Tembung

Conto gambar kaca kamus utawa daftar tembung.

Tembung ing basa Indonesia diarani kata. Tembung iku swara lan campurané swara kang metu saka pocapan. Tembung uga nduwé teges gabungané aksara kang nduwé arti ing sawijining basa.

Jinis

Yèn dideleng saka babagan widya tembung (morfologi), tembung kapérang dadi rong jinis, yaiku :

• Tembung Lingga (Basa Indonesia: Kata dasar)
• Tembung Andhahan (Basa Indonesia: Kata jadian)

Aktif/pasif

Miturut aktif utawa orané tembung Jawa kapérang dadi loro, yaiku :

• Tembung tanggap (Basa Indonesia: kata pasif)
• Tembung tanduk (Basa Indonesia: kata aktif)

Miturut wewangunan tembung

Yèn disawang miturut wewangunané, Basa Jawa kuwi ana maneka warna tembung, antawisé yaiku:

• Tembung Garba
• Tembung Saroja
• Tembung Èntar
• Tembung Camboran
• Tembung Rangkep
• Tembung Rurabasa

Golongan

Miturut golongané tembung ana 10 werna , yaiku:

Miturut kelas tembung:

• Tembung kriya (Basa Indonésia: kata kerja utawa verba), tuladha: maca, nulis, mangan, nyapu
• Tembung aran (Basa Indonésia: kata benda utawa nomina), tuladha: méja, lemari, buku.
  • Tembung sesulih (Basa Indonésia: kata ganti utawa pronomina), tuladha: aku, kula, kowé, panjenengan, iki, iku
  • Tembung wilangan (Basa Indonésia: kata bilangan utawa numeralia), tuladha: setengah, papat, enem
• Tembung sipat/kaanan (Basa Indonésia: kata sifat utawa adjektiva), tuladha: seneng, susah, apik, putih
• Tembung katrangan (Basa Indonésia: kata keterangan utawa adverbia), tuladha: kulon, wétan, tengah, ngisor

Tembung tugas

• Tembung pangarep (Basa Indonésia: kata depan utawa preposisi), tuladha: ing, sing, saka, menyang
• Tembung panyambung (Basa Indonésia: kata sambung utawa konjungsi), tuladha: lan, sarta, wusana, mulané
• Tembung panguwuh (Basa Indonésia: kata seru utawa interjeksi), tuladha: ah. èh, adhuh, wah
• Tembung sandhangan (Basa Indonésia: kata sandang utawa artikel), tuladha: Sang, Raden, Hyang, Kyai
• Tembung partikel (Basa Indonésia: partikel), tuladha: -kah, -lah, -pun dan -tah

Delengen uga

• Aksara
• Wanda
• Ukara

Pranala jaba

• Situs Ki Demang