Penis

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Anatomi sistem reproduksi lanang.

Pénis (saka basa Latin sing tegesé "buntut") utawa konthol utawa plandhungan ing basa krama utawa kerep diarani manuk, iku sawijining organ eksternal (amerga papané ing jabané awak) minangka organ sèksual utawa alat kelamin lan organ réprodhuksi ing sadhéngah organisme biologi lanang , ing vertebrata lan uga ing invertebrata.

Pénis iki dalan uyuh nalika urinasi lan dalan banyu mani utawa spérma nalika éjakulasi. Konthol bisa ngaceng utawa modhot lan ukurané bisa ping pindhoné ukurané biasa.

Struktur[sunting | sunting sumber]

struktur

Pénis manungsa dumadi saka telung kolom tissue biologi: loro corpora cavernosa sing jèjèr ing sisi dorsal lan siji corpus spongiosum sing dumunung ing antarané ing sisi ventral.

Bagéyan pucuk corpus spongiosum sing luwih gedhé mbentuk glans penis, sing dilindhingi kulit utawa prepuce, sing tumraping wong diwasa bisa ditarik kanggo munculaké glan penis. Wilayah ing ngisor pénis, papan nèmpèlé kulit, diaranifrenulum.

Diagram anatomi pénis manungsa.

Urèter, minangka bagéan pungkasan saka saluran uyuh urinary tract, ngliwati corpus spongiosum, lan bukakané, diarani meatus (pocapan jroning Basa Inggris /miːˈeɪtəs/), dumunung ing pucuk glans penis. Iki minangka dalan uyuh lan mani nalika ejakulasi. Sperma diprodhuksi jroning testis lan disimpen ing epididymis. Jroning ejakulasi, sperma disurung menyang vas deferens, loro saluran sing ngliwati samburiné kandhung kemih. Cuwèran ditambahaké déning seminal vesicle lan disaluraké liwat saluran ejaculatory duct sing nggabung karo urèter ing sajroning kelenjar prostat. Prostat lan uga kelenjar bulbourethral gland nambahi sèkrèsi, lan mani disemprotaké liwat pénis.

Pénis manungsa béda karo sing ana ing mamalia liyané, sebab ora nduwèni baculum, utawa balung èrèksi utawa erectile bone, lan gumantung marang engorgement nganggo getih supaya bisa èrèksi. Pénis manungsa uga ora bisa ditarik lan dilebokaké jroning kanthong kulit (groin), lan ukurane luwih gedhé tinimbang rata-rata kéwan miturut proporsiné.

Uga delengen[sunting | sunting sumber]

Pranala jaba[sunting | sunting sumber]

Commons-logo.svg
Wikimedia Commons gadhah galeri bab:
Wiktionary-logo-en.png
Look up penis in Wiktionary, the free dictionary.
Sumber artikel punika saking kaca situs web: "http://jv.wikipedia.org/w/index.php?title=Penis&oldid=820375"