé uga ana bebakulan jagung bakar. Wis adaté bocah nom-noman Kedhiri nongkrong ning dalanan iki nganti bengi.

Delengen uga[besut | besut sumber]

Pranala njaba[besut | besut sumber]


  1. ^ Lambang Kutha Kedhiri
Sumber artikel punika saking kaca situs web: "https://jv.wikipedia.org/w/index.php?title=Kutha_Kedhiri&oldid=1050165"