Kabupatèn Malang

Saka Wikipédia Jawa, bauwarna bébas abasa Jawa
(Dilih saka Kabupaten Malang)
Kabupatèn Malang
Lambang Malang.jpg
Lambang Malang
Motto: ""
250px
Dina Dadi: ...
Kutha krajan: Kutha Kepanjen
Bupati: Sujud Pribadi
Wakil Bupati:
Jembar
 - Total:

4.576 km²
Kacamatan
 - Cacahe:

33 Kacamatan
Padunung
 - Total:
 - Kapadhetan:

+/- 2.339.000 (2003)
+/- 511 / km²
Suku Bangsa: wong Jawa
Agama: Kajawèn, Islam, Protestan, Katulik, Hindu lan Buddha
Basa: basa Jawa lan basa Indonésia

Kabupatèn Malang, iku kabupatèn ing Propinsi Jawa Timur, Indonésia. Kutha krajané ya iku Kepanjen. Kabupatèn iki wewatesan karo Kabupatèn Jombang, Kabupatèn Majakerta, Kutha Batu, lan Kabupatèn Pasuruan ing sisih lor, Kabupatèn Lumajang ing sisih wétan, Samodra Hindia ing sisih kidul, lan Kabupatèn Blitar lan Kabupatèn Kediri ing sisih kulon. Sabagéyan gedhé wewengkoné iku pagunungan sing hawané sejuk, Malang dikenal minangka salah siji laladan tujuan wisata utama ing Jawa Wétan.

Pambagéyan administratif[besut | besut sumber]

Kabupatèn Malang kapérang dadi 33 kacamatan, sing kapérang manèh dadi désa lan kalurahan. Punjeré Panatapanguwasa ana kutha Kepanjèn. Sadurungé ana ing Kutha Malang. Biyèné Kutha Batu kalebu ing Kabupatèn Malang, wiwit taun 2001 sawisé ditetepaké dadi kutha dhéwé Kutha Batu pisah saka Kabupatèn Malang. Punjeré Panatapanguwasa Kacamatan sing paling gedhé lan amba ing Malang antarané : Lawang, Singosari, Dampit, lan Kepanjèn.

Kacamatan-Kacamatan ing Kabupatèn Malang:

Géografi[besut | besut sumber]

Kabupatèn Malang iku kabupatèn paling wiyar nomer loro ing Jawa Wétan, sawisé Kabupatèn Banyuwangi. Sabagéyan gedhé wewengkoné arupa pagunungan. Bagéyan kulon lan kulon-lor arupa pagunungan, kanthi puncaké Gunung Arjuno (3.339 m) lan Gunung Kawi (2.651 m). Pagunungan iki ana tuké Kali Brantas, kali paling dawa ing Jawa Wétan.

Bagéyan wétan arupa komplèks Pagunungan Bromo-Tengger-Semeru, kanthi puncaké Gunung Bromo (2.392 m) lan Gunung Semeru (3.676 m). Gunung Semeru iku gunung paling dhuwur ing Pulo Jawa. Kutha Malang dhéwé ana ing cekungan antarané rong komplèks pagunungan kasebut.

Bagéyan kidul arupa pagunungan lan dhataran glombang. Dhataran asor ing pasisir kidul cukup ciut lan sabagéyan gedhé pasisiré ana wukiré.

Kabupatèn Malang nduwé potènsi tetanèn kanthi iklim sejuk. Laladan lor lan wétan akèh dipigunaaké kanggo kebonan apel. Dahérah pagunungan ing kulon akèh ditanduri jangonon, lan dadi salah sawijining pangasil jangonon utama ing Jawa Wétan. Laladan kidul akèh dipigunaaké kanggo nandur tebu lan hortikultura kayadéné salak lan semangka.

Transportasi[besut | besut sumber]

Bis[besut | besut sumber]

Transportasi angkutan antarkutha diladèni mawa bis kutha lan sepur. Terminal antarkutha ing kutha Malang ya iku Arjosari (jurusan Surabaya lan Probolinggo), Gadang (jurusan Dampit, Lumajang lan Blitar/Tulungagung), lan Landungsari (jurusan Jombang, Tuban, lan Kediri). Angkutan ing kabupatèn migunaaké bis mini lan angkutan désa. Terminal ing wewengkon kabupatèn Malang ya iku: Kepanjen lan Tumpang.

Sepur[besut | besut sumber]

Malang ana ing jalur sepur lintas Surabaya-Malang-Blitar-Kertosono-Surabaya. Ana rong stasiun sepur ing Kutha Malang (Malang lan Malang Kotalama), lan pitung stasiun ing wewengkon Kabupatèn Malang (Lawang, Singosari, Blimbing, Pakisaji, Kepanjen, Ngebruk lan Sumberpucung). Lintasan sepur iki kalebu unik (mungel siji-sijiné) ing Indonésia amarga ngliwati rong trowongan (tunnel) ing laladan PLTA Karangkates.

Pariwisata utawa Plesiran[besut | besut sumber]

Malang dikenal minangka laladan tujon plesiran utama Jawa Wétan. Sapérangan papan plesiran mranani ing Kabupatèn Malang ya iku:

  • Gunung Kawi, ana ing wewengkon Kacamatan Ngajum. Misuwur minangka papan plesiran spiritual.
  • Gunung Arjuno-Welirang, asring kanggo pandhakian kanthi rute: Junggo, Cangar, Singosari, Lawang, Purwosari utawa Pandaan.
  • Puncak Pananjakan Bromo liwat Nongkojajar.
  • Wadhuk Selorejo, ana ing Kacamatan Ngantang (ing sapinggiring dalan gedhé Malang-Jombang)
  • Wadhuk Karangkates (Bendungan Sutami), ana ing Kacamatan Sumberpucung.
  • Taman Ria Sengkaling, ana ing sapinggiring dalan gedhé Malang-Batu, ing kana ana kolam renang lan taman kanggo dolan.
  • Air terjun Coban Rondo, ana ing Kacamatan Pujon.
  • Pasiraman Dèwi Sri, ana ing Kacamatan Pujon nyawisaké plesiran pasiraman banyu panas pagunungan. Plesiran iki ana ing saceraking pasar Pujon minangka sentra pamasaran woh lan jangonon.
  • Candhi Singosari, ana ing Kacamatan Singosari.
  • Pesisir: Pesisir Ngliyep, Pesisir Bajulmati, Pesisir Sendangbiru, Pesisir Balekambang.

Mangga Kapurih Ugi Mriksani[besut | besut sumber]

Pranala njaba[besut | besut sumber]