Iwak Arwana

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Arwana Asia
Super red arowana
Status konsèrvasi
Klasifikasi èlmiah
krajan: Animalia
filum: Chordata
kelas: Actinopterygii
ordo: Osteoglossiformes
kulawarga: Osteoglossidae
Genus: Scleropages
Species: S. formosus
Additional species disputed (see text)
Jeneng binomial
Scleropages formosus
Müller and Schlegel, 1844

Iwak Arwana sing jeneng latinè (Scelopages Formosus) yaiku iwak kang uripè asli ana kali ing Pulo Kalimantan lan Papua.[1] Iwak iki misuwur kanthi jeneng iwak naga ''dragon fish'', barramundi, Saratoga, pla tapad, kelesa, siluk, kayangan, peyang, tangkeleso, lan aruwana utawa arowana.[1]. Iwak iki nduwèni wujud kang khas kang katon gagah, sithik angkuhè, dijangkepi dèning sungut lan sisik kang gedhè kang ndadèkakè dadi katon sangar lan nyengsemakè ati.[1].

Mula akeh sing ngarani dragon fish utawa iwak naga.[1] Panggonan uripè sing asli lan alami yaiku ana ing pinggir kali sing ana witè engkana, putat, rasau, lan entagis kang oyotè tekan ngisor njero banyu, batang lan godhong-godhongè ngrembaka.[1]. Ing Pulo Kalimantan ana Kabupatèn Kapuas Hulu, Kecamatan Slimbau, ing rawa lan dhasaranè lemah sing ana lumpurè.[1]. Ana Sumatera Selatan manggonè ing rawa kang dhasar lemahè gambut.[1].

Jenis iwak arwana ing Asia[sunting | sunting sumber]

  1. Arwana Ijo saka Viètnam, Thailand, lan Malaysia
  2. Arwana Emas saka Malaysia lan
  3. Buntut Abang saka Negara Indonèsia. Kalbar werna abang, Sumsel werna ijo putih.[1].

Saliyanè iku uga ana Arowana Banjar Rèd, Arowana Bin/Pino, Arowana Jardini (spèsiès asli saka Irian), lan Arowana Silver Brazil.[2]

Iwak hoki ana sing percaya iwak Arwana iki ndadèkake sapa sing duwè dadi beja, marakake sugih, kanthi nduwèni ciri kang khusus reganè bisa banget larangè ngati atusan yuta rupiyah.[1] Iwak arwana iki klebu iwak primitif akeh sing nemokakè fosile kang kurang luwih 10-60 kepungkur, lan wis èvolusi sepuluh yuta taun luwih.[3] Pangananè iwak arwana yaiku: iwak cilik, kodok urang-urang, coro, jangkrik, lan klabang.[3] Iwak iki klebu ing salah sijine kulawarganè Ostèoglasidaè (kulawarga iwak sing ilatè duwe balung), ing dhasarè cangkemè awujud balung kang kanggonè padha karo untu.[4] Salah sijine iwak arwana kang saiki meh langka yaiku jinis arwana asia (Scleropages formosus). Spesies iki nduwèni awak sing dawa, kanthi sirip duburè kang dawa adoh memburi awakè. [4] Arwana asia iki nduwèni werna kepèrak-pèrakan, lan nduwèni rega èkonomi kang dhuwur, ing kolèktor fèng shui gelem bayar larang.[4]

Umurè iwak arwana iki manut panggonan uripè.[2] Yèn ta ana ing akuarium, bisa urip nganti 25 taun, nanging yèn ta urip ana kolam bisa nganti 60-70 taun.[2]

Agus H. Tjakrawidjaja, yaiku wong sing neliti lan mbudidaya iwak arwana kanggo Program Ilmu Pengetahuan dan Teknologi di Daerah (Iptekda) nuturakè yèn ta kepèngin iwak arwana bisa dawa umure kanthi pasa.[5] "Ikan arwana kudu dipasakè, supaya bisa njaga stabilitas abot awakè sahingga bisa luwih dawa umurè.[5] Pakan iwan arwana sing paling apik yaiku kodhok sing sakdriji jenthikè wong dèwasa, utawa bisa uga iwak Mas, lan usus pitik.[5] Siji iwak indukan diwenehi rong kodhok sadinanè kaping pindho.[5] Aturanè sedina mangan, sedina pasa. Yen diwenehi mangan kang kerep iwakè bakal cepet lemu, ora payu kaadol.[5] Menawa lemu uga bisa nyiksa iwake amarga ana lemak kang mbunteti kanthong amabeganè bajur bisa marakakè iwak angel obahakè awakè.[5]

Iwak arwana
Super Red

Cathetan suku[sunting | sunting sumber]

  1. ^ a b c d e f g h i (id) Asti, Badiatul Muchlisin. 2008. Ragam fakta Unik, Menarik, dan Menakjubkan di Dunia Binatang (Lengkap, Praktis, dan dilengkapi Ilustrasi Menarik) Jogjakarta: Diva Press, kaca: 184-187
  2. ^ a b c (id) [1] (Kaundhuh tanggal:10 April 2011)
  3. ^ a b (id) [2] (Kaundhuh tanggal 8 April 2011)
  4. ^ a b c (id) [3] (Kaundhuh tanggal: 10 April 2011)
  5. ^ a b c d e f (id) [4] (Kaundhuh tanggal 21 April 2011)




Sumber artikel punika saking kaca situs web: "http://jv.wikipedia.org/w/index.php?title=Iwak_Arwana&oldid=829738"