Sambel
 Sambel |
|
| Informasi | |
|---|---|
| Asal | Indonésia Malaysia Thailand |
| Dhaérah | Jawa Nusantara Asia Kidul Asia Wétan |
| Penyajian lan bahan | |
| Bahan | lombok |
Sambel iku sawijining saus sing biasané digawé saka lombok. Bisa saka lombok abang utawa lombok ijo. Sambel rasané pedhes lan fungsiné kanggo nambah rasaning sawijining panganan. Sambel iku populèr digunakaké ing pawon Asia Kidul-Wétan, utamané ing Indonésia, Malaysia, Singapura lan uga Cina. Saiki sambel uga disenengi ing Walanda.
Bab lan Paragraf |
[sunting] Sambel penyèt
Sambel penyèt kalebu masakan kang cukup misuwur ing Indonésia.[1] Contoné yaiku ayam penyèt, tempé penyèt, endhog penyèt.[1] Sambel penyèt iki biyasané kanggo sambel iwak utawa lawuh lan ana lalapané.[1] Lalapan iki arupa kol, timun, kemangi, taogé utawa cambah lan sayuran kang kena kanggo lalapan liyané.[1] Sambel penyèt saiki uga ora mung didol ing warung-warung makan ing pinggir dalan, ananging wis akéh restoran kang nyediaké menu penyètan.[1] Sambel penyèt iki paling misuwur ing tlatah Jawa Timur utamane ing Lamongan.[1] Saliyané penyèt tempé lan iwak uga ana unggas penyèt.[1] Tuladhané yaiku pitik, bèbèk, lan manuk puyuh penyèt. [1]Ing Lamongan sambel penyèt dikenal kanthi jeneng penyèt Lamongan.[1]
[sunting] Sambel Bali
Sambel Bali yaiku sambel kang asalé khas saka Bali.[2] Sambel Bali biyasané dipangan karo sega lan masakan khas Bali liyané.[2] Sambel Bali uga ana kang ngarani sambal matah.[2] Sambel Bali biyasané dianggo bumbu pitik kang isih wutuh utawa pitik kang wis disuwiri cilik-cilik.[2] Sambel Bali digawé saka lombok lan bumbu pawon liyané.[2]
- 3 siung bawang putih, diiris
- 4 siung brambang, diiris
- trasi sacukupé
- minyak sayur, 2 sendok
- 2 godhong lemon, diiris
- jeruk lemon kang diperes, 1 sendok
- uyah, setengah sendok
[sunting] Sambel Asam
Sambel asam yaiku sambel kang diwénéhi blimbing keris utawa blimbing sayur.[3] Sambel asem biyasané kanggo masak iwak utawa ayam.[3] Yèn nduwé penyakit maag luwih becik ora mangan sambel asam, awit rasané kang kecut ora apik kanggo asam lambung.[3]
[sunting] Sambel Rujak
Sambel rujak yaiku sambel kang biyasané kanggo mangan rujak.[4] Sambel rujak uga diarani bumbu rujak.[4] Kang mbedakaké sambel rujak karo sambel liyané yaiku sambel rujak nggunakaké gula abang kanggo campuran sambel.[4] Gula abang iki kanggo ngurangi pedes sambel. [4]
[sunting] Masakan
Sambel uga kena dikombinasekaké ing masakan.[5] Tuladhané bukur utawa kerang, tempé, daging.[5] Saliyané iku sayuran uga kena dimasak nganggo sambel utawa mung kanggo lalapan mentah kang dipangan nganggo sambel.[5]
[sunting] Chatetan suku
- ↑ a b c d e f g h i (en)tasty-indonesian-food.com(dipunundhuh tanggal 21 Mei 2011)
- ↑ a b c d e (en)bali-indonesia-tourism.com(dipunundhuh tanggal 21 Mei 2011)
- ↑ a b c (id)femina.co.id(dipunundhuh tanggal 21 Mei 2011)
- ↑ a b c d (id)kaskus.us(dipunundhuh tanggal 21 Mei 2011)
- ↑ a b c (id)tabloidbintang.com(dipunundhuh tanggal 21 Mei 2011)
|
|||||||||||||||||||||||||||||||||||||||||||||||
