Kenthang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kenthang
Klasifikasi èlmiah
krajan: Plantae
divisio: Magnoliophyta
kelas: Magnoliopsida
Subkelas: Asteridae
ordo: Solanales
kulawarga: Solanaceae
Genus: Solanum
Species: S. tuberosum
Jeneng binomial
Solanum tuberosum
L.

Kenthang (Solanum tuberosum L.) kuwi tanduran saka suku Solanaceae kang nduwèni umbi batang kang bisa dipangan lan uga diarani "kenthang".[1] Umbi kentang saiki wis dadi salah sawijining panganan pokok wigati ing Eropah senajan wiwitané ditekakaké saka Amérika Kidul. [1]

Penjelajah Spanyol lan Portugis pisanané nggawa menyang Eropa lan mbudidayakaké tanduran iki ing abad XVI.[1] Ora suwé, menu anyar iki sumebar ing saindhenging Eropah. Jroning sajarah migrasi wong Eropa menyang Amérika, tanduran iki tau dadi pemicu utama perpindhahan bangsa Irlandia menyang Amérika ing abad ka-19, rikala kadadéyan wabah penyakit umbi ing dharatan Irlandia kang diakibataké déning sajinis jamur kang diarani ergot.[1]

Wektu mlebu Indonesia, wiwitané dianggep panganané wong Walanda.[1] Nanging mbaka sethithik sabanjuré wong pribumi uga mèlu mangan kenthang. Kabuktèn panganan sing digawé saka kenthang bisa ditampa déning masyarakat lan dadi lawuh kaluwarga Indonésia.[1] Contoné sambel gorèng kenthang, perkedel, kroket, kering kenthang, lan sapanunggalé. [1]

Biologi[sunting | sunting sumber]

Tanduran kenthang kuwi salah sijiné tanduran budidaya tetraploid (2n = 4x = 40). Asalé saka Amérika Kidul lan wis dibudidayakaké déning pedunung ing kana wiwit éwon taun kapungkur. Tanduran iki minangka herba (tanduran cendhèk ora duwé kayu), samusim lan seneng marang hawa adhem. Ing daerah tropis cocok ditanhur ing dhataran dhuwur. [1]

Kembang kentang

.

Kembang sampurna lan kasusun majemuk. Ukuran cukup gedhé, diameter udakara 3cm.[1] Warnané saka ungu nganti putih. [1]

Kenthang nggawé tuber ing jero lemah lan dadi sarana anakan sacara vegetatif. [1]Jroning budidaya kenthang, panangkaran bibit migunakaké cara iki, saéngga karagaman kenthang ing tegalan sithik banget lan andadèkaké rentan saka gangguan ama utawa panyakit.[1]

Gizi[sunting | sunting sumber]

Kenthang bisa nawaraké racun. Penawar racun alami kanggo asam kang asidosis..[1] Kenthang uga penting kanggo mbiyantu thukule baktéri ing awak. Kenthang ngandhut garam alkali kang ndadékaké kenthang dadi panganan kang kalebu basa paling kuwat. .[1]Awit iku,kenthang migunani banget kanggo njaga cadhangan alkali ing awak..[1]

Kenthang nduwéni akéh gizi..[1] kayata potassium, vitamin C, vitamin B1, B2 lan B3..[1] Saliyané iku, kenthang uga ngandhut protein lan zat besi..[1]

Kenthang ngandhut potasium kang akéhé ping pindhoné potassium kang ana ing gedhang. Kenthang pas yèn dipangan wong kang nduwé penyakit diabétes. .[1]Kenthang uga dadi sumber paling apik kanggo zat besi ing getih..[1] Manfaat liyané, kenthang bisa njaga ketahanan awak, awit kenthang ngandhut vitamin lan kalsium kang dhuwur..[1]

Khasiat[sunting | sunting sumber]

Miturut panalitén, jus kentang mentah bisa ngurangi penyakit kang nyerang sendi-sendi utawa kang diarani arthritir, radang otot utawa rematik.[2] Lara kang disebabaké salah urat utawa ketliyer, lara amarga kebakar,bisa ditambani kanthi némpélaké irisan kentang ing panggonan kang lara, kurang luwih 15 menit.[2] Kenthang uga ngurangi rasa lara, lan baktéri. [2]Saos kenthang biyasane kanggo saos salad kang bisa ngurangi rasa lara.[2] Parutan kentang kang ditémplékaké ing kelopak mripat bisa ngilangaké noda ireng ing mripat utawa kang diarani dark circles lan yèn dicampur karo krim bisa ngurangi kerutan.[2]

Kenthang uga bisa mutihaké lan ngalusaké tangan.[2] Kenthang bisa dadi menu alternatif kanggo diét, amarga kenthang ngandhut karbohidrat kanggo ngganti sega.[2] Vitamin C ing kenthang uga bisa ngobati kutil, carane oléské irisan kenthang mentah ing kutil.[2] Kenthang ngandhut atropine kang bisa ngurangi asam lambung lang bisa kanggo tamba maag.[2] Zat lysine uga bisa mbantu pertumbuhan awak lan otak.[2] Kenthang uga bisa kanggo tamba mripat kang kesel, ngilangaké aboh ing mripat.[2]

Kenthang uga ampuh kanggo ncegah hipertensi.[2]

Asil olahan[sunting | sunting sumber]

Kenthang ing pasaran[sunting | sunting sumber]

Werna-werna kenthang ing pasar.

Ing pasar, kenthang dipisah-pisahaké miturut ukurané lan diarani kualitas A, B, C, lan D. Kualitas A yakuwi kang paling apik.[1] Panyebutan 'kenthang kualitas AB' maknané campuran saka kualitas A lan B. [1]

Delengen uga[sunting | sunting sumber]

Commons-logo.svg
Wikimedia Commons gadhah galeri bab:


Chatetan suku[sunting | sunting sumber]

  1. ^ a b c d e f g h i j k l m n o p q r s t u v w (id)http://www.kabarinews.com(dipunundhuh tanggal 13 Mei 2011)
  2. ^ a b c d e f g h i j k l (id)http://www.gizi.net(dipunundhuh tanggal 13 Mei 2011)
  3. ^ (id)http://inforesep.com(dipunundhuh tanggal 13 Mei 2011)
  4. ^ (id)http://www.tabloidnova.com(dipunundhuh tanggal 13 Mei 2011)
  5. ^ a b c d e f g (id)http://www.femina-online.com (dipunundhuh tanggal 13 Mei 2011)

Galeri[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kenthang&oldid=812634"