Mata

Kanggo panggunan liya delengen: Mata (disambiguasi)

Mata
Secara metafora, mata manusia sering dianggap "jendela jiwa"
Gambar:Mata.png
Diagram mata manungsa. Ora kabèh mata makhluk urip nduwèni anatomi sing padha karo mata manungsa

Mata utawa mripat utawa sesoca iku organ pandulu sing ndhetèksi cahya. Sing diayahi mata paling prasaja yakuwi mung meruhi apa lingkungan saubengé padhang apa peteng. Mata sing luwih komplèks dipigunakaké kanggo mènèhi pangertèn visual.

Organ mata manungsa

Organ njaba

• Idep
• Alis mata
• Klopak mata

Organ njero

Bagéan-bagéan jroning organ mata ngeteraké cahya saka sumberé tumuju utek kanggo dicerna déning sistem saraf manungsa. Bagéan-bagéan kasebut yaiku:

• Kornéa
  Minangka bagéan paling njaba bola mata sing nampa cahya saka sumber cahya.
• Pupil lan Iris
  Saka kornéa, cahya diterusaké menyang pupil. Pupil nentokaké kuantitas cahya sing mlebu ing bagéan mata sing luwih jero. Pupil mata bakal dadi amba yèn kondhisi ruangan peteng, lan dadi ciut yèn kondhisi ruangan padhang. Ambané pupil dipengaruhi déning iris ing saubengé.Iris nduwèni fungsi minangka diafragma. Iris iki katon minangka bagéan sing mawa warna ing mata.
• Lènsa mata
  Lensa mata nampa cahya saka pupil lan nerusaké menyang retina. Fungsi lensa mata yakuwi ngatur fokus cahya, saéingga cahya tiba trep ing bintik kuning retina. Kanggo ndeleng obyèek sing adoh (cahya teka saka kadohan), lensa mata bakal dadi tipis. Déné kanggo ndeleng obyèek sing cedhak (cahya teka saka cedhakan), lensa mata bakal dadi kandel.
• Retina
  Retina iku bagéan mata sing paling peka marang cahya, khususé bagéan retina sing diarani bintik kuning. Sawisé retina, cahya diterusaké menyang saraf optik.
• Saraf optik
  Saraf sing mlebu sèl tali lan kerucut jroning retina, kanggo nuju menyang utek.

Deleng uga

• Kontak mata

Pranala njaba

Wikimedia Commons gadhah galeri bab:

Mata

• (id) Gambar anatomi mata