Weteng

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pambandhingan abdomèn manungsa lan semut.

Abdomen iku istilah sing dipigunakaké kanggo nyebut bagéyan saka badan sing ana ing antarané thorax utawa dhadha lan pelvis ing kéwan mamalia lan vertebrata liyané. Ing arthropoda, abdomen iku bagéyan paling posterior badan, sing ana samburiné thorax utawa cephalothorax (sefalotoraks).[1]. Ing basa Indonésia umum, asring uga disebut mawa perut lan ing basa Jawa weteng utawa padharan (krama) . Bagéyan sing ditutupi déning abdomen disebut cavitas abdominalis utawa rongga weteng.

Vertebrata[sunting | sunting sumber]

Ing vertebrata, abdomen iku s rongga gedhé sing dililingkupi déning otot-otot weteng ing bagéyan ventral lan lateral, sarta anané kolumna spinalis ing sisih dorsal. Bagéyan ndhuwur abdomen wewatesan karo balung iga utawa costae. Cavitas abdomninalis wewatesan karo cavitas thorax utawa rongga dhadha nganggo otot diafragma lan sisih ngisor karo cavitas pelvis utawa rongga panggul.

Antara cavitas abdominalis lan cavitas pelvis diwatesi nganggo membran serosa sing dikenal minangka peritoneum parietalis. Membran iki uga mbungkus organ sing ana ing weteng lan dadi peritoneum visceralis.[2]

Ing vertebrata, sajroning weteng ana werna-werna sistem organ, kayadéné sebagéyan gedhé organ sistem pencernaan, sistem perkemihan. Ing ngisor iki organ sing bisaapat ditemokaké jroning weteng:

Ana uga organ mligi sing khas ing sawetara kéwan kaya struktur lambung ing ruminansia sing dipérang dadi patang ruangan, rumen, retikulumn, omasum, abomasum.[3].

Avertebrata[sunting | sunting sumber]

Struktur ing semut pekerja.

Ing avertebrata, weteng kasusun saka lèmpèngan ndhuwur konkaf sing disebut tergit lan lèmpèng ngisor sing konvèks utawa sternit. Ing jero weteng ana saluran pencernaan lan organ reproduksi.

Ora kaya arthropoda liyané, serangga ora nduwèni sikil ing wetengé ing wangun diwasané, senadyan ing Protura ana sikil sing rudimenter (ora tuwuh) ing telung segmen weteng pisanan.

Réferènsi[sunting | sunting sumber]

  1. ^ Abdomen. (n.d.). Dictionary.com Unabridged (v 1.1). URL: http://dictionary.reference.com/browse/abdomen [Dijupuk: 22 Okt 2007]
  2. ^ Peritoneum. The Veterinary Dictionary. Elsevier, 2007. http://www.answers.com/topic/peritoneum [Accessed: 22 Oct 2007].
  3. ^ "Ruminant." The Veterinary Dictionary. Elsevier, 2007. http://www.answers.com/topic/ruminant [Accessed: 22 Oct 2007].
Sumber artikel punika saking kaca situs web: "http://jv.wikipedia.org/w/index.php?title=Weteng&oldid=816188"