Ula

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

Ula Rentang fosil: Cretaceous - Saiki
Klasifikasi èlmiah
Karajan: Animalia Filum: Chordata Subfilum: Vertebrata Kelas: Sauropsida Subkelas: Diapsida Infrakelas: Lepidosauromorpha Superordo: Lepidosauria Ordo: Squamata Subordo: Serpentes Linnaeus, 1758
Infraordo lan Familia
Alethinophidia - Nopcsa, 1923 Acrochordidae- Bonaparte, 1831 Aniliidae - Stejneger, 1907 Anomochilidae - Cundall, Wallach & Rossman, 1993 Atractaspididae - Günther, 1858 Boidae - Gray, 1825 Bolyeriidae - Hoffstetter, 1946 Colubridae - Oppel, 1811 Cylindrophiidae - Fitzinger, 1843 Elapidae - F. Boie, 1827 Loxocemidae - Cope, 1861 Pythonidae - Fitzinger, 1826 Tropidophiidae - Brongersma, 1951 Uropeltidae - Müller, 1832 Viperidae - Oppel, 1811 Xenopeltidae - Bonaparte, 1845 Scolecophidia - Cope, 1864 Anomalepididae - Taylor, 1939 Leptotyphlopidae - Stejneger, 1892 Typhlopidae - Merrem, 1820

Ula utawa sawer ing basa krama, kalebu bangsaning kéwan melata utawa reptil. Saliyané iku, uga kalebu cacahing ordo squamata lan sapaduluran karo Kadal. Ula iki kagolong kéwan sing adhem getihé dadi kudu akèh mépé ing cahyaning srengéngé kanggo manaské awak, ora ana cèkèré lan awaké dawa banget.

Kabèh ula mangan daging utawa diarani karnivora, milai saka kéwan cilik-cilik kaya kadhal, tikus, endhog, nganti kéwan sing gedhé kaya kidang, babi lan baya. Ula ana sing matèni pakané nganggo upas, dadi sadurungé ngeleg korbané, dhèwèké nyakot dhisik nganggo siungé sing nduwèni upas, banjur yèn kéwan kurbané mati ula isa mangan korbané ing cara sing adhem ayem. Saliyané iku ana ula sing matèni korbané nganggo uletané sing reket, biasané dhèwèké ngguleti korbané banjur dicengkrem nganti kentèkan ambegan lan samubaré mati, banjur dilebokaké langsung ing awaké.

Ula ora bisa nyacah panganané, nanging dileg langsung lan sabubaré mangan, ula bisa pasa ora mangan apa-apa, milai saka setengah wulan, nganti isa wulan-wulanan. Ula uga nduwé cangkem sing amba, ula isa mangap nganti 180 derajat, dadi isa mangan korban sing luwih gedhé ketimbang awaké. Saliyané iku, kanggo ngawasi saindhengé, ula nganggo ilaté kanggo ngrasakaké kahanan utawa korban, lan infra abang kanggo ndeleng ana manungsa, kéwan utawa kahanan sing mbebayani, tur ula iku tuna rungu, ora bisa ngrungokaké swara-swara.

Jenising ula upas, yaiku :

• Ula kobra
• Ula mamba
• Ula weling
• Ula derik
• Ula macan

Lan jenising ula gedhé yaiku :

• Ula sanca
• Ula boa
• Ula anakonda

Jenising ula liyané, yaiku:

• Ula sawa
• Ula ijo

Ula sing paling dhawa ing donya, yaiku sing jenisé Anakonda. Uripé ana ing tlatah Amérika lan dawané bisa nganti 11 meter.

[sunting] Pranala njaba

• Integrated Taxonomic Information System (USDA)
• US Snakes on eNature
• Snakes of the Indian Subcontinent
• European Snakes -- Large DB and Pictures about snakes
• Venomous Snakes Information Community
• Snake Cell -- An organization for wellbeing of snakes (INDIA)
• Snake World - Several Types of Snakes
• What's That Snake? Snake Identification Tool (OPLIN)
• Worlds Top 10 Most Poisonous Snakes - Toxic Ranking
• Swedish Museum of Natural History Herpetology Database