Istilah lokasi anatomi

Anatomi nduwèni perbendaharaan tembung internasional. Istilah anatomis nduwèni makna sing trep lan dipigunakaké jroning kedhokteran lan biologi. Saliyané istilah anatomis, biasané dipigunakaké uga istilah sadina-dina utawa istilah liyané kaya balung belikat (scapula) lan circulus Willis (Circulus arteriosus cerebri).

Posisi anatomi

Gambaran posisi anatomi manungsa

Kabèh deskripsi anatomis disesuaina standar posisi anatomi. Bab iki supaya ora ana kesalahpahaman makna.

Syarat posisi anatomi:

• Ngadeg tegak, kanthi sirah, kaloro mata, lan driji sikil madhep mangarep.
• Kaloro tangan ing sisih awak kanthi tlapak tangan kabukak mangarep.
• Kaloro sikil rapat lan ngadhep mangarep depan.

Bidhang anatomi

Bidhang anatomi iku bidhang sing ngliwati awak jroning posisi anatomi:

• Bidhang median: bidhang sing mérang awak dadi rong bagéan sing padha, tengen lan kiwa.
• Bidhang sagital: bidhang sing mbagi awak dadi rong bagéan saka titik tinentu (ora mbagi persis rong bagéan). Bidhang iki sejajar karo bidhang median.
• Bidhang horizontal: bidhang sing malang ngliwati awak (bidhang X-Y). Bidhang iki mbagi awak dadi bagéan ndhuwur (superior) lan ngisor (inferior).
• Bidhang koronal: bidhang vertikal sing ngliwati awak, dunungé tegak lurus marang bidhang median utawa sagital.mbagi awak dadi bagéan ngarep (frontal) lan mburi (dorsal).

Istilah kanggo perbandhingan

Arah lan bidhang anatomi kanguru

• Superior(=ndhuwur) utawa kranial: luwih cedhak marang endhas.

Conto: Cangkem dumunung superior tinimbang janggut.

• Inferior(=ngisor) utawa kaudal: luwih cedhak saka sikil.

Conto: Puser dunungé inferior tinimbang payudara.

• Anterior(=ngarep): luwih cedhak mangarep.

Conto: Lambung dunungé anterior tinimbang limpa.

• Posterior(=mburi): luwih cedhak memburi.

Conto: Jatung dunungé posterior tinimbang balung iga.

• Superfisial: luwih cedhak menyang/ing permukaan.

Conto: Otot sikil dunungé superfisial saka balungé.

• Profunda: luwih adoh saka permukaan.

Conto: Balung hasta lan pengumpil dunungé luwih profunda tinimbang otot lengen ngisor.

• Medial(=njero)): luwih cedhak menyang bidhang median.

Conto: Driji manis dunungé medial tinimbang driji jempol.

• Lateral(=njaba): ngadohi bidhang median.

Conto: Kuping dunungé lateral tinimbang mata.

• Proksimal(=ndhuwur): luwih cedhak karo awak utawa pangkal.

Conto: Siku dunungé proksimal tinimbang tlapak tangan.

• Distal(=ngisor): luwih jauh dari awak utawa pangkal.

Conto: Ugel-ugel tangan dunungé distal tinimbang sikut.