Masjid Wustha Mangkunegaran
| Masjid Wustho Mangkunegaran | |
|---|---|
  Lokasi di Jawa | |
| Informasi umum | |
| Prenah | Kutha Surakarta, Jawa Tengah, Indonésia |
| Koordhinat géografi | 7°33′56″S 110°49′17″E / 7.565433°S 110.821446°EKoordhinat: 7°33′56″S 110°49′17″E / 7.565433°S 110.821446°E |
| Afiliasi agama | Islam |
| Deskripsi arsitektur | |
| Arsitèk | Ir. Herman Thomas Karsten |
| Jinis arsitèktur | Masjid |
| Gaya arsitektur | Tajug |
| Yasa pratama simbulis | 1878 |
| Taun rampung | 1918 |
| Spesifikasi | |
| Kubah | 0 |
| Menara | 1 |
Masjid Wustha Mangkunegaran iku masjid tuwa kang mapan ing Kutha Surakarta. Masjid iku minangka "masjid nagara" nalika hadeging Kadipaten Praja Mangkunegaran.
Sajatiné, nalika papréntahan Mangkunagara I wis ana "masjid nagara" kanggo Praja Mangkunegaran sing letaké ing Kauman, Pasar Legi. Namung kanggo "panatagama" (urusané agama), panggonané masjid dilihna maring panggonané saiki[1].
Pembangunané masjid sing ngrancang arsitek Belanda, Herman Thomas Karsten. Siki masjidé ana ing Dalan Kartini, ana ing iring kulon Pura Mangkunegaran, kelebu ana ing wilayaeh Kalurahan Ketelan, Banjarsari, Surakarta.
Arsitekturé
[besut | besut sumber]Masjid manggon ana ing papan ambané 4.200 mèter persegi, karo tipe bangunané "tajug" utawa yasan khas Jawa mung kanggo masjid thok. Bangunané ana teras ana ing iring wétan. Kaya Masjid Agung Kraton Surakarta, ing terasé ana tratag rambat, kaya gang ana payoné sing madan mèngarep. Kekhasané masjid Mangkunegaran, tratag rambat iki dimaeni karo témbok ana kaligrafiné. Iring kidul ana maning enggon kanggo ngajian sing wadonan (pawastren). Nang ngarep masjidé ana saka utawa menara (iring wétan madan ngalor), lan yasan kanggo sunatan utawa khitanan sing diceluk maligen.
Ing iring wétan madan ngalor masjid ana prasasti marmer sing dipasang ing témbok tememplek, iku pèngetan pembangunané masjid lan menara ing basa Arab lan bahasa Jawa.
Sangkalan minongka pèngetan.
Miwiti pasang tales:
muji luhuring salira Nabi (1807 / 1878 M)
Ngambali pasang tales:
? (1847 / 1917 M)
Pambalaripun tuwin miwiti pasang tales manara:
nata pawisikan samadyaning praja (1855 / 1924 M)
Budhayané
[besut | besut sumber]Jeneng "Wustho" diwehna taun 1949 déning Kepala Takmir ("Penghulu") Pura Mangkunegaran Raden Tumenggung K.H. Imam Rosidi. Seurunge, masjid kur diceluk "Masjid Mangkunegaran".
Masjid Wustho iku papané kanggo njurung kagiyatan spiritual sing dilakokna ana ing Pura Mangkunegaran. Pas kiraban pusaka ana ing karaméan Taun Anyar Jawa ing malem siji Suro sing maca ayat-ayat suci Al Qur'an dilakokna ana ing Masjid Wustho.
Préferensi
[besut | besut sumber]- ↑ Nino S. Basunindyo & Fendy Fawzi Afian. Blusukan Solo – Putra-Putri Solo : Resume Cerita Nostalgia Soerakarta ing Solo Camp Fest Adore. Ing 5 Januari 2015.
Pranala njaba
[besut | besut sumber]- Masjid Al-Wustho Mangkunegaran: Lebih 100 Tahun Dikelola Abdi Dalem Archived 2012-10-10 at the Wayback Machine.. Al-Kisah, Majalah Daring. Selasa, 28 Agustus 2012. Diakses 3 September 2014.