Endhog

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Endhog pitik lan endhog puyuh

Endhog iku zigot sing diasilaké liwat fertilisasi sèl endhog saka manuk lan reptilia lan fungsiné miara lan njaga embrio. [1]Endhog-endhog reptilia lan manuk dislimuti kulit (cangkang), sing nduwèni pori-pori kanggo napas.[1]

Sakbeneré mèh kabèh jinis endhog bisa dipangan, nanging mung sawetara jinis endhog waé sing biasa dipangan minangka lawuh utawa obat.[1] Endhog sing biasa dikonsumsi antara liya endhog saka unggas kaya pitik, bèbèk, banyak lan sawetara jinis manuk kaya manuk unta lan manuk puyuh.[1] Minangka bahan panganan endhog nduwèni kandhungan gizi sing cukup pepak, antarane karbohidrat, protein lan wolung werna asam amino saéngga migunani tumraping awak manungsa, utamané kanggo bocah cilik sing isih ana ing mangsa pertumbuhan.[1]

Endhog dadi salah sawijining sumber protein héwani kang rasané énak, gampang dicerna, lan giziné akéh. [2]Endhog uga gampang ditemokaké lan regané murah. [2]Endhog bisa kagunakaké dadi lawuh, bahan campuran panganan, glepung endhog, lan obat. [2]Endhog kang bisa digunakaké kanggo obat yaiku endhog pitik kampung.[2] Endhog ngandhut protein 13 %, lemak 12 %, vitamin, lan mineral.[2] Gizi endhog kang paling akéh ana ing endhog kang rupané kuning.[2] Endhog kang rupané kuning ngandhut asam amino esensial kang dibutuhaké awak lan mineral kayata besi, fosfor, kalsium,lan vitamin B kompléks. [2]50 persen protein lan kabéh lemak ing endhog ana ing endhog kang rupané kuning.[2] Endhog kang rupané putih kang cacahé kurang luwih 60 persén saka endhog ngandhut 5 jinis protéin lan karbohidrat. [2]Nanging endhog nduwéni sipat gampang rusak, embuh amarga karusakan alami, kimiawi lan karusakan kang disebabaké mikroorganisme kang mlebu ing pori-pori endhog.[2] Mulané usaha kanggo ngawétaké endhog penting banget kanggo njaga kualitas endhog.[2]

Endhog luwih apik digodhog setengah mateng tinimbang digodhog nganti mateng.[2] Endhog kang digoréng nganti garing uga kurang apik, awit protéin endhog ngalami denaturasi utawa rusak, tegesé protéin ing endhog rusak.[2] Jinisé endhog yaiku endhog pitik kampung utawa ras, endhog bébék, endhog puyuh.[2]

Netes[sunting | sunting sumber]

Biyasané endhog bisa netes kanthi alami yèn diangkremi.[1] Nanging endhog uga bisa diteteské kanthi gawéyan.[1] Tuladhané nganggo mesin tetes.[1] Tingkat daya tetas mesin tetas pancén ora kaya yèn diangkremi babon.[1] Yèn diangkremi baboné, endhog bisa netes kurang luwih 90 nganti 100 persén, nanging yén nganggo mesin tetes kurang luwih 75 persén nganti 90 persén. [1]Ananging uga ana faktor-faktor liyané kang gawé cepet orané endhog netes.[1]

Endhog Puyuh[sunting | sunting sumber]

Endhog puyuh nduwéni gizi kang apik kanggo janin lan lansia. Puyuh kalebu manuk kang ora bisa mabur dhuwur. [3]Ukuran awaké cilik, sikilé cendhék, lan bisa ditarungké.[3] Manuk puyuh ngasilaké endhog kang ukurané cilik lan wernané trotol-trotol biru, putih ireng. [3]Endhog puyuh umumé disenengi bocah cilik amarga bentuké lucu lan wernané unik.[3]

Biyasané endhog puyuh dimasak kanthi digodhog utawa kanggo campuran sayuran kayata hotplate kangkung, kimlo, dan sup,sambel kentang, utawa kanggo isi bakso, tahu lan siomay.[3]

Giziné endhog puyuh uga ora kalah yèn dibandingaké karo endhog bébék utawa endhog pitik. [3]Endhog puyuh iku sumber protein kang paling apik.[3] Saben 100 gram endhog puyuh ngandhut 13,05 gram protein.[3] Ing ngisor iki bedané kandhungan protéin, lemak, karbohidrat, lan abu (kanthi itungan %) endhog puyuh yèn dibandhingaké karo endhog unggas liyané.[3]

  • Ayam ras : 12,7; 11,3; 0,9; 1,0
  • Ayam buras: 13,4; 10,3; 0,9; 1,0
  • Bébék: 13,3; 14,5; 0,7; 1,1
  • Banyak: 13,9; 13,3; 1,5; 1,1
  • Merpati: 13,8; 12,0; 0,8; 0,9
  • Kalkun: 13,1; 11,8; 1,7; 0,8
  • Puyuh: 13,1; 11,1; 1,0; 1,1

sumber: http://id.answers.yahoo.com/question/index?qid=20071001002921AADVbE8

Kang dadi kaunggulan protéin endhog puyuh yén kabandhingaké karo protéin héwani liyané yaiku protéin saka endhog puyuh gampang dicerna. [3]Saben gram protéin bisa dicerna awak kanthi sampurna.[3]

