Iwak mujaèr

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Iwak Mujaèr
Klasifikasi èlmiah
krajan: Animalia
filum: Chordata
kelas: Actinopterygii
ordo: Perciformes
kulawarga: Cichlidae
Genus: Oreochromis
Species: O. mossambicus
Jeneng binomial
Oreochromis mossambicus
(W. Peters), 1852

Iwak mujaèr kalebu jinis iwak kang urip ing banyu kang tawa. Iwak iki uga diarani tilapia Mozambik utawa Oreochromis mossambicus. Iwak mujaèr asliné asalé saka Afrika sisih kidul lan iwak iki kalebu iwak tilapiine cichlid. Iwak mujaèr populèr diingu kanggo aquakultur lan saiki bisa ditemokaké saindhenging donya ing dhaérah tropis lan subtropis. Iwak iki akèh dadi spesies invasif. Ing Afrika Kidul iwak iki diarani Blue Kurper[1] Iwak iki urip kanthi alami ing perairan Afrika lan ing Indonésia.[2][2]

Iwak iki asring dikonsumsi déning masarakat. Iwak mujaèr biyasané diolah kanthi digawe masakan.[2] Iwak mujaèr dimasak kanthi cara digoréng, digodhog, lan diwénéhi bumbu-bumbu kang khas saben dhaérah.[2]

Iwak mujaèr ing Tanah Jawa[sunting | sunting sumber]

Iwak mujaèr kang sepisanan ditemokaké karo Pak Mujair ing muara Kali Serang panté selatan Blitar, Jawa Timur nalika taun 1939.[2] Sanajan isih dadi misteri kepriyé carané iwak iku bisa tekan muara cilik ing selatan Blitar.[2] Iwak kang ditemokaké Pak Mujair banjur diarani Mujaèr kanggo ngenang jeneng wong kang nemokak iwak mujaer.[2] Jeneng ilmiahé yaiku Oreochromis mossambicus, ing bahasa Inggris dikenal kanthi jeneng Mozambique tilapia,utawa kadhang-kadhang diarani Java tilapia.[2]

Dhèskripsi[sunting | sunting sumber]

Iwak mujaèr ukurané ora gedhé ya ora cilik. Iwak iki paling dawa ukurané 40 cm.[3] Bentuk awaké trépés lan wernané ireng rada abu-abu, utawa coklat rada kuning. [3] Sirip ing gegeré (dorsal) nduweni kurang luwih 15-17 eri kang landhep lan 10-13 jari-jari yaiku eri kang pucuké empuk; lan sirip dubur (anal) kang duwéni eri cacahé 3 lan 9-12 jari-jari.[3] Iwak mujaèr nduwéni toléransi tumprap kadar uyah utawa salinitas, saéngga iwak mujaèr bisa urip ing banyu payau.[3] Jinis iwak iki bisa thukul kanthi cepet, ananging sawie diwasa kabisan kanggo tambah gedhé bakal saya kurang.[3] Iwak mujaèr bisa ngendhog nalika umuré kurang luwih 3 sasi, lan sawisé iku bisa manak saben 1½ sasi.[3]


Cathetan sikil[sunting | sunting sumber]

  1. ^ Big Bass
  2. ^ a b c d e f g h (id)[Soeseno, S. 1984. Perkenalkan: Ikan (Pak) Mujair. dalam Dari Kutu sampai ke Gajah. PT Gramedia, Jakarta.]
  3. ^ a b c d e f (en)[ Kottelat, M.; A.J. Whitten; S.N. Kartikasari & S. Wirjoatmodjo. 1993. Freshwater Fishes of Western Indonesia and Sulawesi. Periplus Edition (HK).]

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Iwak_mujaèr&oldid=861908"