Guwa

Saka Wikipédia Jawa, bauwarna bébas abasa Jawa
Guwa.

Guwa ya iku bolongan alami ing lemah kang lumayan gedhé lan jero. Sapérangan ilmuwan njlentrehake manawa guwa iku kudu lumayan gedhé saéngga sapérangan pérangan ing jerone ora nampa cahya srengéngé; nanging ing kagunan racaké pangertene lumayan gedhé, kalebu parlindungan watu, guwa laut.

Tembung "guwa" asalé saka basa Sanskerta guha[1].

Rekor[besut | besut sumber]

Amarga guwa anyar terus dijelajahi, mula rekor ukuran guwa terus diperbaharui.

Sistem guwa gedhé dhéwé (ing jarak) ya iku Guwa Mammoth (Kentucky, Amérika Sarékat) kanthi panjang 579 km. Rekor iki kaya-kaya ora bakal diliwati kanthi wektu cedhak amarga guwa paling dawa kaping lorone kang dingerteni ana ing Pechera Optymistychna Ukraina kang dawane 214 km.

Taun 2005, guwa paling jero kang wis dingerteni (diukur saka panggonan mlebu nganti titik paling cethèke) ya iku Guwa Voronya (Abkhazia, Georgia, kanthi kajeronan 2.080 m. Iki minangka guwa pisanan kang tau dijlajahi nganti kajeronan punjul 2 km. Guwa pisanan kanthi kajeronan punjul 1 km kang tau dijlajahi ya iku Gouffre Berger kang misuwur ing Perancis. Gouffre Mirolda - Lucien Bouclier guwa ing Perancis lan Lamprechtsofen Vogelschacht ing Austria minangka guwa kaping loro lan kaping telu paling jero kanthi kajeronan 1733 m lan 1632 m, runtut. Rekor iki wis ganti nganti kaping pirang-pirang ing taun-taun pungkasan.

Rekor kajeronan guwa njorok mangisor kacekel déning guwa Vrtoglavica ing Slovenia kanthi 603m, diéloni déning guwa Velebit ing gunung Velebit ing Kroasia kanthi kajeronan 553m.

Guwa gedhé dhéwé kang wis tinemu ya iku Sarawak Chamber, ing Taman Nasional Gunung Mulu (Sarawak, Borneo, Malaysia), kang ambané 600 m x 400 m lan dhuwure 80 m.

Dunya jaba dideleng saka jero guwa.

Cathetan sikil[besut | besut sumber]

  1. ^ Daigorō Chihara, Hindhu-Buddhist architecture in Southeast Asia, 1996

Uga delengen[besut | besut sumber]

Pranala njaba[besut | besut sumber]