Masyarakat

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
(Dipunpindhah saking Masarakat)
Langsung menyang: pandhu arah, pados

Masarakat (basa Inggris: society) iku saklompok wong kang mangun sawijining sistém sèmi katutup (utawa sèmi kabukak), ing ngendi sabagéan gedhé interaksi yaiku antarané individu-individu kang ana ing klompok kasebut. Luwih abstraké, sawijining masarakat iku sawijining jaringan gegandhéngan-gegandhéngan antar entitas-entitas. Masarakat iku sawijining komunitas sing interdhépèndhen (silih genti gumantung siji lan sijiné). Umumé, istilah masarakat digunaaké kanggo ngacu saklompok wong sing urip bebarengan ing sawijining komunitas sing temata.

Miturut Syaikh Taqyuddin An-Nabhani, saklompok manungsa bisa ditelakaké minangka sawijining masarakat yèn nduwèni pamikiran, pangrasa, sarta sistém/angger-angger sing padha. Kanthi pepadhan-pepadhan kasebut, manungsa banjur silih genti interaksi karo pepadhané kanthi dhasar kamaslahatan.

Masarakat asring diorganisasiaké kanthi dhasar cara utamané ing panggawéané (basa Indonésia: mata pencaharian). Pakar èlmu sosial ngidhèntifikasi ana: masarakat pamburu, masarakat pastoral nomadis, masarakat nenandur, lan masarakat agrikultural inténsif, kang uga disebut masarakat paradhaban. Sabagéan pakar nganggep masarakat indhustri lan pasca-indhustri minangka klompok masarakat sing kapisah saka masarakat agrikultural tradhisional.

Masarakat bisa uga diorganisasiaké kanthi dhasar struktur pulitiké: adhedhasar urutan komplèksitas lan gedhéné, ana masarakat band, suku, chiefdom, lan masarakat negara.

Tembung society asal saka basa latin, societas, kang ateges gegandhéngan kekancan karo liyané. Societas didhunaké saka tembung socius kang ateges kanca, saéngga teges society gegandhéngan kenceng karo tembung sosial. Sacara implisit, tembung society ngandhut makna yèn saben anggotané nduwèni kawigatèn lan kapentingan sing padha kanggo nggayuh tujuan bebarengan.

Pirsanana uga[sunting | sunting sumber]


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Masyarakat&oldid=814165"