Iwak

Saka Wikipédia Jawa, bauwarna mardika basa Jawa
Iwak

Iwak guppy kang populèr sadonya
Klasifikasi èlmiah
Karajan: Animalia (Kéwan)
Filum: Chordata
Kelas: Pisces

Iwak (Basa krama: ulam lan Kawi: mina) iku sawijining kéwan kang urip ing banyu. Iwak ambegan mawa angsang lan kalebu kéwan getih anyep (poikilotermik). [1] Iwak kalebu klompok vèrtebrata kang paling anéka warna, kanthi gunggung spésies punjul 27,000 ing saindhenging donya. Sacara taksonomi, iwak kagolong klompok paraphyletic kang gayutan kakrabatané isih dadi pasulayan; racaké iwak dipérang dadi iwak tanpa wang (kelas Agnatha, 75 spésies kalebu lamprey lan iwak hag), iwak mawa balung enom (kelas Chondrichthyes, 800 spésies kalebu iwak yu lan iwak epé), lan sisané kagolong iwak mawa balung atos (kelas Osteichthyes). Iwak duwé warna-warna ukuran, wiwit saka iwak geger lintang kang ukurané 14 mèter (45 ft) nganti stout infantfish kang mung ukuran 7 mm (kira-kira 1/4 inci). Ana sawetara kéwan banyu kang kerep dianggep "iwak", kaya déné iwak lodan, iwak sotong lan iwak dhuyung, kang sabeneré ora kagolong iwak.

Klasifikasi[besut | besut sumber]

Iwak iku kalebu parafiletik: iki tegesé, saben kelas kang ngamot kabèh iwak bakal nyakup uga tetrapoda kang dudu iwak. Saka dhasar iki, panglompokan kaya Kelas Pisces, kaya déné ing mangsa kapungkur, ora layak dipigunakaké manèh.

Ing ngisor iki unit-unit kang nyaakup kabèh vertebrata kang biyasa karan iwak:

Uga delengen[besut | besut sumber]

Rujukan[besut | besut sumber]

  1. Sawetara spésies tuna bisa nglurèkaké suhu awaké, saéngga ora tansah bisa dianggep poikilotermik. Iwak yu putih raseksa (Great White Shark) amung iwak kang bener-bener endotermik (getih anyep).