Iwak kutuk

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Iwak kutuk (gabus)
Iwak kutuk, Channa striata
Klasifikasi èlmiah
krajan: Animalial
filum: Chordata
kelas: Actinopterygii
ordo: Perciformes
kulawarga: Channidae
Genus: Channa
Species: C. striata
Jeneng binomial
Channa striata
(Bloch, 1793)

Iwak kutuk utawa gabus iku sajinis iwak galak sing urip ing banyu tawa. Iwak iki dikenal kanthi jeneng manéka warna ing saben panggonan: aruan, haruan (Mly.,Bjn), kocolan (Btw.), bogo (Su.), bayong, bogo, licingan (Bms.), kutuk (Jw.), lan sapanunggalané. Jroning basa Inggris uga diarani kanthi warna-warna jeneng antara liya common snakehead, snakehead murrel, chevron snakehead, striped snakehead lan uga aruan. Jeneng ilmiahé yaiku Channa striata (Bloch, 1793).

Iwak kutuk iku jinisé iwak kang urip ing banyu kang tawa.[1] Iwak iki nduwèni dasanama kayata: aruan, haruan (Mly.,Bjn), kocolan (Btw.), bogo (Sd.), bayong, bogo, licingan (Bms.), kutuk (Jw.).[1] Ing basa Inggris iwak gabus diarani common snakehead, snakehead murrel, chevron snakehead, striped snakehead lan aruan.[1] Iwak gabus nduwèni jeneng èlmiah Channa striata.[1]

Iwak kutuk kalebu iwak dharat kang ukurané lumayan gedhé.[1] Iwak kutuk bisa urip nganti ukurané 1 meter. Iwak gabus nduwèni ndhas kang ukurané gedhé lan rada gèpèng mèmper kaya ndhas ula, mulané iwak gabus diarani snakehead.[1] Iwak kutuk nduwèni sisik-sisik kang ukurané gedhé ing dhuwur ndhasé.[1] Iwak kutuk awaké gilig dawa kaya pluru. Sirip ing gegeré dawa lan sirip ing buntuté bunder ing pucuké.[1]

Bagéyan ndhuwur iwak kutuk saka ndhas nganti buntut wernané peteng, wernané ireng rada soklat utawa ijo.[2] Ing bagéyan ngisor awaké iwak gabus rupané putih.[2] Werna putih iki katon wiwit ing janggut memburi.[2] Bagéyan kiwa tengené ana corat-corèt kandel utawa striata kang rada burem.[2] Werna iki biyasané padha karo habitat ing sekitaré.[2] Iwak gabus nduwèni cangkem gedhé kanthi untu kang gedhé-gedhé lan landhep.[2]

Iwak kutuk nduwèni habitat ing Pakistan bagéyan wétan, Nepal bagéyan kidul.[2] Saliyané iku iwak kutuk uga urip ing India, Bangladesh, Sri Lanka, Tiongkok bagéyan kidul.[2] Iwak kutuk uga urip ing Asia Kidul-wétan kalebu Indonésia bagéyan kulon.[2] Ing Indonésia spesies gabus kang urip yaiku spesies Channa.[2] Iwak kutuk iki biyasané nyebar ing sisih kulon Garis Wallace.[2] Ananging saiki iwak gabus uga urip ing bagéyan wétan Indonésia. [2]

Salah siji iwak kang paling cerak karo iwak gabus yaiku iwak toman utawa Channa micropeltes.[2] Iwak iki dawané awak bisa luwih saka 1 meter lan aboté luwih saka 5 kg.[2]

Kagunan albumin iwak kutuk[sunting | sunting sumber]

Wis kinawruhan yèn iwak iki sugih banget kandhutan albumin, salah siji jinis protèin wigati. Albumin diperlokaké awak manungsa saben dina, utamané jroning prosès mariné tatu.

