Coelacanth

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Coelacanth
Latimeria chalumnae
Status konsèrvasi
Klasifikasi èlmiah
krajan: Animalia
filum: Chordata
kelas: Sarcopterygii
Subkelas: Actinistia
Infrakelas: Coelacanthimorpha
ordo: Coelacanthiformes
Berg, 1937

Coelacanth (ateges "eri ingkang berongga", saking tembung Yunani coelia, "κοιλιά" (berongga) lan acanthos, "άκανθος" (eri), adhedhasar eri siripipun ingkang kagungan rongga) [1] IPA: [ˈsiːləˌkænθ] menika nama ordo (bangsa) iwak ingkang kapérang dados satunggaling cabang évolusi paling tua ingkang tasih gesang saking ulam berahang. Coelacanth dipunkira-kira sampun punah awis saking masa Cretaceous 65 juta taun kepengker. Kagungan hubungan kaliyan lungfishes lan tetrapoda, Coelacanth menika ulam ingkang tasih urip paling tua ingkang saged urip 100 taun lan renang wonten ing kedalaman 90-100 meter . Dumugi satunggaling spèsimen dipunpanggihaken wonten ing wétan Afrika Selatan, ingperairan Kali Chalumna taun 1938. Awit saking menika Coelacanth dipunpanggihaken wonten ing Komoro, perairan pulo Manado Tua ing Sulawesi, Kenya, Tanzania, Mozambik, Madagaskar lan taman laut St. Lucia wonten ing Afrika Selatan. Ing Indonesia, mliginipun sekitar Manado, Sulawesi Utara, spesies menika déning masarakat lokal dipunwastani ikan raja laut [1]. Sakmenika Coelacanth kantun kalih spesies inggih menika Latimeria menadoensis (Indonesia Coelacanth) lan Latimeria chalummae (Comoro Coelacanth). Lajeng jinis sanèsipun wonten 120 spesies sampun punah kanthun fosil kemawon [2].

Morfologi[sunting | sunting sumber]

Coelacanth menika jinising ulam berparu-paru ingkang dipunpitadosi minangka nenek moyang tetrapoda inggih menika nenek moyang kéwan ingkang gesang wonten ing dharatan kalebet manungsa. Coelacanth kagungan habitat wonten ing segara ingkang jero, 700 meter ing sangandhaping permukaan segara. KAdang-kadang ulam menika ugi saged wonten ing kedalaman 150-200 meter kanthi suhu 12-18 derajat celcius ing sela-selaning goa watu-watuan lava[1].

Coelacanth kalebet prédator karnivora ingkang mangan ulam-ulam alit nalika wanci dalu. Coelacanth mapan sejajar kaliyan ulam ingkang anggènipun ambegan ngginakaken paru-paru lan amfibi primitif wonten ing kulawarga ulam bertulang. Endogipun Coelacanth netes wonten ing weteng, ananging boten kagolong mamalia segara[1].

Fosil urip[sunting | sunting sumber]

Sakmenika, wonten 2 spesies urip Coelacanth ingkang dipunpanggihaken, inggih menika Coelacanth Komoro, Latimera chalumnae, lan Coelacanth Sulawesi ( Manado ), Latimeria menadoensis.

Dumugi taun 1938, ulam ingkang kagungan kerabat kaliyan ulam paru-paru menika dipunanggep sampun punah saking pungkasan Zaman Cretaceous, kirang langkung 65 juta taun kepengker. Dumugi nalika satunggal Coelacanth ingkang tasih gesang katangkep déning jaring iwak hiu ing kuala Lèpèn Chalumna, Afrika Selatan ing wulan Desember taun kasebut. Kapten kapal pukat ingkang remen nalika mirsani ulam menika banjur ngirim dhateng muséum kutha wonten ing kutha East London, ingkang kapimpin déning Nn. Marjorie Courtney-Latimer. Satunggaling ahli ulam ing mriku, Dr. J.L.B Smith lajeng damel deskripsi ulam kasebut lan dipunterbitaken wonten ing jurnal Nature nalika taun 1939 kanthi nama Latimeria chalumnae.


Cathetan suku[sunting | sunting sumber]

  1. ^ a b c d [1], (id) http://www.iftfishing.com (dipun-akses tanggal 20 November 2012).
  2. ^ [2],Ikan Raja Laut - ikan purba (dipun-akses tanggal 20 November 2012).
Sumber artikel punika saking kaca situs web: "http://jv.wikipedia.org/w/index.php?title=Coelacanth&oldid=835226"