Endhog lehoren

Saliyané protéin, lemak, vitamin, lan mineral, endhog puyuh uga ngandhut kolin.[3] Kolin nduwéni manfaat kang wigati kanggo awak, khususé kanggo ngrembakane fungsi otak.[3] Kolin nduwéni fungsi dadi komponén asétikolin kang bisa dadi pengantar sinyal saraf. [3]Kolin kang cukup bisa mbiyantu kerja saraf ing otak, saéngga bisa nambah daya ingat ing bocah-bocah lan ngindhari pikun ing lansia.[3]

Zat lutein lan zeaksantin ing endhog puyuh bisa mbiyantu nglindungi mripat utamané ing bayi lan bocah.[3]

Endhog bébék[sunting | sunting sumber]

Endhog bébék yaiku endhog kang diasilaké bébék.[4] Endhog bébék coklat rupané biru enom utawa biru laut, déné endhog bébék ngos rupané putih.[4] Endhog bébék ukurané luwih gedhé tinimbang endhog pitik.[4] Endhog bébék biyasané digawé endhog asin utawa martabak endhog.[4] Cangkang endhog bébék luwih tipis tinimbang endhog liyané.[4] Cangkang kang tipis iki nyebabaké baktéri gampang mlebu ing endhog. Tuladhané baktéri salmonela.[4] Racun saka baktéri Salmonela iki mbebayani tumprap kaséhatan. [4] Khususé tumprap wong kang nduwéni kekebalan awak kang rendah kayata lansia lan bayi.[4] Baktéri iki bisa nyebabaké demam, kejang weteng, lan diare. [4]

Endhog asin[sunting | sunting sumber]

Endhog asin yaiku endhog bébék kang diasinké kanthi dilapisi bata abang karo uyah kanthi perbandingan kang pas.[2]

Endhog asin yaiku endhog wutuh kang diawetké nganggo uyah.[2] Ana telung cara kanggo nggawé endhog asin.[2]

  • Endhog asin kang diblebet nganggo adonan uyah kang bentuké padat utawa garing.[2]
  • Endhog asin kang diblebet nganggo adonan uyah kang ditambah ékstrak godhong tèh.[2]
  • Godhong asin kang diblebet nganggo adonan uyah lan bata abang kang dialusaké.[2]

Asil Olahan[sunting | sunting sumber]

Martabak endhog[sunting | sunting sumber]

Martabak endhog yaiku jajanan kang digawé saka lembaran-lembaran martabak kang digawé saka kulit lumpya.[5] Banjur diisi karo onclang, daging, kang dicampur endhog.[5] Biyasané endhog kang digawé martabak yaiku endhog bébék.[5] Isiné martabak uga bisa divariasi manut kasenengané kang nggawé martabak.[5] Adonan isi kang isiné daging, onclang lan endhog mau diisiké ing lembaran lumpya kang gedhé banjur dibentuk persegi papat.[5] Adonan lan kulit lumpia banjur dilém karo endhog bagéyan putih kang isih mentah.[5] Martabak endhog uga diarani martabak asin.[5]

Endhogmata sapi[sunting | sunting sumber]

Endhog mata sapi yaiku endhog goréng kang kuningé pas ning tengah.[6] Carané nggawé yaiku endhog kang putih digoréng dhisik, sawisé rada setengah mateng, endhog kang rupané kuning banjur digoréng.[6] Kanthi cara iku bakal éntuk endhog goréng kang kuningé pas ning tengah.[6]

Opor Endhog[sunting | sunting sumber]

Sego goreng endhog[sunting | sunting sumber]

Endhog godhog[sunting | sunting sumber]

Omelet[sunting | sunting sumber]

Galeri[sunting | sunting sumber]


Delengen uga[sunting | sunting sumber]


Cathetan suku[sunting | sunting sumber]

  1. ^ a b c d e f g h i j k (id)http://galeriukm.web.id/(dipunundhuh tanggal 6 Mei 2011)
  2. ^ a b c d e f g h i j k l m n o p q r s t (id)http://www.warintek.ristek.go.id/{dipunundhuh tanggal 8 Mei 2011)
  3. ^ a b c d e f g h i j k l m n o p (id)http://pinginsehat.info/(dipunundhuh tanggal 6 Mei 2011)
  4. ^ a b c d e f g h i (id)http://kesehatan.liputan6.com/(dipunundhuh tanggal 8 Mei 2011)
  5. ^ a b c d e f g (id)http://forumnova.tabloidnova.com/(dipunundhuh tanggal 8 Mei 2011)
  6. ^ a b c (id)http://www.tabloidnova.com/(dipunundhuh tanggal 8 Mei 2011)
Sumber artikel punika saking kaca situs web: "http://jv.wikipedia.org/w/index.php?title=Endhog&oldid=821346"