Bisa kanggo tamba lara jantung lan diabétes[sunting | sunting sumber]

Ing pasar-pasar Kabupaten Blora sing diliwati kali musi, akeh ditemoni para pedagang kang dodol iwak kutuk. Sanajan iwak kutuk rada jarang (langka) kadang-kadang wong sing pengaweane mancing lan nyaring akeh entuk iwak kutuk lan di dol ning pasar. Ciri-ciri iwak kutuk : awake rada dawa, bageyan gegere mlenthu kandhi warna ijo semu ireng, dene wetenge rata kanthi werna putih utawa krem, endhase rada gepeng lan meh memper kaya ula. Senajan daging iwak kutuk rasane gurih tur gempol, nanging akeh wong ora doyan jalaran wujude kang memper karo ula. Sejatine iwak kutuk mono wujudake golongan iwak tawar urip ing rawa-rawa, kali, awah, lan kalenan kang banyune miline ora sepiro banter, banyu kanthi kadhar uyah (garam) endhek lan malah uga banyu kang reged kanthi kadhar oksigen sethitik lan sifate karnivora, pakanane umume ya kuwi cacing, kodhok, anak-anak iwak lan urang.Satemene iwak kutuk mujudake kewan asli Indonesia, akeh tinemu perairan Jawa,Sumatra, Kalimantan, Sulawesi, Bali, Lombok, Flores lan Ambon. Iwak kutuk ing pasar akeh-akehe kiriman saka Kalimantan.Saliyane kaya umume iwak kutuk kanggo lawuh, prayata iwak kutuk nduweni khasiat kang banget migunani munggah kasarasaning manungsa. Iwak kutuk ngandhut protein albumin kang dhuwur banget.dene protein albumin kasebut banget mbiyantu marang proses marasake tatu, mligine amarga operasi utawa pembedahan.Ing padesaan kulina menehake lawuh iwak kutuk marang bocah-bocah kang mentes disunat ing pangkah supaya enggal waras, senajan mbok menawa para sedulur mau ora ngerti alasane sacara medhis.Nanging prayata pancen tatu mau luwih cepet garing lan cepet waras.Manfaate protein albumin munggah kasarasaning manungsa :

Iwak Kutuk,saka Kali Lusi Kabupaten Blora
  • a. Jantung

Ngandut zat allisan kang migunani kanggp ngedhunake kadar lemak darah saengga ngurangi resiko stroke, serangan jantung, penyempitan pembuluh darah ln uga nguwatake otot-otot jantung.

  • b. Kangker

Ngandhut zat aktif allyil sulfide kang bisa ngalangi muncule hormon pemicu tuwuhe sel kanker.

  • c. Liver

Ndandani jaringan organ ati, nagandhut asam amono lan vitamin kang piguna kanggo organ ati, ngontrol nglumpuke lemak lan regenerasi sel ati sarta kandung empedu.

  • d. Asma

Ndandani sel-sel saluran pernafasan

  • e. Lupus

Ndandani otot, otak, sistem syaraf pusat lan sistem kekebalan awak.

  • f. Tatu lan tatu kobong

Ngandut cytine, kang banget piguna kanggo mulihake tatu sawise operasi / pembedahan, tatu kobong lan ganguan kulit.

  • g Diabetes mellitus

Mniyantu ndandani jaringan sel pankreas kang rusak saengga organ pankreas bisa ngasilake hormon insulin kanthi normal lan mbiyantu kadar gula supaya tetep stabil tumrape sing nandang lara hipoglikemi.

Endhas iwak kutuk

Rujukan[sunting | sunting sumber]

Pranala jaba[sunting | sunting sumber]

Cathetan suku[sunting | sunting sumber]

  1. ^ a b c d e f g h (en)Channa striata fishbase.org(diundhuh tanggal 12 Juni 2011)
  2. ^ a b c d e f g h i j k l m n (en)Channa striatafisc.er.usgs.gov(diundhuh tanggal 12 Juni 2011)
Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Iwak_kutuk&oldid=828968"