Tungkak

Saka Wikipédia Jawa, bauwarna mardika basa Jawa
Balung calcaneus ing tungkak.

Tungkak (Basa Indonésia: Tumit), iku péranganing sistem balung ing awak manungsa kang dumunung ing sikil. Tungkak iku dhéwé wujud balung gedhé dhéwé ing tlapak sikil. Balung iki dumunung ing ssisih mburi kang ngalihaké bobot awak memburi.

Balung tungkak duwé tugas abot ya iku nyangga bobot awak, mligi nalika lumaku utawa lumayu. Tungkak uga mawa sendhi, ing sisih ndhuwur tungkak mawa sendhi talus (balung panggonan mata kaki) lan ing ngarep kuboid (balung penghubung karo ((ulang|driji}} sikil).

Tungkak uga dislimuti otot lan serabut saraf kang akèh banget cacahé. Yèn krasa nyeri, rasa lara mau bisa asal saka otot, saraf utawa balung tungkak dhéwé. Malahan, bisa wujud gabungan saka loro utawa telu panyebabé. Mung waé, rasa nyeri bisa dibédakaké, upamané, yèn kang kena ototé, rasa lara bakal krasa kanthi periodik ora terus-terusan, sanadyan dianggo lumaku. Lumrahé, yèn rasa lara disebabaké déning otot, ana otot kang kaku saéngga perlu dilemesaké kanthi cara dikomprès nganggo banyu anget.