Krupuk
Krupuk iku sawijining panganan saka Tanah Jawa lan uga Nuswantara sacara umum.[1] Panganan iki wujudé tipis kumripik.[1] Krupuk biyasané digawé saka glepung tapioka kang ditambahi bahan pangrasa, kayata urang, kakap, bawang putih, lan sapanunggalané. [1]Banjur jladrèn iki diulèni lan diiris tipis-tipis, dipépé ing srengéngé.[1] Banjur digorèng mawa lenga sing akèh tur panas.[1]
Bab lan Paragraf |
Cara nggawé [sunting]
Cara nggawé krupuk bisa kanthi manual.[2]Carané yaiku jladrèn krupuk digawé londor-londor dawa.[2] Sawisé dadi londoran banjur dimasak kanthi dikukus. [2]Yèn wis mateng banjur diirisi lan dipépé. [2]Irisan krupuk kang wis garing banjur digoréng ing lenga panas.[3] Londoran krupuk iki bisa digawé saka godhong utawa saka plastik.[3] Krupuk kang dipépé iki tujuwané supaya krupuk bisa mekar yèn digorèng.[3] Krupuk kalebu panganan kang cepet gosong nalika digoréng, dadi yèn nggorêng krupuk cukup sedhéla waé, aja nganti krupuk dadi gosong.[3] Yèn nganti gosong rasané krupuk bakal dadi pait lan wernané dadi ireng.[2]
Nggorèng [sunting]
Krupuk bisa digadho utawa dipangan minangka lawuh.[2] Sadurungé digorèng biyasané krupuk dipépé dhisik, tujuwané supaya krupuk bisa ngembang lan amba nalika digorèng.[2] Kanggo ngasilaké krupuk kang ora gosong tur asilé katon apik, cukup nggunakaké geni kang ora patiya gedhé nalika nggorèng.[2] Saliyané iku, yen nggorèng krupuk ora kena ditinggal-tinggal supaya ora gosong.[2]
Cemilan [sunting]
Krupuk kalebu jajanan kang ora gawé wareg. [2]Yèn ing basa Indonésia diarani makanan ringan utawa 'panganan êntèng' ing basa Jawa.[2] Krupuk biyasané kanggo lawuh nalika mangan. Krupuk uga kena kanggo camilan nalika lagi nonton TV utawa lagi lungguhan. Krupuk uga kena kanggo kanca yèn lagi ngombé tèh utawa kopi.[2]
Mlempem [sunting]
Yèn suwé ora dipangan lan ora diwadhahi jroning wadhah sing rapet krupuk biyasané banjur dadi mlempem.[2] Mlempem tegesé ora renyah manéh.[2] Krupuk kang wis mlempem rasané wis beda karo nalika kaya isih renyah.[2] Yèn wis mlempem krupuk biyasané arang dipangan. [2]Supaya krupuk ora cepet mlempem, biyasané dipépé dhisik.[2] Saliyané iku, nalika lagi ngentas saka wajan krupuk ora langsung diwadhahi toplès nalika isih panas. [2] Hawa panas agawé krupuk dadi mlempem nalika disêlêh toplès pas isih panas.[2]
Krupuk sing wis mlempem bisa digawé renyah manêh mawa dilebokaké ing oven utawa panggangan roti sadhéla.[4]
Rasa woh-wohan [sunting]
Kanthi kemajuané jaman, krupuk uga ana sing wènèhi perasa woh-wohan.[5] Déné woh-wohan kang dadi perasa krupuk yaiku rasa nanas, nangka, apel rasa strobèri,gedhang, gadung, jengkol, jagung, rasa coklat, rasa durén. [5]Saliyané iku uga ana krupuk kang diwènèhi perasa bumbu barbeque, rasa pedhes kayata sambel balado, rasa legi, kèju, bawang lan urang, ana uga krupuk kang rasa iwak.[5]
Jinis krupuk [sunting]
Jinisé krupuk.[6]
Krupuk iwak kalebu krupuk kang akéh disenengi masyarakat.[7] Saka bocah cilik nganti tekan wong tuwa uga seneng.[7] Rasané kang gurih lan renyah saya gawé krupuk iwak tambah énak.[7] Akéh iwak kang bisa dadi bahan dhasar kanggo nggawé krupuk.[7] Tuladhané iwak tongkol, tengiri, bandeng, lan liya-liyané.[7]
- Krupuk aci[6]
- Kemplang[6]
- Krupuk bawang putih[6]
- Krupuk bawang[6]
- Krupuk kulit[6]
- Krupuk mlarat[6]
- Krupuk gendar[6]
- Krupuk sanjai[6]
- Rengginang[6]
- Rempeyek[6]
- Krupuk Tahu
- Rambak. Rambak iku krupuk kang digawé saka kulit kebo. Dhaérah Bumiayu, Brebes. [6]Jawa Tengah dadi salah sawijining dhaerah penghasil rambak nganti tekan luar luar negeri.[6] Kulit kebo nyatane ora mung bisa diolah dadi bedug lan kerajinan tangan nanging uga bisa digawé rambak.[6] Rambak kang diolah dadi krupuk iki arané krupuk rambak.[6]
Kulit kebo sing wis dipépé nganti garing banjur digodhog nganti empuk ing banyu kang wis dibumboni.[6] Sawisé iku kulit kebo kang wis empuk mau banjur diiris tipis-tipis lan dipépé manéh nganti garing.[6]
Sawisé kuwi banjur digoréng supaya krupuk dadi ngembang.[6] Sajroné krupuk dipépé lan digoréng iki kang nemtokaké rasa gurih lan renyahé ing krupuk.[6] Krupuk rambak uga nduwéni rega kang luwih larang yaiku saben sekilo regané 90 éwu rupyiah.[6]Krupuk iki rasane renyah lan gurih rada asin.[6]
Dhaérah Bumiayu diarani dhaérah sentra produsén krupuk rambak. [6]Awit kurang luwih ana 75 perajin krupuk rambak ing Bumiayu.[6] Krupuk rambak asil olahan ing Bumiayu uga diékspor ing Malaysia lan Brunei Darussalam.[6]
Galeri krupuk [sunting]
-
krupuk
-
krupuk mlarat Cirebon
-
krupuk enak
-
krupuk kulit renyah
-
krupuk putih
-
krupuk kulit
-
krupuk kaleng
-
kemplang bangka
-
dodolan krupuk
-
krupuk
-
krupuk Bangka
-
kripuk ing pasar
-
krupuk mlarat
-
krupuk abang
-
krupuk iwak
-
krupuk puli/lémpéng
-
krupuk mie kuning
-
krupuk delé
Cathetan suku [sunting]
- ^ a b c d e (id)Kompas.com(dipunundhuh tanggal 20 April 2011)
- ^ a b c d e f g h i j k l m n o p q r s (id)Tabloid Femina(dipunundhuh tanggal 20 April 2011)
- ^ a b c d (id)Viva Indonesia(dipunundhuh tanggal 20 April 2011)
- ^ [http://dapurbundaku.wordpress.com/2011/08/25/tips-memasak-–-agar-gorengan-tetap-renyah/ Dapur Bundaku'. Diaksès tanggal 23 Mei 2012
- ^ a b c (id)kaskus.us(dipunundhuh tanggal 19 Mei 2011)
- ^ a b c d e f g h i j k l m n o p q r s t u v w x y z aa ab ac (id)Situs Indosiar(dipunundhuh tanggal 20 April 2011)
- ^ a b c d e (id) Deptan(dipunundhuh tanggal 20 April 2011)
